VUAANA 8:11 - Northern Tepehuan Bible

¹¹ —Cho— itïtïdai go oki. —Mai tipu tomarhi ïmadutai— itïtïdai. Daidi Suxi potïtïdai, —Aanï ïpï maiti tañimu gïgïbidaragai bïïtarï dïï gia imïdañi dai ka maiti soimaaxi ibuada— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Tai ʌooqui potʌtʌdai: ―Chu. Camaitiipu, tomali ʌmaadutai ―tʌtʌdai. Amaasi ʌSuusi itʌtʌdai: ―Tomali aanʌ maitʌmaicarsamu. Sivi gia imʌdañi dai camaisoimaasi ivuaada ―tʌtʌdai.

VUAANA 8:11 ပူးပေါင်းရင်းမြစ်များ

Lukas 13:3

dïï maiti ïr buaboi gobai. Daiñi aapimï mai bamioma kïï tutuiga xi bhai ïgai. Gï agai xi kïïga gïn tïgito nïijadagi ïïgi aapimï tudu. Ix mai ïma dukai gïn tïtïgitoagi aapimï ïïgi gïn soimaaxkamigakïdï aidï gia aapimï ïpï mos koi agai— itïtïdai.

Lukas 13:5

Cho tudu. Daiñi aapimï po gïn ïrhiada antaada sai bamioma maiti ïr soimaaxi ibuadami aapimï xi bhai ïgai ix makïdï koi dïï maiti ïr buaboi gobai. Dai aanï aagai sai xi mai ïma dukai gïn tïtïgitoagi aapimï ïïgi gïn soimaaxkamigakïdï aidï gia aapimï bïïxkatai mos koimu ïpï— itïtïdai.

Lukas 15:10

—Daiñi— itïtïdai. —Aanï aagai sai pomaaxi xako daraka Diuxi tïtïañikarudï ïpï. Gïïpi oidaga bhai ïrhiaragai amïka xïxkadï ïma dukai gï tïgitoagi ïmo soimaaxi ibuadami— itïtïdai.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 15:7

Dai aanï aagai sai podukai ïpï kabami bhai gïn ïrhidiña tïbagiana óídakami xïxkadï ïma dukai gï tïgitokagi tomaxi mos arhi ïmo soimaaxi ibuadami. Dïï gia mai pokaxi kabami bhai gïn ïrhidiña ïgai go gaa ïmadï ix makïdï ka buañixi gïn ïrhidi iibhïadï dai po ïrhidi sai mai bia xi ïma dukai gïn tïtïgitoagi podukai— itïtïdai Suxi go fariseos ïmadï go tïtïgiadami sïïrhikami.

Lukas 5:32

Dai aanï ïpïan dukai aatabuayi ïmo duduadadami. Mai bapaidiña aanï odami ix makïdï mai soimaaxi ibuadami gïn ïrhidi dai bhaiyoma dibia aanï bapaida iñagaitai ix makïdï kïï maatï sai ïr soimaaxi ibuadami. Bapaidimi aanï sai ïma dukai gïn tïgitokana ïgai tudu— itïtïdai.

Lukas 9:56

Daidi potïtïdai, —maiti gï agai xi soimaaxi daiturhiada óídakami podukai— itïtïdai. Dai bhaiyoma mos iji ïgai abhiadïrï dai xibhïadïrï iji ïmai kiikiïrï.

VUAANA 18:36

Dai Suxi itïtïdai, —Aanï gin gubukadaga mai ïpïamaaxi go gaa Reyes ix makïdï oidaga tami oidigi daama. Ix pomaaxi gatïanïdamudai aanï ix maaxi gatïanïi ïgai aidï gia gin mamaatïrdamiga maiti dagitomudai ix gin bhïiyagi go sandadaru dai bhaiyoma bui surhigimudai. Dïï gia aanï gin gubukadaga ïma maaxi. Mai ïpïamaaxi gatïanïi aanï go gaa Reyes ix makïdï oidaga tami idi oidigi daama— itïtïdai.

VUAANA 3:17

Diuxi gin otoi oidigi daama mai xu sai aagana aanï ix tuma gïgïbituldaragai ajïga óídakami. Gin otoi ïgai bhaiyoma an sai kïïgakïrï bubaidana óídakami— itïtïdai Suxi.

VUAANA 5:14

Dïï gia gokiïrï Suxi tïï go kïïrhi nobai go gïï kiupiana Jerusalenïrï kïakïdï daidi itïtïdai tïïgakai, —Aapi kïïrhi, ka duayi aapi. Ka maiti soimaaxi ibuada tudu xibi bhaitiakoga, tadu gï ayi ïmo gïdukamioma soimaaxi— itïtïdai.

VUAANA 8:15

—Aapimï ïïgi gïn tïgibudagakïdï aagai sai mai kïï buayi aanï dai aanï mai aagai xorai kïïga ibuayi dai xorai mai kïïga ibuayi.

Romanos 2:4

Diuxi gia kïï tuiga. Mai otoma bhamukui ïgai gïn bui tudu dai tomarhi mai otoma daitudai gïgïbidaragai gïn abhana tomaxi gïn ajïakatadai xi taatagi gïgïbidaragai. Dïï aapimï tomarhi mai buamï gïn ïrhidi. Bhaiyoma soi dukai nïidi aapimï Diuxi poïrhiditai sai ïgai mai oton gïgïbitulda agai. Buabi tudu sai kïï tuiga ïgai gïn bïïtarï. Ipïrhidi ïgai sai ïma dukai gïn tïtïgitokagi aapimï kaxkïdï mai oton gïgïbituldai ïgai.

1 Korintios 5:12

Gin susukurhi, aanï mai bia sïïrhikami ix aagadagi ix bhai ïr soimaaxi buadami go odami ix makïdï mai buaboitudai. Gobai ïr Diuxi aaduindadï. Dïï gia go odami ix makïdï gia ïr buaboitudadami dai gïn urapïkïi ïgaikïdï gia ïr ïma dukai. Ïgaikïdï gia gï aagai ix aapimï aagadagi ix bhai ïr soimaaxi ibuadami ix cho ïpï. Daiñi, go Moiseskaru oja adukai ïïki sai, Maigobai abïr busaida go soimaaxi buadami gïn saagidañdïrï, ikaiti ojadï. Kaxkïdï gï agai aapimï xibi ix podukai ibuadagi ixdukai oja ïgai. Gï aagai ix maigobai busaida aapimï go soimaaxi buadami gïn saagidañdïrï tudu.

2 Pedro 3:15

Gïn tïgitobïrai tudu sai Gïr Nukadakami mai ojodatai nïnïrai kia dai mai kia xia dodai oidigi. Ipïrhidi ïgai sai go soimaaxi ibuadami biakana oigaragai xi kïïgakïrï bubuakiagi kaxkïdï. Podukai tudu gïn ojidi Pabora ïpï ix makïdï ïr ïmo gïr aaduñi Diuxi amadïrï dai ix makïdï kïïga oigïdai aatïmï. Dai kïïga gï maatï saidi ïr buaboi ixtumaxi gïn ojidi ïgai. Diuxi tïtïïgidiña ixtumaxi ojagi ïgai kaxkïdï.