VUAANA 7:19 - Northern Tepehuan Bible

¹⁹ Aapimï pobïnïrhidi sai aanï mai ïïgidi go sïïrhikami ix makïdï gïn biturhi go Moiseskaru dïï bhaiyoma ïïgi aapimï tomarhi ïmadutai mai kïïga ïïgidi gobai. ¿Ix tuixidï gin mua ïrhidi aapimï?— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

¹⁹ Vaavuava isMoseesacaru gʌrmaa ʌsʌʌlicami dʌmos tomali ʌmaadutai aapimʌ maiʌʌgidi vʌʌsi ʌsʌʌlicami. ¿Tuimʌsi giñmuaa ʌlidi aapimʌ? ―tʌtʌdai ʌSuusi.

VUAANA 7:19 ပူးပေါင်းရင်းမြစ်များ

Mataibo 12:14

Dïï gia go fariseos mai bhai ïrhi ïgaikïdï dai bubuakai abhai kiupiañdïrï dai otoma bhai dui aatagi ixdukatai muagi go Suxi.

Mataibo 21:38

Dïï gia aidïxi go nunukadakami go ïxikami tïï go maradï ix ka bhodïrï imïi saidi pobai gïn tïtïdai ïgai aipakoga, —Gobai bïïtarï bii agai buxtuidadï ogadï— ikaiti. —Gï agai tïx muagi sai podukai aatïmï gïr bïïtarï biiyagi gobai— ikaiti.

Markos 11:18

Daidi go bhaitï gukakami daxdadami ïmadï go maatïtuldiadami sïïrhikami kaï ix kaiti go Suxi dai tïï ïgai xi go odami arhiï tïïtïitoi Suxi aatagidï dai ka duduadimu ïgai. Ïbhïidi ïgai xi go odami ka maiti gïn ïïgiada agai buaboitudaitai go Suxi dai gïn aaga gaagaimi ïgai ixdukatai muagi go Suxi.

Markos 3:4

Dai bhodïrï potïtïdai ïgai go odami ix makïdï ami daraka, —¿Ix kaiti aidï Moises ojadï sïïrhikami? ¿Gïr maakai xi ïgai oigaragai xi soikida aatïmï odami ibhïxtaragai tasïrï xi soi buidada aatïmï xio? ¿Gïr maakai xi oigaragai tïx kïïgakïrï bubaidagi odami xi muagi xio?— itïtïdai Suxi. Dïï go odami mai ñokai daraka.

Markos 3:6

Taidi bubuaja go fariseo abhiadïrï dai abïnakida agai go Erodïxi aaduñdï dai mua agai go Suxi.

VUAANA 1:17

Daiñi go Moiseskarukïdï gïr maatïturhi Diuxi ïmo ixtumaxi kïïgadukami. Gïr maatïturhi go sïïrhikami ojixikami. Dïï gia Suxi go Ga Tïanïdamikïdï gïr maatïturhi Diuxi ixtumaxi gïïpi bamioma kïïgadukami. Ïgaikïdï gïr maatïturhi Diuxi xïï kïï tuiga ïgai dai xïï kïï sïïrhi ñokai.

VUAANA 10:39

Daidi gokïdï ïpamu gïn aga go judidiu dai bhïiyi agaitadai go Suxi dïï mos go Suxi daibuna jii

VUAANA 11:53

Dai aidï abhiadïrï ix potïi go Kaifas sai gï agaitadai ix mukiagi Suxi, aidï abhiadïrï go judidiu bhaitï gukakamigadï gaagaitadai ïgai ixdukatai muagi.

VUAANA 5:16

Baidi gokïdï go judidiu gaagaitadai ixdukatai soi buadagi go Suxi. Mai bhai ïrhidi ïgai ix Suxi duduaditadai odami ibhïxtaragai tasïrï.

VUAANA 5:18

Dïï go judidiu bamioma gaagaitadai ixdukatai muagi go Suxi kaïkai ñokidï. Bhakoi ïgai Suxi bui gaatabuadatai ïgai ibhïxtaragai tasïrï dai potïkai ïpï saidi ïr Diuxi maradï. Ïpïan ïxi gï namïaturhi Diuxi potïkai saidi ïr Diuxi maradï dai go judidiu bïïtarï gobai ïr ïmo gïdukami parunaragai Diuxi bui. Kaxkïdï mua ïrhiditadai ïgai.

