VUAANA 8:26 - Northern Tepehuan Bible

²⁶ —Dai kïïga maatï aanï xïïxi ïr soimaaxi buadami aapimï dai kïï bhaigakatadai aanï ix potïiyagi ix ïr soimaaxi buadami aapimï. Dïï aanï bhaiyoma aagai mosïkaxi ix tumaxi gin aagidi go makïdï bhaigobai gin otoi. Ïgai mai yaatagïi dai ïgai ñokidï aiturhi aanï óídakami— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁶ Dai aanʌ quiaa gaaagidamu naana maasi istumaasi gʌnaagaitai aapimʌ dai aanʌ gʌpiʌrʌ gʌnvuaajamu ʌʌmo istumaasicʌdʌ. Dʌmos aanʌ gaaagidi mosʌcaasi istumaasi giñaagidi ʌgai ismaacʌdʌ giñootoi dai ʌgai gia sʌʌlicʌdʌ aagai mosʌcaasi istumaasi ʌrvaavoi ―tʌtʌdai ʌSuusi.

VUAANA 8:26 ပူးပေါင်းရင်းမြစ်များ

VUAANA 15:15

—Gin aaduñi— itïtïdai. —Ka mai pipioñi gïn aagai aanï. Daiñi, go ga amu bhaitoma mai aagidiña pipioñigadï ix tuma tïtïitoi ïgai dai ix tuma bïïtarï ka agai aaduindadï ix makïdï ibuayi ïgai. Dïï aapimï mai ïpïan dukamikana pipioñi. Kïïga gïn aagidiña aanï ix tuma tïtïitoi aanï dai ix tuma bïïtarï ka agai gin aaduindaga. Kïïga gïn aagidiña aanï di. Gïn aagidiña aanï go ñoki ix makïdï Diuxi gin maa gïn bïïtarï tudu. Dai kaxkïdï xibi gin aaduñi gïn aagai aanï kïïga gïn ïïmadatai— itïtïdai.

VUAANA 16:12

Daidi Suxi oi aatagidï daidi itïtïdai, —Naana maaxi bamioma gïn aagida in ïrhidi dïï xibi mai bhaiga aapimï ix maatï kajiagi kia.

VUAANA 17:8

Ga mamaatïturhiña aanï gin mamaatïrdamiga go baaxi maatïtuldaragai ix makïdï aapi gin aagidi tudu daidi kïïga ïïgida kaï ïgai. Ka máí ïgai ix aapi ïgai ix makïdï gin otoi mïkadïrï xako daja aapi. Ka kïïga buaboitudai ïgai gobai tudu— itïtïdai.

VUAANA 18:20

Daidi go Suxi itïtïdai, —Aanï gamamaakaiña ñoki buitapi bïïxi óídakami. Ga mamaakaiña aanï ñoki go gïï kiupiïrï Jerusalenïrï dai gamamaakaiña aanï ñoki ïpï jaa kikiupiïrï xako gïn ïmpaidiña bïïxi go judidiu. Mai ïxtotai aagidi aanï tomarhi ïmo ñoki tudu— itïtïdai.

VUAANA 3:11

Kïïga gï tïgito kaïka tudu ix makïdï gï aagidamu aanï. Daiñi, aanï ïmadï gin mamaatïrdamiga gïn aagidi ixtumaxi kïïga nïidi aatïmï dai kïïga maatï dïï tomax dukai aapimï mai buaboida kaïkana gïr ñoki— itïtïdai Suxi.

VUAANA 7:16

Dai Suxi itïtïdai aidï, —Diuxi otosadï aanï dai ïgai gin aagidimi ixtuma ñokiada aanï. Mai xu ïïgi gin tïgibudagakïdï ñokai aanï tudu— itïtïdai.

VUAANA 7:28

Dai Suxi gïïgïrï ño go gïï kiupiïrï dakatai dai potïtïdai go odami, —Aapimï po bïnïrhidi mïxi kïïga gin maatï xorai aanï dai xajadïrï dibia aanï ïpï, dïï maiti gin maatï aapimï. Daiñi, mai xu mos ipïldakai dibia aanï. Ïmai gin otoi bhaiyoma dai aapimï mai maatï xorai ïgai. Go makïdï gin otoi tomarhi ïmo imidagai mai buirumadai odami

VUAANA 8:25

Dai go odami itïtïdai, —¿Borai gï ïrhidi aapi?— itïtïdai. Dai Suxi po tïtïdai, —Ka baasïki abhiadïrï gïn aagidiña aanï xorai aanï— itïtïdai.

VUAANA 8:27

Dïï go odami modukai mai maatï kaï ix tumaxi aagidi go Suxi. Mai máí ix aagiditadai ïgai sai ïr otosadï Diuxi gïr Oga.

VUAANA 8:40

—Dai aanï mos gïn aagidi ixtumaxi ïr buaboi dai ix makïdï gin aagidi Diuxi gin Oga dai bïïxkïrï gin mua ïrhidi aapimï. Go Abraamkaru xadïrï gin mua agaiña di— itïtïdai.

2 Korintios 1:18

Dïï gia aanï mai potuiga. Gokïdï bhaiyoma ïpïan tuiga aanï Diuxi. Diuxi gia mai yaatagïi dai bhaiyoma ibuayi ixtumaxi aagadagi tudu dai aanï podukai ibuayi ïpï.