1 कुरिन्थियो 1:30 - सत मारग पर चलन वारो किताब

³⁰ पर वोच परमेस्वर को कन लक तुमी यीसु मसीह मा सेव, जोन परमेस्वर को कन लक आमरो लाय गियान ठैरी सेत। नेकी अखीन पवीतर, अना मुकती।

1 कुरिन्थियो 1:30 ပူးပေါင်းရင်းမြစ်များ

मत्ती 1:21

अना मरियम टूरा ला जलम देहे, अना तु वोको नाव यीसु राखजोस, काहेका उ अपरा लोकगीन ला, उनको पाप लक बचा हेत।”

लूका 11:49

यो कारन परमेस्वर कव्हासे, मि उनको जवर चेलागीन ला धाड़ासू उन मा लक काही ला सताहेत अखीन काही भविस्यवक्ता ला मार डाखेत

लूका 21:15

काहेका मि तुमीला असो बोल अना अक्ल देहू, का तुमारो विरोध करनवालो, काप नही सकेत।

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 17:26

मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।

योहन 17:8

काहेकि जोन गोस्टी तुना देइसेस मिना उनला धाड़ीसेऊ, अना उनना ओनो गोस्टी ला भरोसा लक अपनाय लियो सेत अना खरो मा जान लेयीसेत, का मि तोरो मा लक हिटि सेऊ। ओन्हिसीन जान लियो सेत का तुना मोला धाड़ीसेस।

योहन 8:12

मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 1:17

साजरा बारता मा “परमेस्वर को नेकपन” जो सुरु लक आखीर तकन भरोसा पर टिकीसे, असो परगट भईसे, जसो का मोसे को नियम मा लिखीसे। “नेक मानूस बिस्वास लक जित्तो रहेत।”

रोमियो 11:36

काहे का वोच को कन लक, अना वोच को लक अना वोच को लाय सब काही सेत। वोको महिमा सदा तकन होवत रवहे आमेन।

रोमियो 12:5

वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन।

रोमियो 16:11

मोरो रिस्तेदार हेरोदियोन ला नमस्कार। नरकिस्सुस को घराना को जेन लोक पिरभू मा सेत, उनला नमस्कार।

रोमियो 16:7

अन्द्रुनीकुस अना युनियास जोन मोरो रिस्तेदार सेत, अना मोरो सग कैद भई होतिन, अर वय पेरीत गीन मा नामी गामी सेत। अना मोरो लक पयले मसीह मा सेती, नमस्कार।

रोमियो 4:25

वोच यीसु आमारो पाप को कारन धरयो गयो, अना हमला पाप छिमा कर नेक मानूस ठयरावन काजी जित्तो भयो।

रोमियो 4:6

राजा दाऊद, असो मानूस ला धन्य कव्हसेत। जोनला परमेस्वर बिना काम करे नेक माना सेत।

रोमियो 5:19

काहेका जसो एक मानूस को हुकूम नही मानन को कारन गजब लोकगीन पापी ठहरिन, वसोच एक मानूस को हुकूम माननो लक, गजब लोकगीन नेक ठहरायो गइन।

रोमियो 5:21

एकोलाय जसो पाप मौत को कारन सासन करा सेत। वसोच परमेस्वर की किरपा को भी नियम, अमीला यीसु मसीह को कारन अमर जीवन को कन लेजावा सेत।

रोमियो 8:1

अबा यीसु मसीह को संग मा रव्हन वालो पर कोनी दन्ड को हुकूम नाहती।

रोमियो 8:23

पर अकेलो दुनिया को रचना च नही कुन्हावअ सेत। मंग परमेस्वर को भेटयो लका एक आतमा भी सेत। वा भी आपरो भितर ढुकअ सेत, काहेका अमी यो काजी परमेस्वर को रस्ता चोवा सेजन। का वो अमिला आपरो लेकरा बनाय के आमरो पुरो जिंदगी को सूटकारा कर देवे।

रोमियो 8:9

पर जबा परमेस्वर को आतमा तुम मा रव्हा सेत। तो तुमी देह को दसा मा नही, पर आतमिक दसा मा सेव। यदि कोनी मा मसीह को आतमा नाहती तो उ मसीह को लोक नाहती।

1 कुरिन्थियो 1:2

कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।

1 कुरिन्थियो 1:24

पर परमेस्वर को निवाड़ो गयो लोक गीनको लाई, चाहे वय यहूदी होय, या गैर यहुदी, येच मसीह की ताकत अना परमेस्वर की गियान से।

1 कुरिन्थियो 12:18

सही मा परमेस्वर ना आपरो मनसा को लक हरेक अंग ला देह मा, जघा दियो सेत।

1 कुरिन्थियो 12:27

असोच तुमी सबा मिलके मसीह को देह आव अना अलग-अलग वोको आंँग सेव।

1 कुरिन्थियो 12:8

कोनी ला आतमा लक अक्ल को गोस्टी आयकवान काजी, कोनी ला वोच आतमा लक गियान को सबद बोलन को,

