1 कुरिन्थियो 3:5 - सत मारग पर चलन वारो किताब

⁵ अखट्ट मा, अपोलुस कउन सेत? अना पौलुस कोन सेत? अमी केवल परमेस्वर को सेवक सेत। जोनको लक तुम्ही बिस्वास करन को लाय तैयार भयी सेव। आमरो लक हरेक वोच काम करा सेत, जोन काम पिरभू ना उनला दियो होतो।

1 कुरिन्थियो 3:5 ပူးပေါင်းရင်းမြစ်များ

मत्ती 25:15

वोना एक ला खुरो को सिक्का लक भरयो पाँच पिवसी, दुसरो ला दोन अना तिसरो ला एक पिवसी उनको योगता को अनुसार दियो। अना मालिक यातरा मा हीट गयो।

लूका 1:2

पयले यीसु को उन गोस्टी ला चोवन अखीन आयकन वालो दास होतिन। उनना सबच गोस्टी ला हमि तकन धाडिसेस।

योहन 3:27

योहन ना जवाब देइस, “जब तकन मानूस ला सरग लक नही दियो जाय सका, तब तकन वा काही नही पाय सकासे।

पेरीत 18:24

वोनोच बेरा वहान अपुल्लोस नाव को यहूदी होतो। उ सिकन्दरिया को बिस्वासी होतो। बोलन मा विदवान होतो। अना वोला पवितर गिरंथ को लगत गियान होतो। उ इफिसुस नगर आयो।

पेरीत 19:1

वोनो बेरा अपुल्लोस कुरिन्थुस नगर मा होतो। तबा पौलुस भीतरी परदेसगीन को लक यातरा खतम करके इफिसुस आइस। वहान वोला काही चेला गीन मिलीन।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

1 कुरिन्थियो 12:28

अना परमेस्वर ना कलीसिया मा अलग-अलग बरदानी मानूस ठहराइसेस। पयलो पेरीत दूजो भविस्यवक्ता तिजो गुरू, मग अचंभा काम करनवारा, मंग बिमारला साजरा करनवारा, अना उपकार करन वारा, अना बेवस्था करनवारा अना लगत भासा बोलन वारा

1 कुरिन्थियो 16:12

भाऊ अपुल्लोस लक मी ना लगत बिनती करियात, का तू भाऊहुन संग जाय। पर उ एकदम आवन को लाय तैय्यार नही भयो। पर सुट्टी मिलन पर जरुर आहेत।

1 कुरिन्थियो 3:10

जोन बरदान परमेस्वर ना मोला दियो सेत, वोला बवजतो हुया मिना एक इमारत बनावन वालो इन्जनियर जसो, काम करीसेऊ। अना पाया धरीसेऊ, अना कोनी वोको मा बनावअ सेत। परा हरेक ला हुसियार रव्हन को जरूरत सेत। का कसो बनावअ सेत।

1 कुरिन्थियो 3:22

चाहे उ पौलुस, अपुल्लोस अना कैफा होय, संसार होय या जीवन होय या मिरतु होय, बितो बेरा होय या भबिस्य होय-उ सबच तुमरो से।

1 कुरिन्थियो 3:7

जोन फसल पेरा सेत, अना जोन पानी सिंचा सेत उनको कोनी मायना नाहती। परा फसल ला बड़ावन वालो परमेस्वर मायना राखा सेत।

1 कुरिन्थियो 9:17

अदी मि आपरी मनसा लक यो कव्हसू, तो मोला ईनाम को हक से, पर मि आपरी मरजी लक यो नही करुसु। मोला जोन काम भरोसा लक सौपियो गई से मि ओला पूरो करुसेऊ।

2 कुरिन्थियो 11:23

का वोच मसीह को दास सेत? मी बैताड को जसो कव्हसू मी उनलक मोठयो सेव। जादा मेहनत करनो मा, बार-बार जेल जानो मा, कोडा लक मार खानो मा, बार-बार मरते-मरते बचनो मा,

2 कुरिन्थियो 3:3

अना असो पिरगट करयेत का मसीह की चिठ्ठी तुमी सेव जेकी देख-रेख अना जोन त स्याही लक नही अखीन न गोटा की पाटी पर जित्तो परमेस्वर की आतमा लक मानूस को देह हिरदय पर लिखयो गयो से।

2 कुरिन्थियो 3:6

जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।

2 कुरिन्थियो 4:1

यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन।

2 कुरिन्थियो 4:5

काहेका आमी खुदच को परचार नही करसेजन, पर आमी पिरभू यीसु मसीह ला परमेस्वर को रुप मा परचार करसेजन। अना आपरो बारेमा असो कव्हसेजन का आमी यीसु को कारन तुमारो दास सेजन।

2 कुरिन्थियो 4:7

पर आमी माती को भान्डो सेजन। अना आमी मा यो धन यो काजी ठेवो गई सेत का यो ताकत को बड़कपन आमरो कन लक नही पर परमेस्वर को कन लक से असो मालुम भई जाये।

2 कुरिन्थियो 5:18

अबा यो सबच गोस्टी परमेस्वर को कन लक से जेना मसीह को कन लक हमरो मेल अपरो संग कर लेईन अना हमरो मेल मिलाप की सेवा देईसेस।

2 कुरिन्थियो 6:1

परमेस्वर को संग हमारो काम मा, मंग हमी तुमरो लक बिनती करतत, का कोनी परमेस्वर की किरपा पायके उ नास होय जाहे।

2 कुरिन्थियो 6:4

एको अलावा, आमी जोन सजरो बरताव काही भी करसेजन आमी चोवासेजन की आमी धीरज लक परेसानी, कठिनाइगीन को धीरज लक परमेस्वर के दास से।

इफिसियो 3:7

साजरो बारता को काजी मि ओनो साजरो बारता को पिरचार करन वारा एक सेवक बन गयो, जोन ओको ताकत को जसो परमेस्वर को दया परमेस्वर को दियो दान को रुप मोला सोपयो गयो होतो।

कुलुस्सियो 1:23

अदी तुम भरोसा को नीव मा पक्को रूप लक बनो रव्हो अना वा साजरा बारता को आस ला जोन तुमी आयकु सेव, नही छोड़यो, जोनको परचार बादल को खाल्या, सारो दुनिया मा कव्हयो गयो अना वोको दास मी पौलुस बनीसेव।

कुलुस्सियो 1:25

अना मोला परमेस्वर लक कलीसिया को दास बना दियो गयो सेत। जोनना मोला यो काम करन को लाय आपरो काम दियो सेत। यो पूरो रीत लक अपरो खबर साँगन को काम सेत।

1 तीमुथियुस 1:12

मि आपरो पिरभु यीसु मसीह को जोन ना मोला ताकत देईसेस, बिनती करुसेऊ की ओना मोला बिस्वास लायक समझ के आपरो सेवा को साठी ठहराईसेस।

1 पतरस 4:10

जोनला यो दान भेटयो सेत। उ परमेस्वर को अनेक किरपा को तंदुरुस्त दीवान जसो दुसरो को सेवा करन्या साठी वापरावे।