VUAANA 7:8 - Northern Tepehuan Bible

⁸ —Iimibïrai aapimï gamo dana bagimiïrï tudu— itïtïdai. —Aanï mai imimu kia, mai kia ayi ixtuigako ix imia aanï kaxkïdï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁸ Iimivurai aapimʌ gaamucu idi siaa duudagʌrʌ. Aanʌ gia maiimimu. Maiquiaa aayi istuigaco imiagi aanʌ cascʌdʌ ―tʌtʌdai ʌSuusi.

VUAANA 7:8 ပူးပေါင်းရင်းမြစ်များ

Mataibo 26:18

Daidi Suxi potïtïdai, —Iimibïrai nobai Jerusalenana dai ami tïïgimu aapimï ïmo kïïrhi, dai bïrai aagida sai aanï ix makïdï ïr go Mamaatïtuldiadami kaxi gïn aagidi sai ka miadaimi ix tuigako gin muatuda iñagai aanï. Aagidabïrai sai ami kiidïrï gaugimu aanï go Kïïgakïrï Bubaidaragai kuadagai aapimï gïn ïmadï, aapimï gin mamaatïrdamiga— itïtïdai.

VUAANA 2:4

Daidi Suxi itïtïdai, —¿Gin daada, tuipïxi gin baasa ïrhidi gobiïrï?— itïtïdai. —Mai kia ayi ix tuigako gï aaga gin aaduindaga di— itïtïdai.

VUAANA 7:30

Aidïpïrï go judidiu bhaitï gukakamigadï bhïiya ïrhiditadai go Suxi dïï maiti ixtui, mai kia ayitadai ixtuigako gï bhïituda ïgai kaxkïdï.

VUAANA 7:6

Dai Suxi itïtïdai susukurhidï, —Aanï in bïïtarï mai kia ayi ixtuigako imiagi gamoko. Dïï gia aapimï gïn bïïtarï kïïgadu ix iimia aapimï tomax xuduku— itïtïdai.

VUAANA 7:9

Potïtïdai Suxi susukurhidï daidi bhodïrï mos amaxi bii Galileïrï lachi kia.

VUAANA 8:20

Go Suxi podukai maa ñoki go gïï kiupiana kïakatai ami go tuminxi bhai tuakaruïrï dai bïïxkïrï maiti gï bhïitu. Mai kia ayitadai ixtuigako gï bhïitudagi ïgai kaxkïdï.

VUAANA 8:30

Dai kïïga mui odami kaï Suxi aatagidï aidï dai muidutai buaboitu.