1 कुरिन्थियो 15:3 - सत मारग पर चलन वारो किताब

³ जसो गिरंथ मा लिखयो सेत, का “मसीह आमरो पाप गिनको लाय मर गयो सेत।” यो गोस्टिको लगत महात्व सेत। मोला भेटयो सेत मी तुमीला सोपदेयी सेऊ।

1 कुरिन्थियो 15:3 ပူးပေါင်းရင်းမြစ်များ

मत्ती 26:24

मानूस को टूरा को बारे मा असो लिखयो से, उ ता जावसे पर ओना मानूस पर, हाय जेना लक मानूस को टूरा धरायो जाहे। अदी उ जलम नही लेतो, ता साजरो होतो।

मत्ती 26:28

“यो मोरो रक्त से, जोन परमेस्वर को करार ला स्थापित करासेत। अना मोरो रक्त लगत लोकगिन को पापहुन को छिमा को लाय बोहायो गयो सेत।”

लूका 24:25

तबा यीसु कव्हासेत, हे कम भरोसा को, तुमरी अक्कल मा गोटा पड गयो का, तुम्ही भविस्यवक्ता गीन पवीतर गीरंथ ला नही समजासो?

योहन 1:29

दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी से, जो दुनिया को पाप ला उचल ले जावसे।

पेरीत 17:2

पौलुस अपरी रीत को लक वहान उनलक भेटयो। उनना तीन हपता को पवीतर दिवस लक उन को संग मा बिचार राखिस।

पेरीत 3:18

पर जेना गोस्टी ला परमेस्वर न सबच मोठो भविस्यवक्ता को टोन्ड लक पहेलच सांग दियो होतो का वोको, मसीह दुख उठाये वोना ऐना रिती लक पूरो करीसेस।

पेरीत 8:32

गिरंथ की जोन हिस्सा ला वा बाच रव्हो होतो उ यो होतो। वोला बली होवन वालो मेंढा को जसो लीजाय रहयो होतिन। वा तो वोना पाठी को जसो उगो-मुगो होतो, जोन आपरो ऊन कापन वालो को पुड़ा रव्हसे। ठीक वसोच ही वोना अपरो टोन्ड नही खोलीस।

रोमियो 3:25

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।

रोमियो 4:25

वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।

1 कुरिन्थियो 11:2

तुमी मोरो हरेक बात को ध्यान राखासो अना जोन-जोन नेम मीना तुमला सांगिसेऊ उनमा तुमी बनो रव्हासो एकोलाय मी तुमारो बडाई करा सेऊ।

1 कुरिन्थियो 11:23

जोन नेम-धरम मीना तुमला सोपिसेव, उ मोला पिरभू लक भेटयो सेत। मजे जोन रात मा यीसु धरायो गयो, वोना भाखर लियो अना

2 कुरिन्थियो 5:21

जोन पाप लक अनजान होतो वोला च वोना हमरो लाई पाप ठहराइस का हमी वोको मा परमेस्वर की न्यायीपन बन जाहे।

गलातियो 1:12

मिना कोनी मानूस को मदद लक ओला नही अपनायो अना नही सिकयो , पर ओला खुदच यीसु मसीह ना मोरो पर दिसाईसेस।

गलातियो 1:4

मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत।

गलातियो 3:13

मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित से।”

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

इब्रानियो 5:1

हरेक महायाजक मानुसगिन लक लियो जावासेत। अना मानूसगिन को कन लक, परमेस्वर को बारे मा काम करासेत। वोला एकोलाय ठहरायो जासे का पाप को भेट अना बली दुई चघाय।

इब्रानियो 5:3

एकोलाय वोला आपरो पापगिन लाय अना वसोच लोकगिन को लाय पापगिन को बली चघानो पड़ासेत।

1 पतरस 1:11

उन भविस्यवक्तागिन ना मसीह को आतमा लक यो जानकारी हासिल करीन। का यीसु मसीह पर कसो दुख आवन वालो सेत। अना उ महीमा जोन दुख उचलन को मंघा परगट होहेत उ कसो होहेत? अना यो गोस्टी दुनिया मा कब होहेत। अना तबयो दुनिया को काजक होहेत। यो सब जान कारी मसीह को आतमा उनमा परगट कर रहयो होतो।

1 पतरस 2:24

मसिहा खुदच अपरी देह मा हामरो पाप बुराई आन के कूरूस मा चघ गयो। जेनको लक हमी पाप बुराई को लाय मर गयो अना धरमिपन अना नेकी को लाय जित्तो भयि गयो काहेकी वोको घाव लगनो लक तुमी साजरा भईसेव।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

1 योहन 2:2

उ एक बलिदान से जोन हमारो पापहुन ला छिमा करासे न केवल आमरो पापहुन को मनजे सप्पा संसार को पापहुन को।

परकासित वाक्य 1:5

अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।