VUAANA 7:28 - Northern Tepehuan Bible

²⁸ Dai Suxi gïïgïrï ño go gïï kiupiïrï dakatai dai potïtïdai go odami, —Aapimï po bïnïrhidi mïxi kïïga gin maatï xorai aanï dai xajadïrï dibia aanï ïpï, dïï maiti gin maatï aapimï. Daiñi, mai xu mos ipïldakai dibia aanï. Ïmai gin otoi bhaiyoma dai aapimï mai maatï xorai ïgai. Go makïdï gin otoi tomarhi ïmo imidagai mai buirumadai odami

Tepehuan Northern: Diuusi ñiooquidʌ utuducami oodamicʌdʌ

²⁸ Daidʌ ʌSuusi quiaa mamaatʌtulditadai ʌoodami ʌgʌʌ quiuupiʌrʌ dai caʌcai istumaasi aagai ʌoodami cavami ñioo ʌgai dai potʌtʌdai: ―Vaavuava ismaatʌ aapimʌ siaaco oidaga aanʌ. Dʌmos maimaatʌ aapimʌ sioorʌ giñootoi. Aanʌ divia maisiu mosʌʌgi ipʌliditai aanʌ baiyoma ʌgai ismaacʌdʌ tomali ʌmo imidagai maiyaatagʌi atgiñootoi. Vʌʌsi istumaasi aagai ʌgai ʌrvaavoi. Dai aapimʌ maimaatʌ ʌgai.

VUAANA 7:28 ပူးပေါင်းရင်းမြစ်များ

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Mataibo 2:23

Ami ayi ïgai dai ïmo kiikiïrï óídatu xako Nasaret tïgidu. Podukai daibusai ix makïdï aagaiña go ñiñokituldiadamigadï Diuxi ïïki abhiadïrï. Ikaitiña ïgai sai, —Dibiamu go Otosadï Diuxi bai Nasaretañdïrï oidakami gï aagadamu ïgai— po tudu ikaiti ñiñokituldiadamigadï Diuxi aagaitai go Suxi.

Mataibo 26:55

Dai bhodïrï ñokidi Suxi go mui odami ix makïdï ami dadatadai bhïiya agaitai. Daidi potïtïdai ïgai, —¿Ix tuixi bhïï ajiopai aapimï mamaaxtai dai uxi?— itïtïdai. —¿Ïmo ïxibugami xi aanï tudu xi kaxkïdï podukai gin bhïiyi aapimï? Daiñi, bïïx tasai gïn ïmadï dakana aanï amïka go gïï kiupaigadïrï judidiu dai ami gamaamakaiña aanï ñoki. Kïï bhaigakatadai aapimï xi ami gin bhïiyagi.

Lukas 10:22

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.

Lukas 2:11

—Ïkiapo mo busai gïn Kïïgakïrï Bubiadamiga ami go arhi kiikiïrï xakoga oidatu go Dabidkaru ïïki. Ïgai ïr Gabhaitïkïakami dai ïr go Kristo.

Lukas 2:39

Dai bhodïrï kaxi idunakai go Maria ïmadï Jose bïïxi ixtumaxi aagai Diuxi ojadïrï sai baidakai ïgai go arhi gïrhi Galileamu ïpamu. Dai ami ayi ïgai Nasaretïrï.

Lukas 2:4

Daidi Nasaretana oidakatadai ïmo oidakami Jose tïgidukami. Dai jii ïgai Nasaretañdïrï ix makïdï Galileïrï bipiïyi dai ayi Belenïrï ix makïdï Judeïrï bipiïyi. Go Dabidkaru ïr Belenïrï busaikamikatadai dai go Jose ïr pipiixaradï kaxkïdï biakatadai ïgai xi gamo imiagi dai ami gï ojagi.

Lukas 2:51

Pobï gï dui Jerusalenïrï tudu. Dai bhodïrï go Suxi oi dïïdïdï gamo Nasaretamu dai apia mo ïxi kïïga ïïgidi. Dai dïïdï bïïx tasai tïtïitoiña ixtumaxi pogïduitadai ïgaikïdï.