1 कुरिन्थियो 4:15

अदी तुमरो कठा लगत गुरुगिन सेत, पर मसीह मा तुमारो लगत सा दआजी नाहती। काहेका, मसीह यीसु मा साजरा बारता लक मी तुमी लोक गीनको दआजी बनयो सेऊ।

1 कुरिन्थियो 6:11

अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।

2 कुरिन्थियो 12:2

मी मसीह मा एक मानूस ला जानासू, चवदा बरस बित गयो, का मालुम देह समेत, का बिन देह को, परमेस्वर जानासे; असो मानूस तिसरो सरग मा उचल लियो गयो।

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

गलातियो 1:4

मसीह ना आमरो पापगीन को साठी आपरो ला बलिदान करदेइस। जेनको लक की उ आमरो बाबूजी परमेस्वर की मरजी को लक एना बेरा को पापी जुग लक आमरो सूटकारा करेत।

गलातियो 3:13

मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित से।”

इफिसियो 1:10

परमेस्वर की असी योजना होती की सही बेरा आवनो पर सरग मा अना धरती मा को सबच चीजहुन ला मसीह मा संगरो जाहेत।

इफिसियो 1:14

उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 4:30

परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे।

इफिसियो 5:26

जेकोलक का उ ओला पिरभु को सेवा मा पानी को नहावनो लक पवीतर करके हमरो आवाज पुकारन लक परमेस्वर ला चघायके पवीतर बनाय।

फिलिप्पियो 3:9

मि ओनो धरमिपन लक मसीह मा पायो जाऊ जो मोसे को नियम लक नही पैदा होवासे पर मसीह पर बिस्वास करन लक मिलासे, मजे ओनो धारमिकता लक जो केवल भरोसा को साठी परमेस्वर लक मिलासे।

कुलुस्सियो 1:14

जोन लक आमी ला सूटकारा मिलिसेत। मजे, हमारो पाप छिमा भई सेत।

कुलुस्सियो 3:16

मसीह को गोस्टी ला आपरो हिरदय मा लगत बसन देव अना सिध्द गियान सहित एक दुजो ला सिकाहो अना चिताहो अना आपरो मन मा दया को सँगा परमेस्वर को लाई धनबाद भजन अना स्तुति गान अना आतमिक गीत गावनो से

1 थिस्सलुनीकियो 5:23

अबा सान्ती को परमेस्वर आतमा आपच तुमला पूरो पवीतर करहे। अखीन तुमरो आतमा, परान अना देह हमरो पिरभू यीसु मसीह को आवन तकन पूरो रिती लक निरदोस अखीन साजरी रह।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

इब्रानियो 9:12

अना बोकरा अना नाटा को रकत लक नही, पर आपरो च रकत लेके, एक च बार, पवीतर जघा मा धस गयो। अना अमरता को सूटकारा मिल गयो से।

याकूब 1:5

अदी तुम मा कोनी ला गियान को कमी सेत, ता उ परमेस्वर लक बिनती करेत, जोन बिन तिरस्कार को सबा लोकगीन ला भी को दरिया दिल लक देवसेत, अर वोला जरूर भेटेत।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।

2 पतरस 1:1

यीसु मसीह को दास अना पेरीत, सिमोन पतरस को यो चिठ्ठी, उन लोकगिन को नाव वरुन सेत। जोन ना आमरो परमेस्वर, अना बचान वालो यीसु मसीह को लक, आमरो जसो नीतिमान लक, बिस्वास को किमती वरदान भेटियो सेत।

1 योहन 5:6

जोन पानी अना रकत को कन लक आयो होतो, मनजे सच्चो यीसु मसीह, उ ना ता केवल पानी लक पर पानी अना रकत दुही को कन लक आयो होतो।

परकासित वाक्य 14:4

वय असो मानूस होतिन। जोनना कोनी बायको को संग सोय के अपवितर नही भयो होतिन। काहेका वय कुंवारो होतिन। यो वय होतिन जोन पाठी को मघा-मघा जावत होतिन। यो लोकगिन सारी मानूस जाति लक उनला दाम देयकर बन्धन ले छुड़ायो गयो लोक होतिन। वय परमेस्वर अना पाठी को लाय फसल के पयलो फर को रूपमा होतिन।

परकासित वाक्य 5:9

वय लोकगीन यो नयो गाना गावन लगीन। तु ऐना पावती धरन अना येकी सिक्का खोलन को लायक से। येको एवज मा तुना बली होयके, आपरो रकत लक, हर एक कुल, अना भासा, अना लोक अना जात लक परमेस्वर को लाई लोक हिन ला मोल ले लेई सेस।