1 कुरिन्थियो 4:17 - सत मारग पर चलन वारो किताब

¹⁷ योच कारन लक मीना, तीमुथियुस ला, जोन पिरभू यीसु मसीह मा मोरो चहेतो टूरा सेत। वोला मी तुमरो कठा धाड़िसेउ। वो तुमिला मसिहा मा मोरो भरोसा को लायक चाल चलन ला हेत करायेत। जसो का मी हरेक जघा कलीसिया मा सिक्सा देवा सेऊ।

1 कुरिन्थियो 4:17 ပူးပေါင်းရင်းမြစ်များ

मत्ती 24:45

असो बिस्वास काबील अना अक्कलवारा दास कोन सेत? जोनला वोका मालीक ना नौकर गीन को वरता, मुकतियारी मा राखेत का सबला सहि बेरा मा वोला जेवन देहेत।

मत्ती 25:21

ओको मालिक ना ओला कहीस, सबास साजरो बिस्वासी दास तु जरा सो मा लायक हिटसेस। मि तोला लगत चीज गीन को वरता, अधिकारी बनाहुँ। आपरो पिरभु को सँग खुसी मनाओ।

मत्ती 25:23

ओको मालिक ओला कव्हयो साबास साजरो, अना बिस्वासी दास तु जरा सो मा लायक हिटयो से, यो काजी तोला लगत चीज को अधिकार देहुँ, तु भी आव अना आपरो मालिक को सँग खुसी मनाओ।

पेरीत 16:1

मंग पौलुस अना सिलास, दिरबे अखीन लुस्तरा नगर मा गइन। वहान तीमुथियुस नाव को एक चेला होतो। जोन को माय यहुदी बिस्वासी अना वोको बाप यूनानी होतो।

1 कुरिन्थियो 11:16

अदी कोनी एको बारेमा बकबक करनो चाव्ह सेत तो यो जान लेवेका आमरो कठा कोनी दुसरो नियम नाहती, अर ना परमेस्वर को कलीसिया मा दुजो नियम सेत।

1 कुरिन्थियो 11:2

तुमी मोरो हरेक बात को ध्यान राखासो अना जोन-जोन नेम मीना तुमला सांगिसेऊ उनमा तुमी बनो रव्हासो एकोलाय मी तुमारो बडाई करा सेऊ।

1 कुरिन्थियो 11:34

अदी कोनी ला भूख लगे तो वा आपरो घरमा जायके जेवन करे। जोको लक तुमरो सभा मा सजा को करन नोको बने। बाकी बात ला मी आयके ठीक कर देबिन।

1 कुरिन्थियो 14:33

काहेका परमेस्वर गडबडी को नही पर सान्ती को परमेस्वर सेत, जसो पवीतर लोकगीन को सब कलीसिया मा होवासेत।

1 कुरिन्थियो 16:1

पवीतर लोकगीन लाय दान जमा करन को बारेमा जोन हुकूम मीना गलातिया को कलीसिया ला देई सेऊ, वोला तुमी भी मानो।

1 कुरिन्थियो 16:10

अदी तीमुथियुस आहेत तो वोको साजरा लक खियाल राखजोस। का उनला कोनी बात को कमी नोको होयेत। काहेका उ मोरो जसो पिरभू को काम मा लगयो रव्हा सेत।

1 कुरिन्थियो 4:14

मि तुमला लजान काजी नही, पर आपरो चहेतो लेकरा समजके यो गोस्टी लिखके, सतरक करा सू।

1 कुरिन्थियो 4:15

अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ।

1 कुरिन्थियो 4:2

असो सेवक गिनको लाय यो गोस्टी जरूरी सेत। का वय अपरो गुरु को लाय बिस्वास को काबिल होवनो पाहिजे।

1 कुरिन्थियो 7:17

जसो पिरभू ना हरेक ला दीयो सेत, अना जसो परमेस्वर ना हरेक ला हाकलि सेत, वसोच चले, मी सबा कलीसिया मा असोच ठहरावा सेऊ।

1 कुरिन्थियो 7:25

अबा कुंवारी टुरीगीन को बारेमा पिरभू को कोनी हुकूम, मोला नही भेटिसेत। पर बिस्वास को काबिल होवन को काजी, जसो दया पिरभू ना मोरो पर करिया सेत, वोको लक मी सला देवा सेऊ।