VUAANA 1:46

Daidi Natanael itïtïdai, —Xadïrï ïr soiñikana ïmo Nasaretïrï oidakami— itïtïdai. Daidi Pirhi itïtïdai, —Tinda tudu pai ïïgi nïida aapi daidi maatïkagi— itïtïdai.

VUAANA 10:36

¡Kaxkïdï maiti gï agai ix potïiyagi aapimï sai soimaaxi ñokai aanï potïkai sai aanï ïr Diuxi Maradï! Aanï ïr Diuxi otosadï ix makïdï ïgai ïïko busaitu di— itïtïdai Suxi.

VUAANA 12:49

—Gin Oga tudu ïgai ix makïdï gin otoi dai gin aagidi ix tumaxi aagiada aanï. Mai ïïgi gin tïgibudagakïdï ñokai aanï tudu. Kaxkïdï odami gï agaitadai ix buaboitudagi gin ñoki.

VUAANA 14:10

—¿Maiti pïx tudu buaboitudai aapi ix gïr bïnaka aanï ïmadï gin Oga? Aanï mai ïïgi gin tïgibudagakïdï ñokai tudu. Bhaiyoma Diuxi aanïkïdï ibuayi aaduindadï gin ïmadï dakatai ïgai— itïtïdai. Dai bhodïrï Suxi maa ïmo ñoki go gaa mamaatïrdamigadï bïïtarï ïpï daidi potïtïdai,

VUAANA 14:31

kaxkïdï tomaxi gin tïanïda ïrhiada ïgai iduñimu aanï bïïxi aïkatai ixtumaxi gin tïjai gin Oga sai podukai maatïkana bïïxi óídakami sai aanï kïïga oigïdai gin Oga— itïtïdai. Daidi bhodïrï Suxi itïtïdai mamaatïrdamigadï, —Timïda tudu tabhiadïrï— itïtïdai.

VUAANA 16:3

Mai maatï ïgai Diuxi gïr Oga dai tomarhi mai maatï xorai aanï ïpï kaxkïdï soi gïn buidada agai ïgai podukai.

VUAANA 17:25

—Aapi gin Oga kïï sïïrhi aatabuayi dai go odami ix makïdï adaimïi ïïgi tïgibudadï mai maatï ix tuiga aapi dïï aanï gia kïïga gï maatï. Dai gin mamaatïrdamiga kïïga maatï sai aapi gin otoi.

VUAANA 17:3

Dai gï agai ix odami kïï gï maatïkagi. Kaxkïdï tudu mosïkaxi aapi ïgai dai buaboikïdï ïr Diuxi. Dai gï agai ix maatïkagi ïpï ix aanï ïr go Ga Tïanïdami ix makïdï aapi otoi tami oidigi daama. Ïma dukai xadïrï kïïgakïrï óídakana odami bïïxkïrï bïïtarï ix maiti gïr maatïkagi ïgai— itïtïdai.

VUAANA 3:33

Dïï gia oidaga ïïmoko dai kïïga buaboitudai dai ïgai mos buaboidaitai gamamaaxidi Diuxi ix mai yaatagïi ïgai.

VUAANA 5:32

Dïï mos oidaga ïmai dai aagai xorai aanï. Ïgai Juan tïgidu dai ïgai kïï sïïrhi aagai. Aapimï otoi kïkïïrhi sai tïkakana go Juan sa xorai aanï dai ïgai kïïga gïn aagidi.

VUAANA 5:43

Daiñi, aanï dibia biakatai ïmo sïïrhikami gin Ogañdïrï dïï mos aapimï bïïxkïrï maiti gin buaboituda ïrhidi. Dïï gia ix dibiagi ïmai kïïrhi ïïgi gubukadadïkïdï mai biakatai tomarhi ïmo sïïrhikami Diuxiañdïrï, ïgai gia buaboitudamu aapimï.

VUAANA 6:42

Dai po kaiti ïgai, —¿Maiti ix tudu idi ïr go Jose maradï? ¡Aatïmï kïï maatï dïïdïdï di! ¿Tuixidï pokaiti gobai sai tïbagiañdïrï dibia?— ikaiti go judidiu.

