1 कुरिन्थियो 14:3 - सत मारग पर चलन वारो किताब

³ पर जोनला परमेस्वर कन लक भविस्यवक्ता को बरदान भेटयो सेत, उ आतमीक उन्नती सिक्सा अना सान्ती देवनलाय मानूस लक सांगा सेस।

1 कुरिन्थियो 14:3 ပူးပေါင်းရင်းမြစ်များ

लूका 3:18

योहन असो अजब-गजब उदाहरन समेत सिक्सा, जनता ला आयकावत होतो।

पेरीत 13:15

मोसे को नियम अना भविस्यवक्ता को किताब मा लक गोस्टी बाचन को मघा सभाघर को मुखिया गीन न उनको जवर साँगके धाडीस, भाऊ यदि तुमरो जवर लोक गीन को सान्ती लाई कोनी गोस्टी से तो आयकावो।

पेरीत 14:22

अना उनको आतमा ला अडिग करके बिस्वास मा बनयो रव्हन लाय यो सांगके सिकायो का अमिला मोठयो दुख झेल के परमेस्वर को राज मा धसनो सेत, मंग वय लुस्तरा मंग इकुनियुम अना अन्ताकिया नगर ला लवटके आइन।

पेरीत 15:32

अना उनना भाऊगिन को यहूदा अना सीलास ना जोस अना मजबुती देय के उनला लगत लम्बो परबचन देइन।

पेरीत 4:36

उदाहरन को लाई यूसुफ, नाव को एक मानूस होतो, वय लेवी खानदान, को होतो। वोको जन्म साइप्रस, दीप मा भयो होतो। चेलागीन, न वोको छाप को नाव बरनबास, मन्जे हिम्मत को टूरा राखी होतिन।

पेरीत 9:31

असो परकार अबा सबरी यहुदिया गलील अना सामरिया छैत्र गीन को कलीसिया को बेरा सान्ती लक डर मा बितन लगयो। अना कलीसिया अखीन बनन लग्यो। अना पवीतर आतमा को बड़ावा मा जिंदगी बीतावन लगीन। अना कलिसिया गिनतीमा बड़न लगयो।

रोमियो 12:8

अदि यो दुसरो को जोस भरन को वरदान सेत, ता वोला वोच करनो पायजे। जोन कोनी दूसरों को संग साझा करनो को सेत ता दया लक करनो पायिजे। जोनको जवर अधिकार सेत। वोला कड़ी मेहनत करनो पायजे। जोन कोनि दूसरों पर दया करा सेत। वोला खुसी-खुसी करनो पायिजे।

रोमियो 14:19

आमी असो गोस्टी मा लगो रहबिन, जोन लक सान्ती बनावन मा बढावा मिले।

रोमियो 15:2

आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो।

1 कुरिन्थियो 10:23

सब चीज मोरो काजी साजरो से पर सबा फायदा को लाय साजरो नाहती?

1 कुरिन्थियो 14:12

तुमरो बारे मा भी योच बातसेत। तुम लोकगीन आतमिक बरदान को धुनमा रव्हासो। एकोलाय असो बरदान ला पावो जोन कलीसिया बनान मा उन्नती करे।

1 कुरिन्थियो 14:17

तोरो धनवाद कितरो च साजरा होहेत पर दुजो मानूस को कोनी काम को नाहती। काहेका वा मा वोको काही भीआतमिक उन्नती नाहती।

1 कुरिन्थियो 14:26

एको निचोड काजक सेत? अगो भाऊ अवो बहिन हुन! जब-जब तुमी पिराथना काजी जमा होवा सो तो कोनी भजन गावा सेत कोनी सिक्सा देवा सेत, कोनी आपरो आपला मिलयो सच सांगासेत। कोनी दुसरो भासा बोला सेत। तो कोनी वोको मतलब सांगासेत, यो सब लक कलीसिया को उन्नती होवनो पाहिजे।

1 कुरिन्थियो 14:31

तुमी सबा लोक एक-एक करके भविस्यवानी बोल सका सेव, जोन लक सबा सिके अना उन्नती करेत।

1 कुरिन्थियो 8:1

अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत।

2 कुरिन्थियो 1:4

उ सब दुख मा अमीला, सान्ती देतो रव्हसेत। जोन लक, परमेस्वर को कन लक, अमीला जोन सान्ती भेटासेत, वोच को लक आमी दुसरो ला भी, उनको हरेक दुख मा सान्ती देवन को ताकत अमीला मिल जाय।

2 कुरिन्थियो 2:7

एको लाई उलटो तुमी वोला माफी दे देव, अना सान्ती देव, काहेका असो नोको होय का उ लगत सोक मा डूब जाय।

इफिसियो 4:29

कोनी फालतू गोस्टी तुमरो टोंड लक नही निकलनो पाहिजे, पर केवल असी गोस्टी हिटनो पाहिजे जोन ओना बेरा की जरुरत को जसो तरक्की को साठी साजरो होय, जोको लक की आयकन वालो पर दया होय।

इफिसियो 6:22

मि ओला यो मतलब लक तुमरो कठा धाड़ रही सेव की तुमी आमरो बारे मा जान सकोह अना उ तुमरो दिल मा सान्ती दे सके।

