VUAANA 8:32 - Northern Tepehuan Bible

³² dai kïïga maatïkamu aapimï ixtumaxi ïr buaboi. Dai buaboitudaitai aapimï ixtumaxi ïr buaboi aidï gia kïïgakïrï bubuakimu aapimï ix ka mai pipioñi dukai gïn aaduintuldamu gïn amu— itïtïdai.

Tepehuan Northern: Diuusi ñiooquidʌ utuducami oodamicʌdʌ

³² Dai maatʌmu istumaasi ʌrvaavoi. Dai siʌʌscadʌ camaatia aapimʌ istumaasi ʌrvaavoi aidʌ gia camaitʌrpipiooñicamu aapimʌ ―tʌtʌdai ʌSuusi.

VUAANA 8:32 ပူးပေါင်းရင်းမြစ်များ

Mataibo 11:29

—Bhïibïrai go tïgibudagai ix makïdï gïn tïtïïgidamu aanï saidi podukai ïr gin mamaatïrdamigakagi aapimï. Aanï mai gïdukïdï gin ïrhidi buidïrï jaa dai kïï tuiga aanï tudu.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

VUAANA 1:17

Daiñi go Moiseskarukïdï gïr maatïturhi Diuxi ïmo ixtumaxi kïïgadukami. Gïr maatïturhi go sïïrhikami ojixikami. Dïï gia Suxi go Ga Tïanïdamikïdï gïr maatïturhi Diuxi ixtumaxi gïïpi bamioma kïïgadukami. Ïgaikïdï gïr maatïturhi Diuxi xïï kïï tuiga ïgai dai xïï kïï sïïrhi ñokai.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

VUAANA 16:13

Dïï gia dibiakai Diuxi Ibhïgadï aidï gia gïn soikïdamu ïgai ix maatïkagi bïïxi ix tumaxi ïr buaboi. Ïgai tudu ïr mamaatïtuldiadami ix tumaxi ïr buaboi. Dai mai xu ïïgi tïgibudadïkïdï ñokai ïgai tudu. Bhaiyoma mosïkaxi ixtumaxi kaïkagi ïgai gin Ogañdïrï gobai gïn aagidamu ïgai. Dai gïn aagidamu ïgai ix tumaxi daibuña agai gokiïrioma.

VUAANA 17:17

—Gin Oga— itïtïdai. —Aapi gï ñoki sïïrhikïdï ïr buaboi. Kaxkïdï gï daanïi aanï pïsai gï ñokikïdï maatïtuldana gin mamaatïrdamiga bai mosïkaxi aapi gï bïïtarïkana ïgai.

VUAANA 6:45

Daiñi, go aagadami Diuxi ñokidï oja ïïki daidi ikaiti ojadï, Diuxi maakimu ñoki bïïxkatai ix makïdï buaboituda agai saidi gin buaboitudaiña, ikaiti go ojai. Kaxkïdï gin buaboitudadamu bïïxi odami ix makïdï gïn tïgito kaïkagi ix tumaxi gïn aagidagi Diuxi dai aanï duduakarhidamu ïgai go kugatïrï tasïrï.

VUAANA 7:17

—Daiñi, odami ix makïdï kïïga ïïgiada ïrhidi Diuxi kïïga maatïkamu sa bhai ix Diuxiañdïrï ñokai aanï.

VUAANA 8:36

Kaxkïdï ix go gamara kïïgakïrï gïn bubaidagi sai ka maiti gïn aaduintulhdana go soimaaxkami aidï gia ïr buaboi sai kïïgakïrï bubuakimu aapimï— itïtïdai.

Romanos 6:22

Dïï xibi go soimaaxkami ka mai bia gubukadagai xi gïn tïanïdagi. Xibi aapimï ïr Diuxi pipioñigadï bhaiyoma. Kaxkïdï xibi Diuxi bïïtarï óídaga aapimï dai kïïgakïrï óídakamu aapimï bïïxkïrï bïïtarï.

Romanos 8:15

Daiñi, Diuxi Ibhïadï ka ayi gïr ïrana. Dai ïgai maiti gïr maakai duadimudagai ix dukai biakana aatïmï ïkioma aidïxi mos ïr pipioñi dukamikana aatïmï. Xibi Diuxi Ibhïadï gïr maa sïïrhikami xi ïr Diuxi maamaradïkana aapimï. Kaxkïdï gïr oga aagai aatïmï Diuxi.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

1 Korintios 7:22

Pomaaxi buaboitudadami ibhïgadïkïdï ïpï. Daiñi, ix makïdï ïr pipioñikatadai dai buaboitu gïr Bhaitï Kïakamiga ka kïïgakïrï bubuakïi sai ka mai tïanïna go diabora. Dai podukai ïpï ix makïdï maiti ïr pipioñikatadai dai buaboitu gïr Bhaitï Kïakamiga ka pipioñigadï bii Suxi Kristo dai Suxi Kristo bia sïïrhikami ix tïanïdagi xibi.

