1 कुरिन्थियो 4:6 - सत मारग पर चलन वारो किताब

⁶ अपरो हित को लाय, मोरो संगीहुन! मिना अपोलुस अना मोरो उदाहरन लक यो गोस्टी सबा पर लागू करीसेऊ। जोन लक सबा सिक्सा आन के साजरो लक नियम को पालन करहेत। तुमीला कोनी पर गरब करनो अना कोनी ला नीच नही समजनो पाहिजे।

1 कुरिन्थियो 4:6 ပူးပေါင်းရင်းမြစ်များ

पेरीत 18:24

वोनोच बेरा वहान अपुल्लोस नाव को यहूदी होतो। उ सिकन्दरिया को बिस्वासी होतो। बोलन मा विदवान होतो। अना वोला पवितर गिरंथ को लगत गियान होतो। उ इफिसुस नगर आयो।

पेरीत 19:1

वोनो बेरा अपुल्लोस कुरिन्थुस नगर मा होतो। तबा पौलुस भीतरी परदेसगीन को लक यातरा खतम करके इफिसुस आइस। वहान वोला काही चेला गीन मिलीन।

रोमियो 12:3

अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।

1 कुरिन्थियो 1:12

मोरो सांगनो यो से का, तुमरो मा कोनी तो आपरो आपला पौलुस को, कोनी अपुल्लोस को, कोनी कैफा को, अना कोनी मसीह को कव्हासेत।

1 कुरिन्थियो 1:19

काहेका लिखीसेत, मी गियानी गिनको गियान ला नास कर देहू, अना समजदार गीनको समजदारी ला बेकार कर देहू।

1 कुरिन्थियो 1:31

एकोलाय जसो पवीतर गिरंथ मा लिखीसेत “अदी कोनी घमंड करनो चव्हा सेत तो उ पिरभू मा घमंड करे।”

1 कुरिन्थियो 13:4

माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत।

1 कुरिन्थियो 3:19

काहेकि यो संसार को गियान, परमेस्वर को नजर मा अठ्ठियापन सेत। पवीतर गिरँथ मा यो लिखी से, “उ गियानी गीनला उनको चतुराई मा च फसावासे”

1 कुरिन्थियो 3:21

एकोसाठी कोनी मानूस पर गरब नही करे। सबच काही तुमरो च से।

1 कुरिन्थियो 5:2

मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो।

1 कुरिन्थियो 5:6

तुमरो गरब करनो साजरा नाहती। का तुमीला मालुम नहती? जरा सो खमिर सब मलो कनिक ला खमीर बना डाका सेत, अना जसो हाना सेत का “एक मरो मसरी, सप्पा बोडी को पानी ला, खराब कर देवसेस।”

1 कुरिन्थियो 8:1

अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत।

1 कुरिन्थियो 9:23

मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ।

2 कुरिन्थियो 10:12

काहेकी हमी असी हिम्मत नही का, हमी अपरो आप ला उन मा लक असो काही को संग गीनन या उनला अपरो ला मिलाहे जोन अपरी साबासी खुदच करासेत अखीन अपरो आप आपसी तवल के एक दुसरो लक मिलके कम अक्ल ठहराहेत।

2 कुरिन्थियो 10:15

हमी सिव मेंढो लक बाहेर दुसरो की मेहनत पर घमंड नही करेत पर हमला आस से का जसो-जसो तुमरो भरोसा बड़तो जाहे वसो-वसो हमी अपरी सिव मेंढो को जसो तुमरो कारन अखीन भी बढता जाबीन

2 कुरिन्थियो 10:7

तुमी वोनच गोस्टी गीन ला देखो जोन डोरा को पुड़ा से अदी कोनी को अपरो पर यो भरोसा होहे का मी मसीह को सेव त उ असो जानले का जसो उ मसीह को से वसोच हमी भी सेजन।

2 कुरिन्थियो 11:4

अदी कोनी तुमरो जवर आयके कोनी दुसरो यीसु को परचार करयेत जेनको परचार हमी ना नही करयो कोनी अखीन आतमा तुमला मिलहेत जोन पहेल नही मिलयो होत्यो अना कोनी साजरो बारता आयकावत जेनको लक तुमी न पहेल नही मानयो होत्यो त तुमी वोला सह लेवासो।

2 कुरिन्थियो 12:19

तुमी अबा तकन समझ रहया होव्हो क अमीना जवाब देइसेत, अमी तो परमेस्वर ला हाजिर जानके ना मसीह मा संगसेजन, अना वो मोरो चहेतो लोक हुन, यो सब गोस्टी तुमरोच उन्नती साठी संगसेजन।

2 कुरिन्थियो 12:20

काहेका मोला असो भेव सेत, का कदी असो तो नही भई जाय, का मी आय के ना जसो मी तुमी ला चोवनो चव्हासू वसो तुमी मोला नही भेटयो, अना तुमरो मा लडाई रार जलन चुगली अना गरब होहे।

2 कुरिन्थियो 12:6

काहेका अदी मी गरब करनो चाव्हू तो मी मुरख नही सेउ, काहेका मी खरो सांगसू, ता भी रुक जावासू, असो नोको होव्हे का जसो कोनी मोला चोवसेत या मोरो लक आयक सेत; मोला वोको लक मोठयो समझे।

2 कुरिन्थियो 4:15

यो सब तुमरो साठी से; अना जसो की परमेस्वर की किरपा लगत स लोकगीन तकन पहुचसे, वय परमेस्वर की बड़ाई को धनवाद देन को साठी लगत पिराथना ला पेस करहेति।

कुलुस्सियो 2:18

कोनी मानूस आत्म हीनता अना सरगदूत गीन की पूजा पाठ करायके तुमला साजरी दौड़ को ईनाम लक छुछो नोको करेत। असो मानूस चोवयो हुयो गोस्टी मा लगयो रव्हसे अना आपरी आँग को अक्ल पर बेकार मा फुलसे,

1 थिस्सलुनीकियो 1:5

काहेकी हमीना निरो गोस्टी लक नही पर ताकत अना पवीतर आतमा अखीन पिक्को बिस्वास को संग तुमी लोकगीन को बीच मा साजरो बारता को पिरचार करीया तुमी जानासेव का तुमरो कल्यान को लाई, तुमरो बीच मा हमरो सुभाव कसो होतो।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।