1 कुरिन्थियो 1:9 - सत मारग पर चलन वारो किताब

⁹ परमेस्वर मा भरोसा ठेवनो पाहिजे। जोन ना आपरो टूरा यीसु मसीह को संग रव्हन को लाय हाकलयो सेत।

1 कुरिन्थियो 1:9 ပူးပေါင်းရင်းမြစ်များ

मत्ती 24:35

बादल अना धरती टल जाहेत, पर मोरो कव्हयो कदीच नही बदलेत।

योहन 17:21

की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस।

रोमियो 11:17

यदि काही डगाली तोडके बेगरो कर दियो गयो सेत। अना तुमी गैरयहुदिगिन! जो बन जैतून सेव उनको जघा मा कलम लगायो गयो से अना जैतून को जड़ अना वोको चिकनाई को भागीदार बने।

रोमियो 8:28

अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।

रोमियो 8:30

मंग जोन ला वोना पयलो लक ठहरायो, उनला हाकलिस भी उनला नेक मानूस ठहरायो, अना उनको बड़ाई भी करयो सेत।

रोमियो 9:24

असो दया को भान्डो आमी सेजन। जोनला परमेस्वर ना सिरप यहूदी लक नही, पर गैरयहूदी लक भी हाकलिसेत।

1 कुरिन्थियो 1:30

पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।

1 कुरिन्थियो 10:13

तुमी अबा असो कोनी परिक्सा मा नही पड़यो सेव, जोन मानूस को ताकत लक बाहेर होय। परमेस्वर भरोसा लायक अना सतको से, उ तुमला असो लोभ लालच मा पड़न नही देहे, जोन तुमरी ताकत लक बाहेर होय। उ लोभ लालच को बेरा तुमला ओको लक हिटन को रास्ता चोवाहे, जेनला तुमी सह नही सको।

1 कुरिन्थियो 10:16

संगती मा उ धन्य वाद को बटकी जोन पर आमी धनवाद करासेत, का मसीह को खून को हिस्सादार नही। उ भाकर जोन ला आमी तोड़के जेवेसेजन का उ मसिहा को देह को हिस्सादार नाहती।

2 कुरिन्थियो 1:18

जसो का परमेस्वर भरोसा को लायक से वसोच तुमरो लाई हमरो बचन मा हव अना नही दुई एको संग नही पायो जाहेत।

गलातियो 1:15

पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

इफिसियो 3:6

यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।

कुलुस्सियो 1:24

अना अब मी तुमरो काजी आपरो दुख को बारे मा खुससेव, काहेका मोरो देह को दुख को बीचमा मी आपरो देह, कलीसिया को कन लक मसीह को दुख ला पूरो करन मा मदद कर रहयो सेव।

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

2 थिस्सलुनीकियो 2:14

जोन को साठी ओने तुमला आमरो साजरो बारता कन लक हाकलीसेस, की तुमी आमरो पिरभु यीसु मसीह को महिमा ला पाहो।

2 थिस्सलुनीकियो 3:3

पर पिरभु भरोसा को काबिल सेत, उ तुमला पक्को रिति लक उभो करेत। अना वा बुरो दुस्ट लक बचायके राखेत।

2 तीमुथियुस 1:9

जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत।

2 तीमुथियुस 2:13

अदी हमी अबिस्वासी भी होय तबा भी उ बिस्वास कबील बनायो रह काहेकी उ आप अपरो मुकर नही कर सकासे।

तीतुस 1:2

अमर जीवन की ओना आसा मा जेकी परन परमेस्वर ना जोन झुठो नाहती जुनो जमाना लक करीसेस,

इब्रानियो 10:23

आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत।

इब्रानियो 11:11

बिस्वास को कारन च, अबराहम बूड़गा भयी गयो होतो। अना सारा वाखड़ होती। जोनना बचन दियो होतो। वोको पर बिस्वास करके पोट लक भयी अना अबराहम बाप बना दियो।

इब्रानियो 2:17

यो कारन खुद सप्पा गोस्टी को बिच मा उ उनको भाऊ सरिसो होवनो पाहिजे। एको लाय का लोकगिन को पाप को लाय को बदला मा बली देवन साठी परमेस्वर को संबंधित असो गोस्टी तो दयालू अना बिस्वासी असो परमुख याजक सेत।

इब्रानियो 3:1

एकोलाय पवीतर भाऊ अना बहिन हुन! तुमी सरग मा हाकलो जान को हिस्सादार सेव। यीसु पर धियान लगाव जोन आमी ला पेरीत अना मुखिया याजक मानिसेजन।

इब्रानियो 3:14

अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।

इब्रानियो 6:18

उ ऐना दुई नही बदलन वारा गोस्टी, मन्जे करिया अना करार, खोटो नही होय सकत। एकोलक अमी जोन परमेस्वर को सरनमा सेत। अमिला असो लगासेत का आमरो आस बिलकुल सही सेत।

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

1 योहन 1:7

पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।

1 योहन 4:13

एकोच लक आमी जाना सेजन का आमी ओमा बनयो रव्हसेजन, अना उ आमी मा; काहेका ओना आपरो आतमा मा लक आमला देयीसेस।

परकासित वाक्य 19:11

मंग मिना सरग ला उघड़तो चोवयो, अना उतनी मोरो समोर एक पान्ढ़रो घोड़ा होतो। वा घोड़ा को सवार सच्चो होतो, अना बिस्वास काबील कहलात होतो। काहेका उ न्याय को संग फैसला करत होतो, अना लड़ाई करत होतो।