1 कुरिन्थियो 10:6 - सत मारग पर चलन वारो किताब

⁶ यो घटना उदाहरन को रुपमा सेत। अना हमला यो सिक्सा देसेत, की आमीला उनको जसो बुरो चीजगीन को लोभ नही करनो से।

1 कुरिन्थियो 10:6 ပူးပေါင်းရင်းမြစ်များ

रोमियो 5:14

मंग आदम ले मोसे लक मरनो, उन लोकगीन पर राज करत होति। जोन ना आदम को जसो कोनी हुकूम ला नही तोड़ी होति मजे पाप नही कियो होतो। आदम उ मानूस को रुप से, जोन आवन वालो होतो।

1 कुरिन्थियो 10:11

यो सब उदाहरन रुप लक उन पर बितयो अना अमिला चेतावनी देवन साठी लिखी गई से, जोन जुग को आखरी मा पायो जावसे।

इब्रानियो 4:11

एकोलाय, आमी भी वोना बिसराम को जघा मा धसनो काजी भीड़यो रव्हो। कहि असो ना होहे की वसोच हुकूम नही मानन को कारन, कोनी मानूस गडढा मा पड जाय।

इब्रानियो 9:24

मसीह हात को बनयो हुया वोना पवीतर जघा मा नही धसयो। जोन सही को पवीतर जघा को सावली सेत। वोना सिद्दो सरग मा च धसयो। जोन लक मसीह अबा आमरो कन लक सरग मा परमेस्वर को कठा हाजिर हो सके।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

2 पतरस 2:6

परमेस्वर ना सदोम अना गमोरा असो सहर ला नास करयो। अना आवन वालो बेरा मा, खोटो लोकांना चेतान काजी बिनास को सजा दियो।

यहूदा 1:7

जेना रिति लक सदोम गमोरा अना उनको आखा पाखा को नगर ना उन सरगदुतगीन को जसो छिंडरा करीन अखिन वय सुभाव को बिरोध वासना को दास बन गयीन। उनला कबच ना बुझनवारी स्तो मा झोक देन को सजा दियो गयीसे। वय आमला चेतावनी देन को रुप मा पायी जासे।