1 कुरिन्थियो 10:13 - सत मारग पर चलन वारो किताब

¹³ तुमी अबा असो कोनी परिक्सा मा नही पड़यो सेव, जोन मानूस को ताकत लक बाहेर होय। परमेस्वर भरोसा लायक अना सतको से, उ तुमला असो लोभ लालच मा पड़न नही देहे, जोन तुमरी ताकत लक बाहेर होय। उ लोभ लालच को बेरा तुमला ओको लक हिटन को रास्ता चोवाहे, जेनला तुमी सह नही सको।

1 कुरिन्थियो 10:13 ပူးပေါင်းရင်းမြစ်များ

मत्ती 6:13

अना हमला परिक्सा मा नोको डाख, पर बुराई लक बचाव, काहेकि राज् अना मोठयो ताकत अना महिमा हमेसा तोरो रहेत।

लूका 11:4

हमिना जसो हरेक बुराई करनवालो ला, छिमा करीसेजन वसोच, आमरो बुराई ला छिमा कर, अखीन हमीला परिक्सा मा नोको डाख।

लूका 16:26

अखीन तोरो अना हमारो, बिच मा गहरो खोदरा सेत, एको लाय यदि कोनी तोरो कठा, जावन चाव्हासे, तो भि नही जाय सकत, ना कोनी वोना गन लक एनागन आय सकत।

लूका 22:46

उठो अखीन पिराथना करो, क तुम्ही परिक्सा मा नोको पड़ो।

पेरीत 27:44

अखीन बाकी लोक पटिया अना जहाज का अना टुकड़ा गीन को सहारा लक बच के हिट जाहे। एना पिरकार लक वय सब लोक जघा पर साजरा-साजरा पहुच गईन।

1 कुरिन्थियो 1:9

परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।

2 कुरिन्थियो 1:10

अमी वोना भयानक मिरतु लक परमेस्वर ना बचायो अना आमरो अबा को बेरा मा भी वोच बचा हेत। आमरो आस वोकोमा टिकयो सेत।

1 थिस्सलुनीकियो 5:24

तुमरो बुलावन वालो बिस्वास को काबील से अना उ असोच करहे।

2 थिस्सलुनीकियो 3:3

पर पिरभु भरोसा को काबिल सेत, उ तुमला पक्को रिति लक उभो करेत। अना वा बुरो दुस्ट लक बचायके राखेत।

2 तीमुथियुस 4:18

अना पिरभू मोला हर एक बुरो काम लक छुड़ाय लेहेत, अना अपरो सरगीय राज मा सुरक्सित पहुचायहे वोकी महिमा जुगनजुग होवती रह आमेन। अखट्ट नमस्कार

इब्रानियो 10:23

आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत।

इब्रानियो 11:11

बिस्वास को कारन च, अबराहम बूड़गा भयी गयो होतो। अना सारा वाखड़ होती। जोनना बचन दियो होतो। वोको पर बिस्वास करके पोट लक भयी अना अबराहम बाप बना दियो।

इब्रानियो 12:4

पाप को विरोध मा आपरो लड़ाईमा तुमला एतरो सहनो नही पड़यो का रकत बोहानो पड़यो।

इब्रानियो 6:18

उ ऐना दुई नही बदलन वारा गोस्टी, मन्जे करिया अना करार, खोटो नही होय सकत। एकोलक अमी जोन परमेस्वर को सरनमा सेत। अमिला असो लगासेत का आमरो आस बिलकुल सही सेत।

1 पतरस 4:19

एकोलाय जोन लोक परमेस्वर को इक्सा अनुसार पीडित सेत। उ साजरो चांगल्या गोस्टी करतो राहतात, अना आपरो जीव अना बिस्वास को निरमान करता परमेस्वर ला देतात।

2 पतरस 2:9

असो परकारे तुम्ही चोवासो का पिरभू नेक लोक गिनला संकट लक बचावा से, अना खोटो मानूस गिनला नियाव को दिवसापरयत सोड़वून ठेवन्यास सक्सम सेत।

1 योहन 1:9

अदी आमी आपरो पाप ला मान लेबिन, ता उ आमरो पाप गीन ला छिमा करनो को लाई अना अमीला सप्पा अन्याय लक सुद्ध करन लाय भरोसा लायक अना न्यायी से।

परकासित वाक्य 19:11

मंग मिना सरग ला उघड़तो चोवयो, अना उतनी मोरो समोर एक पान्ढ़रो घोड़ा होतो। वा घोड़ा को सवार सच्चो होतो, अना बिस्वास काबील कहलात होतो। काहेका उ न्याय को संग फैसला करत होतो, अना लड़ाई करत होतो।

परकासित वाक्य 2:10

उन दुख तकलीफ लक तू नोको डराय जोन तोला झेलनो सेत। आयको सैतान तुम लोक मा काही ला जेलमा डाखेत जोनलक तुमरो परिक्सा लेहेत। अना तुमला यो दुख दहा दिवस तकन भोगनो सेत। चाहे तोला मौत आ जाय, पर सच्चो बनेयो रव्जोस। अना मि तोला अमर जीवन को जीत को मुकुट देहिन।

परकासित वाक्य 3:10

काहेका तुम्ही ना धिरज लक सहन करता हुया मोरो हुकूम ला मानीसेव। बदल मी परिक्सा को बेरामा तुमारो रक्सा करीन। जोन यो दुनिया मा रव्हन वालों ला परखन लाय पुरो संसार मा बस आवन वालो सेत।