1 कुरिन्थियो 1:20 - सत मारग पर चलन वारो किताब

²⁰ कहान रहयो गियानीगिन? अना कहान रहयो मोसे को नियम को गुरू? कहान रहयो यो दुनिया को बकवासी? का परमेस्वर ना दुनिया को गियान ला, अठ्ठियागिरी नही ठहराईसेस?

1 कुरिन्थियो 1:20 ပူးပေါင်းရင်းမြစ်များ

मत्ती 13:22

कांटादार झाड़ी को बीच गिरो बीज उन लोक गिनको लाय सेत। जोन साजरा बारता आयक सेत। मंग यो जिंदगी को चिंता अना धन को पिरेम साजरा बारता मा आड़ो आवासेत अना वय फलवन्त नही होवासेत।

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

पेरीत 17:18

काही एपिकूरी अना स्तोइकी सिक्सक भी वोको लक बहेस करन लगीन। उन मा लक लोक कव्हन लगीन “यो बाकवाद करन वालो काजक चाहवासे ‘दुसरो न कहीस’ यो त विदेसी देव गीन पिरचार करन वालो मालुम पडसे” उनना एकोलाई कहीस का उ यीसु को बारे मा उपदेस देवत होतो। मंग जित्तो होवन को पिरचार करत होतो।

रोमियो 1:20

जबा लक परमेस्वर ना दुनिया ला बनायो सेत। तबा लक परमेस्वर को नही चोवन वालो गुन, वोको अमर सक्ती, अना वोको महान आचरन दुई सपा-सपा रुपमा चोवयो गयो सेत। उनला परमेस्वर ना बनाइसेत असो सांगयो जावासेत ता कोनी बहाना नाहोती।

रोमियो 1:22

वय खुदच ला अकलवर समजके ना चूथीया बन गईन।

1 कुरिन्थियो 1:19

काहेका लिखीसेत, मी गियानी गिनको गियान ला नास कर देहू, अना समजदार गीनको समजदारी ला बेकार कर देहू।

1 कुरिन्थियो 1:26

ओ मोरो संगीहुन! अबा जरासो सोचो का जबा परमेस्वर ना तुम्हिला हाकलो होतो, ता तुमरो लक लगतसो ना अक्कल वर होतिन ना ताकतवर, लगत लोकगिन को समाज भी नीचो होतो।

1 कुरिन्थियो 1:27

गियानी गिनला लजान काजी, परमेस्वर न तुम लोकगीन ला बेचयो से, जोन दुनिया को डोरा मा मुरख से। ताकतवर गीनला लजान काजी, वोना लोकगीन ला निवड़ीसेस, जोन दुनियाँ को डोरा मा कमजोर से।

1 कुरिन्थियो 1:28

मोठो मानुसगिन को घमंड तोडन काजी, परमेस्वर वय लोकगीन ला निवाड़ी सेस, जोन दुनिया को नजर मा अठ्ठिया सेत।

1 कुरिन्थियो 11:32

पर पिरभू अमीला दन्ड देके अमीला मारसेत का आमी दुनिया को संग खोटो नोको पायो जाबिन।

1 कुरिन्थियो 2:6

जोन समजदार सेत। उनला अमी अक्कल देवा सेजन। परा यो अक्कल यो जुग को नाहती। ना च यो जुग को राजा हुनको अक्कल सेत। जोन दुनिया ला नास को कगर मा आनासेत।

1 कुरिन्थियो 2:8

अना यो गोस्टी ला एना जुग को कोनी भी राजा अना सासक नहि समजयो। काहेका अदी समजयो होतो ता, वय वा महिमा लक भरयो, पिरभू ला कूरूस मा नही चघातो।

1 कुरिन्थियो 3:18

कोनी आपरो आप ला धोखा नोको देवे। अदी तुमी मा लक कोनी दुनिया मा अपरो आपला गियानी समजासे, तो अपरो आपला मुरख बनाय ले।

1 कुरिन्थियो 3:19

काहेकि यो संसार को गियान, परमेस्वर को नजर मा अठ्ठियापन सेत। पवीतर गिरँथ मा यो लिखी से, “उ गियानी गीनला उनको चतुराई मा च फसावासे”

1 कुरिन्थियो 6:2

का तुमी ला नही मालूम सेत? का पवीतर लोकगीन दुनिया को सब लोक गीन को न्याय करयेत। अना यदी तुम्ही, सब दुनिया को लोकगीन को नियाव कराबिन। तो तुमी ऐना लहान-लहान झगड़ा-राड़ को नियाव स्वता काहे नही करा सेत?

याकूब 4:4

अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।