2 कुरिन्थियो 8:18

आमी ना वोको संग उ भाऊ ला भी धड़यो से, जेनको नाव साजरो बारता को बारेमा कलीसिया मा फैलो हुया से।

इफिसियो 6:21

तुखिकुस, जोन माया वालो भाऊ से अना पिरभु मा बिस्वास लायक दास से, तुमला मोरो हाल को बारे मा सांगेह की तुमी जान सकोह की मि कोन सो हाल मा सेव।

फिलिप्पियो 2:19

मोला पिरभु यीसु मा आस से की मि तीमुथियुस ला तुमरो जवर तुरुतच धाड़ुह, जोकोलक तुमरो दसा आयक के मोला सान्ती मिलेह।

फिलिप्पियो 2:22

पर ओला ता तुमीना ता परखया सेव, अना जानच लेईसेव, की जसो टूरा बाबूजी को संगा करासे, वसोच ओना साजरो बारता को फैलावन मा मोरो संगा सेवा करीसेस।

कुलुस्सियो 1:7

तुमीना हमारो चहेतो संगी चाकर एपफ्रास लक परमेस्वर को किरपा को बारे मा सीखयासेव, जोन आमरो कन लक मसीह को वफादार बिस्वासी काम करनवारा सेत।

कुलुस्सियो 4:9

ओको सँगा मिना उनेसिमुस ला धाडिसेव जोन बिस्वास काबील अना माया को भाऊ अना तुमी मा लक से। यो तुमला यहान की सप्पा गोस्टी साँग देहे।

1 तीमुथियुस 1:18

अरे टूरा तीमुथियुस उन भविस्यवक्ता गीन को जसो जोन पहेल तोरो बिसय मा करी गई होती मी यो हुकूम सोपसेऊ का तु उनको जसो साजरी लडाई ला लडता हुया बुराई को सामना कर।

1 तीमुथियुस 1:2

तीमुथियुस को नाव जोन बिस्वास मा सच्चो टूरा से परमेस्वर अजी अना हमरो पिरभु मसीह यीसु को कन लक तोला आसीरवाद अना दया अखीन सान्ती मिल रहीसे।

2 तीमुथियुस 1:2

चहेतो टूरा तीमुथियुस को नाव परमेस्वर बाप अना हमरो पिरभू मसीह यीसु को कन लक तोला आसिरवाद अना दया अखीन सान्ती भेटत रव्हे।

2 तीमुथियुस 2:2

अना जोन गोस्टी तु न लगत सा गवाह गीन को पुड़ा मोरो लक आयकिसेस वय बिस्वासी मानूस गीन ला सोप दे जोन दुसरो ला सिकावन कबील होहेत।

2 तीमुथियुस 3:10

पर तु न सिक्सा चालचलन मनसा बिस्वास सहन करन को ताकत पिरेम धीरज अना सताय जानो अना दुख उठावन मा मोरो संग देईस।

तीतुस 1:5

मि यो साठी तोला क्रेत मा छोड़ आयो होतो की तु बचयो गोस्टीहुन ला सुधारजोस, अना मोरो हुकूम को कन लक नगर-नगर मुखिया गीन लक ला ठहराजोस।

परकासित वाक्य 2:10

उन दुख तकलीफ लक तू नोको डराय जोन तोला झेलनो सेत। आयको सैतान तुम लोक मा काही ला जेलमा डाखेत जोनलक तुमरो परिक्सा लेहेत। अना तुमला यो दुख दहा दिवस तकन भोगनो सेत। चाहे तोला मौत आ जाय, पर सच्चो बनेयो रव्जोस। अना मि तोला अमर जीवन को जीत को मुकुट देहिन।

परकासित वाक्य 2:13

मी जाना सेऊ का तुम्ही कितानी रव्हअ सो? जितानी सैतान को सिघासन सेत। तुम मोरो लाय सच्चो सेव। अना तुमीना वोन बेरा भी बिस्वास नहि सोड़यो, जबा मोरो बिस्वासी गवाह अन्तापस मारयो गयो। जितानी सैतान रव्हत होतो।