1 कुरिन्थियो 12:10 - सत मारग पर चलन वारो किताब

¹⁰ कोनी ला अचंभा को काम करन को बरदान, कोनीला भविस्यवानी करन को बरदान, कोनिला आतमा गिनला परखन को बरदान, कोनिला अना-अना भासा बोलन को बरदान, तो कोनिला वोला समजावन को बरदान देवा सेत।

1 कुरिन्थियो 12:10 ပူးပေါင်းရင်းမြစ်များ

मरकुस 16:17

भरोसा करनवालो मा यो निसान होवेती, की वय मोरो नाव लक बुरो आतमा ला हेड़ेति नवी-नवी भासा बोलहेति,

मरकुस 16:20

तबा उनना हिटके जघा-जघा परचार करन लागिन, अना पिरभु परमेस्वर उनको संग-संग काम करतो रहयो। अना गजब हिदान लक उनको गोस्टी ला पक्को करत रहयो। आमीन।

लूका 24:49

चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।

योहन 14:12

यीसु ना उनला खरो साँगीस, जोन मोरो पर भरोसा करासे, जसो काम मि करासू, वसोच काम उ भी करेत, वरन ओको लक भी मोठो काम करेत।

योहन 16:13

पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।

पेरीत 1:8

पर जबा पवीतर आतमा तुमी पर आहे तबा तुमी ताकत पावने, अना येरुसलेम, सप्पा यहुदिया अना सामरिया मा, यहान तकन का धरती को छोर तकन तुमी मोरो गवाह ठहरने।”

पेरीत 11:27

वोना दिवस मा लगत भविस्यवक्ता गीन येरुसलेम नगर लक अन्ताकिया नगर आइन।

पेरीत 11:28

उनमा लक अगबुस नाव को एक ना उभो होयके पवितर आतमा को डाख्यो गयो बिचार को अनुसार कव्हन लग्यो का सारो जगत मा गजब गिरानी पडहेत। उ गिरानी राजा क्लौदियुस को बेरा मा पडयो होतो।

पेरीत 19:6

जबा पौलुस न वोको पर हात राखीस, त पवीतर आतमा उनको पर उतर गयो। अना वय अलग-अलग बोली बोलन लगीन। अना भविस्यवानी सांगन लगीन।

पेरीत 5:3

ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो।

रोमियो 12:6

एकोलाय अमी आपरो अलग-अलग बरदान ला वोना किरपा को अनुसार, बवजा सेजन, जोन परमेस्वर न अमिला दियो सेत। अदि आमरो बरदान परमेस्वर को सन्देस सांगनो सेत, ता अमिला एला वोना बिस्वास को संग करनो पायजे जो आमरो जवर सेत।

रोमियो 15:19

अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।

1 कुरिन्थियो 11:4

जोन भविस्यवक्ता डोस्का ला ढाकके पिराथना करा सेत, वा मसीह को बेइज्जती करा सेत।

1 कुरिन्थियो 13:8

भविस्यवानी चली जाहेत भासा मुका हो जाहेती। अना गियान मीट जाहेती, पर माया को अन्त नाहती।

1 कुरिन्थियो 14:13

मजे जोन दुसरो भासा मा बोला सेत, वोला पिराथना करनो पाहिजे, का आपरो सागयो गयो गोस्टी को अरथ भी सांग सकेत।

1 कुरिन्थियो 14:39

अगो भाऊ अखीन अवो बहिन हुन! सब गोस्टी को निचोड यो सेत का तुमी भविस्यवानी को बरदान को मनसा राखो, दुसरो भासा बोलनवारा ला नोको रोको।

गलातियो 3:5

जोन तुमला आतमा देवासे अना तुममा अचंभा को काम करासे, उ का एकोसाठी करासे की तुमना मोसे को नियम को काम करयत या एकोसाठी की तुमना साजरो बारता पर भरोसा करयात?

1 थिस्सलुनीकियो 5:20

दरसन की गोस्टी गीन ला नाहनो नोको जानो।

इब्रानियो 2:4

वोच बेरा परमेस्वर ना सप्पा परकार को चिमत्कार अना अद्भुत गोस्टी करयो, अना पवितर आतमा भेटी वोको इक्सा अनुसार बाटयो। उ ना वोकी गवाही ला बड़ायो।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।

परकासित वाक्य 2:2

“मि तोरो करयो गयो काम, मेहनत आना धीरज ला जानुसू।” का तू बुरो लोकईन ला, फूटयो डोरा नही भअवा सेत। अना जोन आपरो आपच ला पेरीत ठहरायो सेत। पर उ नहाय तुना उनला परख के खोटो पायो सेत।