Galatas 5:1

Ka aagai aanï sai aatïmï maiti ïr maamaradï duu go oki ix makïdï ïr pioñikatadai. Ka kïïgakïrï gïr bubaitu Suxi Kristo tudu dai ka maiti ïr go sïïrhikami pipioñigadï duu aatïmï dai ka mai bia aatïmï xi ïïgiadagi gobai. Kaxkïdï abïr mai ïpamu bhïiyi go tïgibudagai ix makïdï ikaiti sai bia aapimï xi ïïgiadagi go sïïrhikami sai kïïgakïrï gïn nïijadagi Diuxi. Ix pobuadagi aapimï aidï gia pipioñi duu bimu aapimï ïpamu di.

Galatas 5:13

Daiñi gin aaduñi, Diuxi gïn báí mïsai kïïgakïrï óídakana aapimï. Gïn báí ïgai sai ka mai biakagi aapimï xi pipioñi dukai ïïgiadagi ïmo sïïrhikami tudu kabami gïn tïanïitai gobai. Ka kïïgakïrï gïn bubaitu ïgai tudu. Kaxkïdï kabami soi gin ïrhidiña aanï gïn aagiditai jaa sai bia aapimï xi ïïgiadagi go sïïrhikami. Maiti ïr podukai di. Daiñi, kïïga ïr buaboi tudu sai mai gubuakïdï bia aapimï xi ïïgiadagi go sïïrhikami sai podukai kïï biïna Diuxi ïmadï. Dïï gia maiti abïr po gïn ïrhiada ïpï sai bhaiga aapimï xi ibuadagi ïïgi ixtumaxi iduña ïrhiada aapimï oiditai ïïgi gïn tïgibudaga. Gï agai bhaiyoma xi aipakoga gïn soikïdagi aapimï gïn oigïdatai aipakoga.

2 Timoteo 3:7

Dudatai kaïka ïrhidiña ïgai maatïtuldaragai utudui dïï bïïxkïrï mai mamaatïrïi ixtumaxi kïïgakïrï ïr buaboi.

Santiago 1:25

Daiñi, Diuxi ñokidï sïïrhikïdï kïïgadu. Ami Diuxi ñokidïrï mai biïga ixtumaxi tudu. Dai kïïga soikïi gobai odami sai ka maiti ïr pioñigadïkagi ïgai go soimaaxkami, sai ka mai biakana ïgai xi ïïgiadagi go soimaaxkami dai taatagi mukigami tudu. Dïï gia gï agai odami xi kïïga gïn tïgito kaïkagi ix kaiti gobai daidi ïïgiadagi. Ix pobuadagi ïgai aidï gia kïïga bhai gïn ïrhiadamu ïgai.

Santiago 2:12

Gin aaduñi, kïïga abïr gïn tïgitoka ix tïdagi aapimï jaa dai ix tumaxi ibuadagi ïpï. Kïï maatï aapimï sai Diuxi aagada agai ix bhai kïï dui aapimï, ix bhai kïïga ïïgidi aapimï go utudui sïïrhikami tudu. Dai go utudui sïïrhikami ïgai daidi gïr soikïi sai ka mai biakagi aatïmï ix ïïgiadagi go soimaaxkami dai taatagi mukigami.

1 Pedro 2:16

Ïkioma go soimaaxkami ïr gïn tïanïdamigakatadai dïï gia xibi ka kïïgakïrï gïn bubaitu Diuxi dai xibi Diuxi ïgai daidi ïr gïn tïanïdamiga. Pipioñigadï aapimï Diuxi tudu. Kaxkïdï bhaiga bïnïrhiada aapimï maatïkatai sai ka kïïgakïrï bubuaka aapimï. Dïï gia maiti abïr pokaitada sai mai xudu ix soimaaxi ibuadagi aapimï ka kïïgakïrï bubuakïkai aapimï. Diuxi pipioñigadï aapimï xibi di.

2 Juan 1:1

Aanï ïr Juan dai gïn otoxdi idi ojai ïmo bhaitï kïakamigadïkatai aanï bïïxkatai go buaboitudadami. Ïmo biatuldaragai gïn bïïtarï bïïxkatai aapimï buaboitudadami ix makïdï gïn ïmapaidi dai xadutudai Diuxi ami xako daraka aapimï. Ïko bubaidadï aapimï Diuxi aapimï gin aaduñi. Ïmo aadunumï dukai aatïmï, aanï ïmadï aapimï tudu, buaboitudaitai aatïmï ixtumaxi ïr buaboi. Kaxkïdï kïïga gïn oigïdai aanï dai gïn ojidi. Dai bïïxi go gaa buaboitudadami aipakoga óídakami gïn oigïdai ïpï.