1 कुरिन्थियो 12:9 - सत मारग पर चलन वारो किताब

⁹ अना कोनी ला वोच आतमा लक बिस्वास करन को बरदान, अना बिमारगिन ला साजरा करन को बरदान,

1 कुरिन्थियो 12:9 ပူးပေါင်းရင်းမြစ်များ

मत्ती 10:8

बिमारी ला साजरो करो, मरो हुवो ला जित्तो करो, कोढी ला साजरो करो, अखीन भूत-पलित बुरो आतमा ला हेड़ो, तुमी न फुकट मा पाइसेव, त फुकट मा देवो।

मत्ती 21:21

यीसु ना उन ला जवाब देके कहीस, मि तुमी लक खरो कव्हसु, “अदि तुमरो मा बिस्वास से, अना तुमरो मा संका नाहत तो तुम्ही येतरोच नही, जोन मी ना अंजीर को झाड़ लक करीसेऊ, बल्कि अदि तुम यो पहाड़ लक कव्हो, उचल अना सागर मा डूब जाय ता वसोच भयी जाहेत।

मरकुस 16:18

सरप गीन ला उचल लेहेत, अना जहेर पी जाहेत ता भी उनकी काही हानि नही होव्हेत, वय बीमार गीन पर हात राखेत अना वय चाँगलो भय जाहेत।”

मरकुस 6:13

अना उ लगत भुत-पलीत ला हेड़त अना बीमारगिन पर तेल लगाय के साजरो करत होतिन।

लूका 10:9

उता को बिमार गिनला साजरो करने, अखीन उनला सांगने, “परमेस्वर को राज तुमरो कना सेत।”

लूका 9:2

अना उनला, परमेस्वर को राज को परचार करन लाई, अखीन बिमार गीनला, साजरो करन लाई, धाडीस।

पेरीत 10:38

तुमी नासरत को यीसु ला जानासेव, का परमेस्वर ना निवाड़ी सेत अखिन ओला पवीतर आतमा अना ताकत देइस। अना उ साजरो काम करतो हुया, अना जोन सैतान को बन्धन मा होतिन उनला सोड़ाय के सब रोग ला साजरा करत हिंडत होतो अना परमेस्वर वोको संग होतो।

पेरीत 5:15

एको असो फर भयो का जोन लोक अपरा बिमारगीन ला आनके खाट अना बिस्तर मा आन-आन के रस्ता-बाट मा सोवान लगीन, जोनलक जबा पतरस उता लक हिटेत त काही भी पिरकार लक वोकी सावली पड़जाय।

1 कुरिन्थियो 12:28

अना परमेस्वर ना कलीसिया मा अलग-अलग बरदानी मानूस ठहराइसेस। पयलो पेरीत दूजो भविस्यवक्ता तिजो गुरू, मग अचंभा काम करनवारा, मंग बिमारला साजरा करनवारा, अना उपकार करन वारा, अना बेवस्था करनवारा अना लगत भासा बोलन वारा

1 कुरिन्थियो 12:30

का सबला बिमारगिन ला साजरा करन को बरदान भेटिसेस? का सबच अना भासा बोलसेत? का सबच अनुवाद करनवारा सेत?

1 कुरिन्थियो 13:2

अदी मोरो जवर पेरीत जसो उपदेस देवन को वरदान सेत। मोला सबा परकार को गियान हो सका सेत, अना सबा राज की गोस्टी समजनो असान सेत। पहाड़ ला हटान को बिस्वास सेत। पर पिरेम नाहती तो काही नाहती।

2 कुरिन्थियो 4:13

पवीतर गिरंथ कव्हसे, “मिना गोस्टी कियो, काहेका मोला भरोसा होतो।” को एकच आतमा मा आमी भी बोलासेजन कायसेकि आमी भरोसा करसेजन।

इफिसियो 2:8

परमेस्वर को दया कन लक आपरो भरोसा को काजी तुमरो सूटकारा भयीसे। योयो तुमला तुमरी कन लक नही मिलीसे, पर यो ता परमेस्वर को दियो हुयो दान से।

इब्रानियो 11:33

उनना आपरो बिस्वास लक राजगिनला आपरो अधिन कर लियो, नियाव को पालन करयो, वादा को फर पायो। अना बाघ को तोंड बंद कर दियो।