1 कुरिन्थियो 4:21 - सत मारग पर चलन वारो किताब

²¹ तुमरो काजक मनसा सेत? का तुमी ला समजावन काजी बेत धरके आऊ? या पिरेम, अना नरमी आतमा आन कन आऊ?

1 कुरिन्थियो 4:21 ပူးပေါင်းရင်းမြစ်များ

1 कुरिन्थियो 4:18

काही लोकगीन घमंडी भई गई सेत। उनला असो लगा से, जसो मी उनको कठा आवनवालो नही सेऊ।

1 कुरिन्थियो 5:5

वा मानूस को देह ला सैतान को हात मा सोप देवने। वोको देह तो नास भयी जाहेत। पर पिरभु को दिवस मा वोको आतमा बचायो जाहेत।

2 कुरिन्थियो 1:23

परमेस्वर गवाह सेत मी आपरो जिंदगी को किरिया सांग सेऊ। का मी यो काजी अब तकन कुरिन्थुस नही आईसेव का मी तुमीला दुख बचायो राखनो चाव्हत होतो।

2 कुरिन्थियो 10:6

अखीन तैय्यार रव्हसे का जबा तुमरो हुकूम पूरो होय जाहे त हर एक पिरकार को हुकूम ला तोड़हेत त सजा देहेत।

2 कुरिन्थियो 10:8

काहेकी अदी मी वोना अधिकार को बारे मा अना घमंड दिखावसू जोन पिरभू न तुमरो बिगाड़न को लाई नही पर बनावन लाई हमला देईसेस त बेइज्जती नही होवन देहू।

2 कुरिन्थियो 12:18

मीना तितुस ला समझाके ना वोको संग मा एक भाऊ धाडिसेऊ, तो का तितुस ना तुमला चुथिया बनाके काही माँगीसेस? का आमी एकच आतमा को चलाय नही चलबिन? का आमी एक लाईन लक नही चलबिन?

2 कुरिन्थियो 13:10

यो कारन मी तुमरो गयर हाजीर मा यो गोस्टी लिखासेऊ की हाजिर होयके मोला ओना हक को जसो जोनला पिरभु ना बिगाड़न को साठी नही पर बनावन को साठी मोला दियो से, कड़ाई लक काही करनो नही पड़ेह।

2 कुरिन्थियो 13:2

जसो मी जबा दुसरो बार तुमरो संग होतो। वसोच अबा दुहुर लक, उन लोकगीन ला जोन ना पाप करिसेत अना तुमी सबला मी सांगसू, का मि आहिन तो तुमरो खैरियत नाहती।

2 कुरिन्थियो 2:1

एकोलाय मीना आपरो आप मा यो तय कर लेईसेव, का तुमी लोक गिनला दुबारा दुख देवन साठी मी तुमरो बीचमा नोको आऊ।

2 कुरिन्थियो 2:3

अना योच गोस्टी मीना तुमिला एकोलाय लिखी सेऊ, का जबा मी तुमरो जवर आहिन, ता जोन लक मोला खुसी मीलनो से, उनको लक मोला दुख ना पोहचायो जाय। मोला तुमी सब मा यो गोस्टी को भरोसा सेत, का जोन मरो खुसी सेत वा तुम सब को सेत।

2 कुरिन्थियो 3:10

सहीमा उ जोन तेज होत्यो अता वोना तेज को पुड़ा जोन वोको लक बढकेन तेज से उ कम होय जाहे।

गलातियो 6:1

भाऊगीन अना बहिनगीन। अदी यो मालुम चलतो का कोनी ना कोनी गलत काम करीसेस तो तुमी लोक जोन आतमिक सेव, ओला नरम तरीका लक साजरो करबिन। तुमी खुदच सतरक रव्हने कहिं असो न होय की तुमी भी परिक्सा मा पड़ जाहो।

1 थिस्सलुनीकियो 2:7

आमी यीसु मसीह को पेरीत होवन को साठी आमी तुमरो वरता हक जमाय सकता, पर आमी ना तुमरो संग नरमी लक पेस भयो, जसो एक दुध पीवावन वालो माय अपरो लेकरागीन को पाल-पोस के नरम रुप लक पेस आवासे।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।