VUAANA 7:14

Dai aidïxi kia biïgatadai tajukami ix ugitiagi go bagimi sai baa go Suxi go gïï kiupiïrï mïï Jerusalenïrï dai gamaa ñoki.

VUAANA 8:14

Dai Suxi potïtïdai aidï, —Namïga aba gin ñoki. Daiñi, kïïga maatï aanï sai tïbagiañdïrï dibia aanï dai sai ïpamu tïbagiamu imimu aanï kaxkïdï kïïga gï maatï saidi ïr buaboi gin ñoki tomaxi mosïkaxi ïïgi aanï aagai saidi ïr buaboi. Aapimï mai maatï xajadïrï busaikami aanï dai tomarhi xajako imïdami aanï dïï aanï gia maatï— itïtïdai.

VUAANA 8:16

Aanï mosïkaxi ix tumaxi ïr buaboi aagai dai ix potïiyagi aanï sai ïmadutai mai kïï buayi aanï gia buaboi aagai. Mai ïïgi gin tïgibudagakïdï ñokai aanï tudu dai bhaiyoma tïgibudadïkïdï Diuxi ix makïdï gin otoi ñokai aanï kaxkïdï gï maatï saidi ïr buaboi gin ñoki— itïtïdai.

VUAANA 8:19

Daidi go gaa itïtïdai, —¿Bako daja gï oga?— itïtïdai. Daidi Suxi itïtïdai, —Aapimï mai maatï xorai aanï dai mai maatï aapimï ïpï xorai ïr gin Oga— itïtïdai. —Ix gin maatïkamudai aapimï xorai aanï aidï gia maatïkamudai aapimï gin Oga ïpï— itïtïdai.

VUAANA 8:26

—Dai kïïga maatï aanï xïïxi ïr soimaaxi buadami aapimï dai kïï bhaigakatadai aanï ix potïiyagi ix ïr soimaaxi buadami aapimï. Dïï aanï bhaiyoma aagai mosïkaxi ix tumaxi gin aagidi go makïdï bhaigobai gin otoi. Ïgai mai yaatagïi dai ïgai ñokidï aiturhi aanï óídakami— itïtïdai Suxi.

VUAANA 8:42

Daidi Suxi itïtïdai, —Cho daiñi— itïtïdai. —Ix buaboikïdï ïr Diuxi maamaradïkamudai aidï gia gin oigïadamudai aapimï. ¡Diuxiañdïrï dibia aanï di! Dai mai xu ix ïïgi gin bhai ïrhiarakïdï— itïtïdai. —Diuxi ïgai ix makïdï bhaigobai gin otoi tudu.

VUAANA 9:29

—Kïïga maatï aatïmï ix Diuxi ïmadï aatagaiña go Moiseskaru ïïki dïï gia mai maatï aatïmï tomarhi xajadïrï dibia go Suxi— itïtïdai.

Hechos 17:23

Nobai aimïraitadai aanï dai tïï mui ïïmapïkïrï xako ibuayi aapimï xadutudaragai ïgai bïïtarï. Dai tïï aanï ïmo daxdakarui ïpï dai ami go daxdakaruana ojixi sai, IDI DAXDAKAUI ÏR ÏMAI DIUXI BÏÏTARÏ IX MAKÏDÏ AATÏMÏ MAI MAATÏ. XÏDUÑADA OIDAKAGI ÏMAI DIUXI XIBHÏAKOGA DAI AATÏMÏ MAI MAATÏ, ikaiti go ojixikami. Xibi aanï gïn aagidamu xorai idi ix makïdï xadutudai aapimï mai maatïkatai— itïtïdai Pabora.

Romanos 1:28

Odami maiti ipïrhi xi xadutuadagi Diuxi tudu. Kaxkïdï Diuxi dagito xi adaimuagi ïgai tïgibudagai ix makïdï maiti ïr sïïrhi. Dagito ïgai xi odami ibuadagi naana maaxi ix makïdï maiti agai xi ibuadagi.

