1 कुरिन्थियो 13:13 - सत मारग पर चलन वारो किताब

¹³ पर अबा भरोसा, आस, माया यो तीन हमेसा रव्हेत, पर यो सबा लक मोठो पिरेम सेत।

1 कुरिन्थियो 13:13 ပူးပေါင်းရင်းမြစ်များ

लूका 10:27

वोना जवाब दियो, तू आपरो पिरभू परमेस्वर लक आपरो सारो मन अना आपरो सारो परान अना आपरो सारो ताकत अना आपरो सारो अक्ल को संग पिरेम करो। अखीन आपरो सेजारी, लक आपरो जसो माया राखो।

लूका 22:32

पर मी तोरो लाय पिराथना करूसेव का तोरो भरोसा, ना चलो जाय, अना जबा, तु वापस आवजोस, ता आपरो संगी भाऊ गीनला थामजोस।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

1 कुरिन्थियो 14:1

पिरेम मा बड़त चलो। अना भविस्यवानी को बरदान पान को धूनमा लगयो रव्हो। खास करके परमेस्वर को कन लक सांगन को।

1 कुरिन्थियो 16:14

तुमी जोन कही भी करो, पिरेम लक करो।

1 कुरिन्थियो 3:14

जोन को काम बनो रव्हे, ओला ईनाम मिलेह।

1 कुरिन्थियो 8:1

अबा मुरत गीनको पुड़ा चघायो हुयो बली को बारेमा, आमी जाना सेजन, अना आमी सक्ड़िया मानूस ला यो मालूम सेत। पर पिरेम लक सबको उन्नती होवासेत, पर गियान गरब ला पैदा करा सेत।

1 कुरिन्थियो 8:3

पर अदी कोनी परमेस्वर लक माया राखासेत, ता परमेस्वर वोला चिन्हअ सेत।

2 कुरिन्थियो 5:10

काहेकी हमी सबच को मसीह को नियाव आसन को पुढ़ा हजीर रव्हनो जरुरी से का हर एक ला अपरो साजरो अना वाइट काम को दन्ड मिलेत जोन वोना देह लक करयो से।

2 कुरिन्थियो 5:15

अना उ सबच को लाई मर के उ जित्तो से पुढो लाई अपरो लाई नोको जीवो पर वोको लाई जीवो जोन उनको लाई मरके जित्तो भई से।

गलातियो 5:6

अदी आमी यीसु मसीह लक जुड़या सेजन, तो खतना कोनी काम को नाहती। पर भरोसा से, जोन माया कन लक असर डाकासे।

फिलिप्पियो 1:9

मि यो पिराथना करासेऊ का तुमरो माया गियान अना सप्पा तरीका को अक्ल सकट अखीन भी बड़त जाय।

कुलुस्सियो 1:27

परमेस्वर को योजना आपरो लोकगीन को लाय आपरो लुकयो बारता मालूम करानो सेत। यो धन अना गौरव दिलान वालो भेद से जोन वोको कठा सब परजात लोकगीन को लाय आस सेत। अखीन वा राज यो सेत का मसीह तुमरो मा सेत। मजे तुमी परमेस्वर को महिमा मा हिस्सा लेवन वारा सेव।

कुलुस्सियो 1:5

जबा खरो साजरा बारता पयले तुमरो कठा आयो, तो तुमीना आस लक आयकीस। अना तुमरो भरोसा अना पिरेम वोना चीज़ मा नीव पडयो सेत जोन तुमी आस करासेव। जोन सरग मा तुमरो लाय सुरक्सित ठेवो जावासेत।

कुलुस्सियो 3:14

ऐन सब सुभाव मा माया जुड़से जोन सबला एक संगा बाँध लेव।

1 थिस्सलुनीकियो 1:3

तुमरो बिस्वास को काम अना माया को मेहनत अना आमरो पिरभु यीसु मसीह मा भरोसा अना धिरज को आस आपरो परमेस्वर अना बाबूजी को पुढ़ा सदा हेत करासेजन।

1 थिस्सलुनीकियो 5:8

पर एकोलाय का हमी दिवस का सेजन आव हमी भरोसा अना पिरेम को कवच अना सूटकारा की आस को टोप पहेर के तैय्यार रव्हबिन।

1 तीमुथियुस 1:5

हुकूम को सार यो से का सुध्द अना सच्चो दिल, अना साजरो सच्चो अक्कल अखीन बीना कपट को बिस्वास लक पिरेम चोवाइस।

2 तीमुथियुस 1:7

काहेकि परमेस्वर न हमला भेव की नही पर ताकत अना पिरेम अना संयम की आतमा देईसेस।

इब्रानियो 10:35

एकोलाय तुम लोकगीन आपरो पूरो भरोसा नोको छोडो एको ईनाम मोठो सेत।

इब्रानियो 10:39

पर आमी हटनवालो नही का नास भई जाबिन पर भरोसा राखनवारा सेत का आपरो जानला बचाबिन।

इब्रानियो 6:11

अमी चाव्हसेजन, का तुमरो मा लक हरेक जिंदगी भर असोच कड़ो मेहनत करतो रव्हे। अदि तुम्ही असो करासेव, ता तुम्ही पक्को च जोनको आस राखासेव वोला पाय जाहो।

इब्रानियो 6:19

यो आस आमरो आतमा को लाय एक मजबूत लंगर को जसो सेत। जोन पड़दा को वोनागन भीतर सरग को मंदिर मा पहुचावा सेत।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 योहन 2:10

पर जोन कोनी आपरो भाऊ लक माया राखासे, उ उजाडो मा बनयो रव्हसे, अना ओको जिंदगी मा असो काही च नही से जेनको लक कोनी पाप मा नही पड़हेत।

1 योहन 2:14

ओ लेकराहुन, मि तुमला लिख रही सेऊ, काहेका तुमी परमेस्वर बाबूजी ला जान गयासेव। ओ बाबुजीहुन, मि ना तुमीला एकोलाई लिखासेऊ, काहेका जोन सूरू लक से तुमी ओला जान गयी सेव। ओ जुवानहुन, मिना तुमला एकोलाई लिखासेऊ, काहेका तुमी ताकतवर सेव, अना को गोस्टी तुमी मा बनो रव्हसे, अना तुमी ना ओनो बुराई पर जीत पायासेव।

1 योहन 2:24

जोन काही तुमी ना सुरू लक आयकिया सेव, वाच तुम मा बनयो रव्हे; जोन तुमी ना सुरू लक आयकियो सेव; अदि उ तुमी मा बनयो रव्हे ता तुमी टूरा मा अना बाबूजी मा बनया रव्हो।

1 योहन 3:3

हरेक कोनी जोन ओनो पर असी आस राखासे, उ आपरो आपला वसोच पवितर करासे जसो मसीह पवितर से।

1 योहन 3:9

जोन कोनी परमेस्वर लक पैदा लेई सेस, उ पाप नही करासे; काहेकि ओको सुभाव ओमा बनयो रव्हसे, अना उ पाप कर च नही सका काहेका परमेस्वर लक पैदा लेई सेस।