1 कुरिन्थियो 1:21 - सत मारग पर चलन वारो किताब

²¹ काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।

1 कुरिन्थियो 1:21 ပူးပေါင်းရင်းမြစ်များ

मत्ती 11:25

वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।

लूका 10:21

वोच बेरा उ पवीतर आतमा लक खुसी मा भर गयो अना कव्हसेत, “हे बाबूजी, सरग अना धरती को मालीक, मि तोरो धनवाद करासू, का तूना यो गोस्टी ला, मोसे को नियम को गुरू अखीन समजदार लक लुकाके राखिसेस। अखीन नहानो लेकरा गीन पर, उजागर करीसेस। हाँ हे बाबूजी तोला, असोच साजरो लगिसेस।”

लूका 12:32

हे नान्हो हेड़ डराव नोको! परमेस्वर को इक्सा सेत, का तुम्ही ला राज देहेत।”

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

रोमियो 1:28

अना काहेका उनना परमेस्वर ला ओरखन लक मना कर देयिन। ता परमेस्वर ना उनला वसोच बेडिमाक रव्हन दियो। अना वय मन मरजी लक खोटो-खोटो काम करन लगयो। जोन करनो पायजे नाही।

रोमियो 11:33

आहा! परमेस्वर को धन अना अक्ल अना गियान कितरो गंभीर सेत! वोको बिचार कसो अथाह अना वोको रस्ता ला कोनी नही जान सकासेस।

1 कुरिन्थियो 1:18

काहेका कूरूस को कथा, नास होवन वारा लाय, अठ्ठियापन सेत। पर आमी सूटकारा पावनवालो को लाय, परमेस्वर को ताकत सेत।

1 कुरिन्थियो 1:23

पर आमी कूरूस मा चघायो, गयो मसीह को च परचार करीसेजन। यो यहूदिगीन काजी भरोसा, मा बाधा, सेत। अना गैर यहुदी लाय जाल सेत।

1 कुरिन्थियो 1:24

पर परमेस्वर को निवाड़ो गयो लोक गीनको लाई, चाहे वय यहूदी होय, या गैर यहुदी, येच मसीह की ताकत अना परमेस्वर की गियान से।

1 कुरिन्थियो 1:25

काहेका परमेस्वर को बेअक्कल, मानूसगिन को पूरो अक्ल लक लगत सेत, अना परमेस्वर की कमजोरी, मानूस की ताकत लक, लगत ताकतवर से।

1 कुरिन्थियो 1:27

गियानी गिनला लजान काजी, परमेस्वर न तुम लोकगीन ला बेचयो से, जोन दुनिया को डोरा मा मुरख से। ताकतवर गीनला लजान काजी, वोना लोकगीन ला निवड़ीसेस, जोन दुनियाँ को डोरा मा कमजोर से।

1 कुरिन्थियो 11:32

पर पिरभू अमीला दन्ड देके अमीला मारसेत का आमी दुनिया को संग खोटो नोको पायो जाबिन।

1 कुरिन्थियो 2:14

पर सुभाविक मानूस परमेस्वर की आतमा सिक्सा नही धरा सेत। पर वोना गियान ला उ बेवाकुपी समजा सेत। अना ओला समजन काबिल नाहती। काहेका आतमा की सहायता लक, ओना सिक्सा की परख भई सका से।

1 कुरिन्थियो 4:10

अमी मसीह को साठी मुरख सेजन, पर तुमी मसीह मा समजदार दास सेव। अमी कमजोर सेजन, अना तुमी ताकतवर सेव। तुमी ला ईज्जत भेटा सेत, पर आमरो बेइज्जती होवा सेत।

1 कुरिन्थियो 6:2

का तुमी ला नही मालूम सेत? का पवीतर लोकगीन दुनिया को सब लोक गीन को न्याय करयेत। अना यदी तुम्ही, सब दुनिया को लोकगीन को नियाव कराबिन। तो तुमी ऐना लहान-लहान झगड़ा-राड़ को नियाव स्वता काहे नही करा सेत?

गलातियो 1:15

पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस।

गलातियो 4:8

तुमी लोक पुढ़ा, जबा तुमला परमेस्वर को अक्ल नही मिलयो होतो, असो देवतागीन की सेवा-जापता करत होतो, जिनको करनो वाकई मा साजरो नाहाती।

इफिसियो 1:9

जसो की मसीह को कन लक उ हमला दिसानो चाव्हत होतो।

इफिसियो 3:10

एकोलाय अबा कलीसिया लक परमेस्वर को कई तरीका को गियान ओना मुखिया अना अधिकारी पर जोन सरगीय जघा मा सेति, प्रकट कियो जाहेत।

कुलुस्सियो 1:19

काहेका यो परमेस्वर को खुद को फैसला होतो, का टूरा खुद पूरो जनमन परमेस्वर सेत।

इब्रानियो 1:14

वय सप्पा आतमा परमेस्वर को सेवा नही करासेत काय? का सबच सरगदुत दास नाहती जोन उन लोकगीन को सेवा साठी धाड़यो जासेत जोन मुकती को बारिस सेत।

इब्रानियो 2:3

“इतरो मोठ्या तारन लक अमी धियान नही दियो सेत ता अमी कसौ सूट जाबोन?” जबकि स्वता पिरभु ना पयले सूटकारा को मुनादी करयो होतो। अना जोन लोकगीन ना वोकी आयेकले, उनना यो सही सेत असो सिध्ध करयो।

इब्रानियो 7:25

योच कारन सेत का जोन लोक गीन यीसु लक परमेस्वर को सरन लेवासेत वा उनला पूरो रित लक बचावनो को ताकत राखासेत। काहेका उ उनको कन लक बिनती करन काजी हमेसा लक जित्तो सेत।

याकूब 4:4

अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।

याकूब 5:15

अना बिस्वास की पिराथना लक बीमार बच जाहे अना पिरभू वोला उभो करके अखीन अदी पाप भी करी रहेस त उनकी भी छिमा भय जाहे।

याकूब 5:20

त उ यो जान लेहे का जोन कोनी भटकयो हुयो पापी ला लौटायके आनेत, उ एक जियान ला मरनो लक बचायो अना लगत सा पाप गीन पर परदा डाके।