Romanos 3:4

Xadïrï maiti duna Diuxi idukatai aagagi ïgai. Diuxi mai yaatagïi tomaxi odami gia ïr yaatabogami bïïxkatai. Podukai tudu agai Diuxi ñokidï. Ami ikaiti sai, Bïïxkïrï buaboi aagai Diuxi. Xudu jaa gïpiïrï buaja ïrhiadagi Diuxi, ïgai gatïtïïgiada agai sai mai soimaaxi buayi ïgai, ikaiti go ojai.

2 Korintios 1:18

Dïï gia aanï mai potuiga. Gokïdï bhaiyoma ïpïan tuiga aanï Diuxi. Diuxi gia mai yaatagïi dai bhaiyoma ibuayi ixtumaxi aagadagi tudu dai aanï podukai ibuayi ïpï.

2 Korintios 4:6

Daiñi, Diuxi ño ïïki aidïxi kia tukamukatadai oidigi daidi itïi ïgai, Ipïrhidi aanï sai oidakana kudagi, itïi ïgai. Dai ka oidatu kudagi dai ka kudidikami bii oidigi. Dai xibi ka kudidakan dukai bia ïgai gïr iibhïdaga ïpï gïr tïtïïgiditai ïgai ixtumaxi ïr buaboi. Po dui ïgai sai ka maatïkana aatïmï xïïxi ïr gïdukami ïgai dai xïï xigian tuiga. Gïr tïgito nïiditai aatïmï Suxi Kristo podukai kïïga mamaatïrïi aatïmï xïïxi ïr gïdukami Diuxi dai xïï xigian tuiga ïgai tudu.

Tito 1:2

Ipïrhidi aanï sai buaboidaitai ïgai ixtumaxi ïr buaboi sai kïïga mai duduadikuda ïgai kïï maatïkatai sai kïïgakïrï óídaka agai bïïxkïrï bïïtarï. Diuxi gïr aagidi ïïki sai óídaka ragai bïïxkïrï bïïtarï tudu dai ïgai mai yaatagïi.

Hebreos 6:18

Goka ñoki aagidi Diuxi go Abraam tudu sai podukai kïïga maatïkana aatïmï saidi iduñi agai ixtumaxi gïr aagidi. Ïmoko ïr go ñoki xako aagidi ïgai ïmo xadutudikami ñoki. Aagidi ïgai ïmo xadutudikami ñoki tudu dai kïïga maatï aatïmï sai Diuxi tomarhi ïmo imidagai mai yaatagïi. Gobai ïr go ïpïgadï ñoki ix makïdï aagidi Diuxi go Abraam. Dai go gïmai ñoki ïr xako ïïgi gï báí ïgai dai aagidi saidi buaboikïdï iduñi agai ixtumaxi aagidi ïgai. Gobai ïr ï goka ñoki ix makïdï aagidi Diuxi go Abraam. Dai kïïga maatï aatïmï sai Diuxi apia mo maaxi bïïxkïrï bïïtarï. Mai ïmapïbuayi ïgai tudu dai kaxkïdï maatï aatïmï sai ñokidï mai ïmapïduñimu ïpï. Goka ñoki gïr aagidi Diuxi tudu sai mai buamï gïr ïrhiadagi aatïmï kïïga maatïkatai saidi iduñimu ixtumaxi gïr aagidi. Sai mai buamï gïr ïrhidiña aatïmï tudu ix makïdï ka dagito bïïxi go ïma maaxi buaboidaragai dai ka mosïkaxi Diuxi buaboitudai xibi. Buaboitudai aatïmï sai ïgai kïïgakïrï gïr bubaidi tudu.

1 Juan 5:10

Dai bïïxi odami ix makïdï buaboitudai sai go Suxi ïr Diuxi Maradï, ïgai kïïga maatï saidi bïïxi ixtumaxi gïr aagidi Diuxi ïr buaboi aagaitai Suxi ïpï. Dïï gia odami ix makïdï mai buaboitudai yaatabogami aagai Diuxi. Mai buaboitudaitai ïgai ixtumaxi gïr aagidi Diuxi aagaitai Maradï tudu.