VUAANA 8:48 - Northern Tepehuan Bible

⁴⁸ Daidi go judidiu itïtïdai, —Aa gia Samarhiïrï oidakami maaxi tuiga aapi biakatai ïmo diabora tïañikarudï gï abhana— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁸ Amaasi ʌjudidíu itʌtʌdai: ―Sʌʌlicʌdʌ ʌrvaavoi istumaasi aagai aatʌmʌ sai aapi ʌrsamaritano dai isviaa aapi ʌmo Diaavora tʌaañicarudʌ ―tʌtʌdai ʌjudidíu.

VUAANA 8:48 ပူးပေါင်းရင်းမြစ်များ

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 10:25

Dai aanï ïr gïn tïanïdamiga dai ïr gïn tïtïgiadami ñoki ïpï. Kaxkïdï gï agai xi ipïrhiadagi aapimï xi gin ïpïan tutiakagi aapimï dai taatagi ixtumaxi taatamaiña aanï. Daiñi, kïïga maatï aapimï sai gin kïdaiña óídakami dai asta Beelsebú gin aagaiña ïgai. Diabora gin aagaiña ïgai tudu gin kïdaitai. Kaxkïdï kïïga gï maatï sai asta bamioma gïn kïïdadamu ïgai aapimï gin aaduñikatai aapimï. Soimaaxi ñoki gïn aagidamu ïgai ïpï gin mamaatïrdamigakatai aapimï tudu— itïtïdai.

Mataibo 10:5

Ïko bubaitu Suxi bhaibuxtama dan goka mamaatïrdamigadï tudu. Dai bhodïrï maa ïgai ñoki dai aagidi ix dukatai ibuada ïgai aaduindadï dai maigobai aipakoga otoi. Daidi potïtïdai, —Maiti abïr imi kiikidïrï gobai ix makïdï maiti ïr judidiu. Dai maiti abïr daibiada go gïgïr kiiki Samariana ïpï— itïtïdai.

Mataibo 11:18

—Dai pomaaxi aapimï ïpï gïr nïiditai aapimï aanï ïmadï go Juan— itïtïdai. —Tomax dukatai ibuadagi aatïmï tomax dukai soi dukai gïr nïidiña aapimï tudu. Daiñi, go Juan dibia dai mai kuadana kuadagai ix makïdï kuayiña jaa. Ïma maaxi gakuadana ïgai. Dai mai yïïdana ïgai idagai nabaamudakami ïpï. Dai nïidiña aapimï ixtumaxi kuadana dai yïïdana ïgai dai pokaitiña aapimï sai bia ïmo diabora tïañikarudï— itïtïdai.

Mataibo 12:24

Dïï gia go fariseos kajioma ix kaititadai go óídakami daidi ikaitiña go fariseos, —Cho— ikaitiña. —Maiti ïr otosadï gobai Diuxi. Gobai bhaiyoma go diabora gubukarhigadïkïdï aatabuayi. Beelsebú gubukarhigadïkïdï aatabuayi gobai tudu. Podukai bubaidi gobai tïtïañikarudï go diabora— ikaitiña.

Mataibo 12:31

Daidi oi Suxi go aatagi daidi potïtïdai ïgai go fariseos, —Aapimï fariseos gïpiïrï gin bupaimi, pokaiti aapimï sai go diabora gubukarhigadïkïdï aatabuayi aanï tudu. Daiñi, gï agai sai maatïka aapimï sai Diuxi oigïldamu odami asta xïxkadï galnaaxi ñoki surhigidagi ïgai Diuxi.

Mataibo 15:7

—Agia yaataboga aapimï fariseos. Xadutuadan kaiti aapimï Diuxi dai mai buaboikïdï xadutudai aapimï tudu. Kaxkïdï go ñokituldiadamigadï Diuxi Isaias tïgidukami ojai ïïki gïn aagaitai aapimï. Oja ïgai xako ikaiti Diuxi sai,

VUAANA 1:19

Ïmo imidagai go fariseos Jerusalenïrï óídakami gatïkaka ïrhiditadai go Juan as tuma sïïrhikami biakami ïgai. Ga tïkaka ïrhiditadai dai otoi dadaxdadami ïmadï ïpï jaa kiupiïrï aatabuadami sai mïï gatïkakana. Dai go ix makïdï iji dai gatïkaka agai bïïxkatai ïr go Lebikaru pipiixaradïkatadai. Daidi itïtïdai ïgai go Juan, —¿Borai aapi dai ix tuma sïïrhikami biakami aapi?— itïtïdai.

VUAANA 10:20

Dai ïïmoko ikaititadai, —Go Suxi bia ïmo diabora tïañikarudï dai arhiï buirugan kaiti dai maiti gï agai ix ïïgiada aatïmï ñokidï— ikaitiña.

VUAANA 13:13

—Gïn aagidamu aanï. Daiñi, aapimï gïn Mamaatïtuldiadamiga gin aagai dai gïn Tïanïdamiga dai kïï aagai aapimï.

VUAANA 4:9

Dai go oki itïtïdai, —Aanï ïr oki dai ïr Samarhiïrï oidakami dai aapi ïr judiu di— itïtïdai. —¿Tuixi gin ñokidi aapi dai gin tanïi sudagi?— itïtïdai. Go judidiu tukurakami ubadai dukai ix tumaxi taatagi ïmo Samarhiïrï oidakami tudu dai kaxkïdï pokaiti go oki.

VUAANA 7:20

Daidi go bhaitï gukakami judidiu potïtïdai, —Aapi Suxi bia ïmo diabora tïañikarudï dai po kaiti di. Xadïrï gï muana aatïmï— itïtïdai.

VUAANA 8:22

Dai go judidiu ikaiti, —¿Ïïgi ix gï muatuda agai go Suxi daidi ikaiti sai mai ixtuidimu aatïmï ix dukatai aiyagi amïka xako imi agai gobai?— ikaiti.

VUAANA 8:52

Daidi go judidiu itïtïdai aidï, —Aa gia ïr buaboi sai bia aapi ïmo diabora tïañikarudï— itïtïdai. —¿Tuixi pokaiti aapi sai xorai ïïgiadagi gï ñoki ka mai muki agai? Daiñi, go Abraamkaru ïmadï bïïxi go gaa aagadami Diuxi ñokidï ka bïïxkatai koi ïïki di.

Romanos 15:3

Daiñi, tomarhi Suxi Kristo maiti idui ïïgi ixtumaxi bhai ïrhidi ïgai. Diuxi ñokidïrï ojixi saidi Suxi Kristo aatagidi Diuxi daidi itïtïdai, Diuxi gin oga, bïïxi odami ix makïdï gï bui ñokai gï kïïdaitai, gin kïïdai ïpï dai gïn bui ñokai, itïtïdai Suxi Kristo.

Hebreos 13:13

Go óídakami soi dukai nïidiña go Suxi tudu dai kaxkïdï soi buididi podukai maigobai busaidakai go kiikiañdïrï. Kaxkïdï tï tai ïpïan dukai soimaaxi taata Suxi soi dukai gïr nïiditai jaa urabakatai aatïmï Suxi. Tï oijada Suxi tomaxi maigobai ïkobai gïr bubiadan duñagi óídakami soi dukai gïr nïiditai.

Santiago 2:19

Kïïga pokaitada antaada aapimï sai buaboitudai aapimï sai oidaga Diuxi dai sai ïmaduga ïgai. Kïïgadu aba gobai. Dïï gia aanï aagai sai asta go tïtïañikarudï go diabora kïïga buaboitudai sai oidaga Diuxi dai asta gigibukïiña ïgai ïbhïiditai.