VUAANA 5:45

Dïï tomax dukai mai xu aanï ïgai ix makïdï gïpiïrï gïn bupadamu Diuxi buitapi. Go Moiseskaru sïïrhikamigadï ïgai ix makïdï gïpiïrï gïn bupadamu bhaiyoma. Mai kïïga ïïgidi aapimï go Moiseskaru sïïrhikamigadï di. Dai aapimï pobïnïrhidi sai Moiseskaru ojadï ïgai dai gïn soiñamu ix kïï biiyagi aapimï Diuxi ïmadï.

VUAANA 7:1

Dai gokiïrï aipako aimïraitadai Suxi xako Galileïrï tïgidu oidigi dai ka maiti ipïrhi ix imiagi Judeamu. Go judidiu bhaitï gukakami mïï Judeana óídakami mua ïrhiditadai kaxkïdï mai imia ïrhiditadai Suxi gamoko.

VUAANA 7:25

Dai go odami Jerusalenïrï óídakami ikaiti kaïkatai ñokidï Suxi, —¿Maiti ix tudu idi ïr go kïïrhi ix makïdï gaagai go judidiu dai mua ïrhidi?— ikaitiña.

Hechos 7:38

Go Moises tudu ïgai dai oidigana aimïraitadai gïr aaduñi ïmadï. Dai go Moises ïmadï dajatadai go Diuxi tïañikarudï dai kaï ñokidï amïka Sinaí tubidakïrï. Diuxi maa ñoki go Moises ixtukïdï kïïgakïrï oidakagi ïmoko dai Moises gïr biturhi go ñoki gobai.

Galatas 3:19

Gin aaduñi Diuxi amadïrï, kaxi gïn aagidi aanï sai Diuxi ïpïgioma aagai ïmo ñoki ïïki dai pokaiti sai maaki agai ïmo bhai ïrhiaragai bïïxi óídakami bïïtarï. Dai gokiïrï gïr maa ïgai sïïrhikamigadï. Kaxkïdï ïïgi gïn tïkaka antaada aapimï ¿Ix tuma bïïtarï gïr maa Diuxi go sïïrhikami? Gïn aagidamu aanï ix tuma bïïtarï gobai. Daiñi, Diuxi gïr maa go sïïrhikami sai ïgaikïdï maatï nïijadana aatïmï xïïxkadï soimaaxi ibuadagi aatïmï. Dai go sïïrhikami mosïkaxi namïakatadai asta aidïxi ayi Suxi Kristo ix makïdï ïr go pipiixaradï go Abraamkaru. Dai ïkobïrakoga daiñi, aidïxi Diuxi aagidi go Abraamkaru go bhai ïrhiaragai ñoki ïïgi aagidi ïgai kaxkïdï gï maatï sai kabami namïga go bhai ïrhiaragai ñoki. Dïï gia aidïxi maa Diuxi go sïïrhikami go Moiseskaru otoi ïgai tïtïañikarudï xi aituldana gobai. Kaxkïdï gï maatï sai otïrhioma namïga go sïïrhikami. Diuxi maa go sïïrhikami go Moises aidï dai bhodïrï go Moises aiturhi go sïïrhikami go odami. Gobai itïiya ïrhidi sai aidïxi maa Diuxi go sïïrhikami muidukatadai ïgai dai bhai dui go ñoki. Ïmo padïrï dajatadai Diuxi ïmadï tïtïañikarudï ix makïdï otoi ïgai dai aagai ïgai ixdukatai bia xi duñagi go odami. Dai ajadïrï darakatadai go odami dai ïgai bhai aa ix ibuadagi ixtumaxi aagidi Diuxi. Dai ïrana dajatadai go Moises dai ñokiturhi ïgai Diuxi go odami buitapi dai ñokiturhi ïgai go odami Diuxi buitapi ïpï. Dïï gia aidïxi Diuxi aagidi go Abraamkaru go ñoki aagaitai go bhai ïrhiaragai aidï gia mai otoi ïgai ïmai ix dukai iduitadai go Moiseskïdï. Ïïgi aagidi Diuxi go Abraam tudu. Kaxkïdï gï maatï sai bamioma namïga go bhai ïrhiaragai xi bhai xi go sïïrhikami. Diuxi potïtïdai go Abraam sai kïïga iduñagai ix dukatai aagidi ïgai, sai maaki agai ïmo gïdukami bhai ïrhiaragai bïïxi óídakami bïïtarï tudu. Dai mai biïgatadai xi tomarhi ïmo odami iduñagi ixtumaxi saidi maakiagi gobai.