VUAANA 7:52 - Northern Tepehuan Bible

⁵² Daidi go gaa fariseos itïtïdai aidï, —¿Aapi pïx tudu ïr Galileïrï oidakami ïpï ïpïan dukai go Suxi? Daiñi, gï aagai ix kïïga gï tïgito nïñiada aapi Diuxi ñokidï, ami ojixi sai tomarhi ïmadutai go aagadami Diuxi ñokidï ïr Galileïrï oidakami kaxkïdï go Suxi dukatai ïr aagadamikana Diuxi ñokidï. Ïgai ïr Galileïrï oidakami di— itïtïdai go gaa fariseos.

Tepehuan Northern: Diuusi ñiooquidʌ utuducami oodamicʌdʌ

⁵² Amaasi ʌgaa aa noragi daidʌ itʌtʌdai: ―¿Aapipʌsi ʌrGalileeʌrʌ oidacami ʌʌpʌ? Gaagañi aapi Diuusi ñiooquidʌrʌ dai nʌidamu aapi sai tomali ʌmo Diuusi ñiooquituldiadamigadʌ maivuusai Galileeaiñdʌrʌ ―astʌtʌdai ʌfariseo.

VUAANA 7:52 ပူးပေါင်းရင်းမြစ်များ

Genesis 19:9

—Maigobai kïkiba— itïtïdai go kïkïïrhi kidigana gukakïdï. —No xibhïadïrï oidakami aapi dai aadïrï gïr tïanïda ïrhidi— itïtïdai. —Xibi gïïpi bamioma soi taadakamu aapi xi gobai gï dadidakami— itïtïdai. Dai bui surhi ïgai go Lot dai karhioga daitu agaitadai go kitaagiña.

Exodo 2:14

Daidi go gïitapadami itïtïdai, —Borai gï dáí aapi ïmo gïï gubukadagai biakami pïxi kaiti daidi tïanïdami dukai ïpï. Gin mua pïx agai ïpï ïpïan dukai go ix makïdï mua aapi go Ejipituana oidakami— itïtïdai. Daidi go Moises gï ïrhidi, —Kaxi bïïxkatai go óídakami máí sai mua aanï go Ejipituana oidakami— gï ïrhidi Moises dai duadimuka.

VUAANA 1:46

Daidi Natanael itïtïdai, —Xadïrï ïr soiñikana ïmo Nasaretïrï oidakami— itïtïdai. Daidi Pirhi itïtïdai, —Tinda tudu pai ïïgi nïida aapi daidi maatïkagi— itïtïdai.

VUAANA 5:39

Daiñi, kïïga nïnïidiña aapimï Diuxi ñokidï pobïn ïrhiditai sai ami tïigimu aapimï ix dukatai kïïgakïrï oidakagi bïïxkïrï bïïtarï. Diuxi ñokidïrï kïïga aagai sai aanï ïr Diuxi Maradï. Kaxkïdï gï agaitadai ix kïïga gin buaboitudagi aapimï.

VUAANA 7:41

Dai jaa ikaitiña, —¡Idi gia ïr go Ga Tïanïdami ïrhi aanï!— Dai jaa ikaitiña, —Cho ïrhi aanï. Xadïrï Galileïrï oidakamikana go Ga Tïanïdami— ikaitiña.

VUAANA 7:53

Dai amaxi ukami bii go aatagi dai ka bïïxkatai nonora kiikidïrï.

VUAANA 9:34

Daidi go judidiu itïtïdai aidï, —Aapi mos ïr soimaaxi buadamikana aidïxi abhiadïrï busai aapi. ¿Dukatai gïr maatïtulda ïrhidi aapi di?— itïtïdai. Dai bhodïrï aadaji ïgai go kïïrhi abhai judidiu kiupaigadïañdïrï.