1 कुरिन्थियो 4:15 - सत मारग पर चलन वारो किताब

¹⁵ अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ।

1 कुरिन्थियो 4:15 ပူးပေါင်းရင်းမြစ်များ

रोमियो 15:20

पर मोरो मनमा यो उमंग सेत। का जहान-जहान यीसु मसीह को नाव नही लियो गयो से, वहान साजरो बारता आयकाव, असो न हो का दुसरो को रद्दा मा घर बनाऊ।

1 कुरिन्थियो 1:30

पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।

1 कुरिन्थियो 15:1

मोरो संगीहुन! अबा मी तुमी लोकगीन ला वोना साजरो बारता ला हेत दिलावा सेऊ। जेनको परचार मीना तुमरो बीचमा करी सेऊ। अना तुमीना वोला अपनाई सेव, अना वोमा मेड़ा को जसो मजबुत सेव।

1 कुरिन्थियो 3:10

जोन बरदान परमेस्वर ना मोला दियो सेत, वोला बवजतो हुया मिना एक इमारत बनावन वालो इन्जनियर जसो, काम करीसेऊ। अना पाया धरीसेऊ, अना कोनी वोको मा बनावअ सेत। परा हरेक ला हुसियार रव्हन को जरूरत सेत। का कसो बनावअ सेत।

1 कुरिन्थियो 3:6

मिना बीज पेरो, अपोलुस ना फसल मा पानी चलायो। परा परमेस्वर ना वोला बड़ायो।

1 कुरिन्थियो 3:8

लगावन अना सींचनवालो एकच काम करा सेत, अना हरेक आपरो-आपरो मेहनत को लक पगार पाहेत।

1 कुरिन्थियो 9:12

अदी दुजो लोकगीन ला तुमी पर यो हक से, तो का बराबरी मा हमरो लगत हक नही? मंग हमीना यो हक ला नही बवजसेजन, काहेका हमी मसीह को साजरो बारता मा कोनी बाधा डाकनो नही चाव्हा सेजन। एको लाई हमी, हर तौर लक दुख उठासेजन।

1 कुरिन्थियो 9:14

असोच पिरभू ना हुकूम देइसेस, का साजरा बारता आयकावान वारा, साजरा बारता आयकवा के, आपरो जिंदगी को रूजूक भाकर चला सका सेत।

1 कुरिन्थियो 9:16

मि यो गोस्टी पर गरब नही करुसु, की मि साजरो बारता को साँगन वालो सेऊ। मि तो यो काम करन को लाई मजबुर सेव। हाय! से मोला, अदी मि साजरो बारता ला नही सांगु।

1 कुरिन्थियो 9:18

तो ईनाम पर मोरो कोन तो हक से? अना मि साजरो बारता को बारे मा आपरो हक ला काम मा नही आनु सेऊ। उ यो से का मी फोकट मा, साजरो बारता ला सांगा सेऊ।

1 कुरिन्थियो 9:23

मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ।

2 कुरिन्थियो 4:5

काहेका आमी खुदच को परचार नही करसेजन, पर आमी पिरभू यीसु मसीह ला परमेस्वर को रुप मा परचार करसेजन। अना आपरो बारेमा असो कव्हसेजन का आमी यीसु को कारन तुमारो दास सेजन।

गलातियो 3:24

ऐना रिती लक मसीह तकन पहुचन को साठी मोसे को नियम आमरो रखवारी करत होती। जोन भरोसा लक आमी लक न्यायी ठहरायो जावबिन।

गलातियो 3:25

पर भरोसा आवनो लक आमी रखवालो का कब्जा मा नही रहया।

गलातियो 4:19

मोरो चहेतो लेकरा। जबा तकन तुममा मसीह को स्वरुप नही बन जावा। तबा तकन मि तुमरो लाई मंग जच्चा की पीड़ा सह रही सेव।

2 तीमुथियुस 4:3

काहेकी असो बेरा आहे जबा लोक खरो सिक्सा नही सह सको पर कान गीन की खुजली को कारन अपरी आस को जसो अपरो लाई लगत सी सिक्सक बटोर लेहेत।

तीतुस 1:4

तीतुस को नाव जोन भरोसा को भागी होवन लक मोरो खरो टूरा से। परमेस्वर बाबूजी अना आमरो बचावन वालो मसीह यीसु को कन लक तुमला दया अना सान्ती मिलत रव्हे।

फिलेमोन 1:19

मि पौलुस आपरो हात लक लिखसेउ की मि आपच भर देहू। अना एको कव्हन को काही जरुरत नही की मोरो करजा जोन तोरो पर से, उ तु च आस।

याकूब 1:18

खराई को साजरो बारता को कन लक आपरी औलाद बनावन को साठी ओने आमला निवड़ीसेस। मनजे आमी सबच जीवधारी हुन को बीच ओकी फसल को पुढ़ा फर सिध्द होय।

1 पतरस 1:23

काहेकी तुमी न नासवान नही पर अविनासी बीज लक दुबारा जिंदगानी नही पायो सेव। बलकि यो उ बीज को फर सेत। जोन अमर सेत। तुमारो नवतो रीती लक जलम परमेस्वर को उ साजरा बारता लक भयो सेत, जोन जित्तो अना अटल सेत।