कुलुस्सियो 4:8

मिना ओला एकोसाठी तुमरो कठा धाड़यो होतो की तुमला आमरी दसा मालुम पड़ जाहे। अना उ तुमरो दिल ला सान्ती देहे।

1 थिस्सलुनीकियो 2:11

तुमी जानासेव का जसो बाप अपरा टूरा गीन को संग बरताव करासे, वसोच हमी भी तुमी मा लक हर एक ला सिक्सा देईसेजन अना तैय्यार करा सेजन अखीन बिनती करके समझाई सेजन।

1 थिस्सलुनीकियो 2:3

काहेकी आमरो सिक्सा न त भरम लक, न ता “खोटो करम” अना न ता छल को संग से।

1 थिस्सलुनीकियो 3:2

अना आमी ना आपरो भाऊ अखीन मसीह की साजरो बारता मा परमेस्वर ला संग देन वारा दास तीमुथियुस ला धाड़िया, का तुमरो भरोसा मा तुमला बड़ावा देके पक्को करेहत अना समझाहेत।

1 थिस्सलुनीकियो 4:1

अखट्ट मा अगा भाऊ हुन हमी तुमी लक पिरभू यीसु मा बिनती करके तुमला समझाव सेजन का, जसो तुमीना आमिलक काबिल चाल चलनो अना परमेस्वर ला खुस करन की सिक्सा पायासेव। अना जसो का तुमी सचमुच चला सेव। वसोच अखीन लगत बढत जावो।

1 थिस्सलुनीकियो 4:18

एकोलाय एना गोस्टी गीन लक एक दुसरो ला सान्ती देवो।

2 थिस्सलुनीकियो 3:12

असो गीन ला आमी पिरभु यीसु मसीह मा हुकूम देके, सीखा सेजन की चूपचाप रहके काम करके आपरो रुजुक भाकर कमाय अना जेवन करे।

1 तीमुथियुस 1:4

अना वय कहानी गीन अना कबच न खतम होवन वारो खानदान पर मन नोको लगावना जेनको लक झगड़ा राड होवासे अना परमेस्वर को वोनो इन्तेजाम को जसो नही जोन बिस्वास पर बनायो हुयो से वसोच मी कव्हसू।

1 तीमुथियुस 4:13

जबा तकन मी नही आहू तब तकन बाचनो अना सिक्सा देवनो अना सिकावन मा उन्नती करो।

1 तीमुथियुस 6:2

जिनको मालिक बिस्वासी से वोला वय भाऊ होवनो को कारन बुरो नही जानेत, वरन वोकी अखिन सेवा करीन काहेकी एको लक लाभ उचलन वालो बिस्वासी अना माया लक एना गोस्टी गीन को सिक्सा लियो करो अना आदर समेत समझावता रव्हो।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

तीतुस 1:9

अना उ बिस्वास लायक बचन मा जोन धरम को सिक्सा को लक सेत, ओमा, अडिग रव्हके खरी सिक्सा लक बढ़ावा देय सके, अना बिरोध करनवारा को टोंड बंद कर सकेत।

तीतुस 2:15

पूरो हक को सँगा यो गोस्टी बढ़ावा देव, अना समजने अना सिकावने की कोनी तुमरो गोस्टी आयक के लापरवाही नोको करेत।

तीतुस 2:6

असोच जुवान मानूसगिन ला भी आदर समेत समजावने की धीरजवन्त होवो।

तीतुस 2:9

दास गीन ला समझाव की आपरो-आपरो मालिक को बस मा रहेति, अना सब गोस्टीहुन मा उनला खुस राखेति, अना पलट के ना जवाब नही देहेति।

इब्रानियो 10:25

अना एक दुसरो संग जमा होवनो नोको छोड़ो। जसो कितरो लोकगीन को असोच रित सेत। अना एक दुसरो ला बढ़ावा देवत रव्हो, जसो-जसो विपदा को दिवस जवर आवता चोवो असोच करो।

इब्रानियो 13:22

अगो भाऊहुन मी तुमी लक बिनती करासू, का एना सिक्सा ला तुमी धियान धरके आयको, काहेका मी एला बिस्तार लक नही पर सार-सार लिखिसेव।

इब्रानियो 3:13

जब तकन आज को दिवस कहलावसेत तबा तकन तुमी रोज एक दूजो ला बढ़ावा देव, कदी असो नोको भई जाय का तुमरो लक कोनी मानूस पाप मा पड जाय अना वोको मन गोटा जसो भई जाय।

1 पतरस 5:12

मी सिल्वानस अना जोनला मी बिस्वास भाऊ समजतो वोकोच हात थोड़ो सो लिखि सेऊ अना गवाहि देईसेऊ। यो परमेस्वर की खरी किरपा सेत। वा बीच पक्को रव्हो।

यहूदा 1:20

यो वय लोक सेत, जोन मा आतमा नाहती पर अगा चहेतो संगी, तुमी एक दुसरो ला आत्मिक रुप लक आपरो लगत पवितर भरोसा मा पिक्को करत रव्हो। पवितर आतमा को संगा पिरातना करने।