VUAANA 7:12 - Northern Tepehuan Bible

¹² Daidi go odami ka mos dudusurhi aatagaitadai aipakoga aagaitai go Suxi. Ïïmoko pokaitiña sai kïï tuiga go Suxi dai jaa pokaitiña sai mos buirumadai ïgai óídakami.

Tepehuan Northern: Diuusi ñiooquidʌ utuducami oodamicʌdʌ

¹² Dai aliʌsi gʌnaatagidimi ʌoodami aipacoga aagaitai ʌSuusi. Dai ʌʌmoco pocaiti sai cʌʌ tuiga ʌgai. Dai aa pocaiti sai maicʌʌ tuiga sai mosyaatagidi ʌgai oodami.

VUAANA 7:12 ပူးပေါင်းရင်းမြစ်များ

Mataibo 10:25

Dai aanï ïr gïn tïanïdamiga dai ïr gïn tïtïgiadami ñoki ïpï. Kaxkïdï gï agai xi ipïrhiadagi aapimï xi gin ïpïan tutiakagi aapimï dai taatagi ixtumaxi taatamaiña aanï. Daiñi, kïïga maatï aapimï sai gin kïdaiña óídakami dai asta Beelsebú gin aagaiña ïgai. Diabora gin aagaiña ïgai tudu gin kïdaitai. Kaxkïdï kïïga gï maatï sai asta bamioma gïn kïïdadamu ïgai aapimï gin aaduñikatai aapimï. Soimaaxi ñoki gïn aagidamu ïgai ïpï gin mamaatïrdamigakatai aapimï tudu— itïtïdai.

Mataibo 21:46

Dai bhïiya ïrhiditadai ïgai go Suxi aidï dïï duadikoi ïgai ix iduñagi go odami. Go ix makïdï gabhïiya ïrhiditadai kïïga maatïkatadai sai go odami buaboitudaiña sai Suxi ïr ïmo ñokituldiadamigadï Diuxi tudu. Dai poïrhidi ïgai sai go odami bhakoika antaada ix soi buidadagi ïgai go Suxi. Kaxkïdï mai bhïiyi ïgai.

Mataibo 27:63

Daidi potïtïdai ïgai, —Go Suxi sïïrhikïdï yaatabogatadai— itïtïdai. —Kïïga gïr tïgito aatïmï ix ikaitiña ïgai mai kia mukukai. Aidï pokaitiña ïgai saidi xïïxkadï mukiagi sai abhiadïrï baika tasaikïdï duaka agai ïpamu.

Lukas 18:19

Dai Suxi potïtïdai, —¿Ix tuixi kïï tuigakïdï gin aagai aapi? Mosïkaxi Diuxi ïgai daidi ïr kïï tuigakïdï di— itïtïdai.

Lukas 23:47

Dai kapitañigadï go sandadaru ami darakïdï kïïga ño Diuxi bïïtarï daidi itïi, —Agia ïr buaboi sai idi kïïrhi maiti ïr soimaaxi idukami— itïi ïgai nïiditai ixdukatai pogïduitadai.

Lukas 23:50

Dai oidakatadai ïmo kïïrhi Jose tïgidukami. Kïï tuigatadai ïgai dai kïï sïïrhi ibuadana. Ïmo gabhaitïkïakamigadï ïgai go judidiu. Dai ïgai gia mai bhai aatadai aidïxi go gaa bhaitï gukakamigadï go judidiu bhai dui ñoki ix mua agai go Suxi. Arimateïrï oidakamikatadai go Jose ix makïdï Judea munisipiïrï bipiïyi. Dai kïï buaboidaitadai ïgai sai Diuxi otsa agaitadai ïmo rey sai tïanïna tami oidigi daama.

Lukas 6:45

Dai podukai ïpï odami ibuayi ixtumaxi biakagi ibhïadïrï. Odami ix makïdï kïï buañixikagi ibhïadï kïïga ibuayi biakatai kïïgadukami tïgibudagai ibhïgadïrï. Dai odami ix makïdï soimaaxi ibhïadï mai kïïga ibuayi biakatai soimaaxkami ibhïgadïrï. Ixtumaxi ñokadagi odami ïïgi ibhïadïañdïrï busakïi tudu— itïtïdai.

Lukas 7:16

Daidi tïïgakai go odami ix go Suxi duakaturhi go mukiadï duduadimu dai aagaimi xïïxi ïr gïdukami Diuxi. Go odami ikaititadai aidï sai, —Kaxi ti gïr saagida ayi ïmo ñokituldiadamigadï Diuxi kïïga gubuakami. Dai xibi kaxi gïr urhiñdi Diuxi soiñi soi gïlda gïr nïiditai maamaradïkatai aatïmï— ikaititadai go odami.

VUAANA 6:14

Daidi go odami ikaiti nïiditai go maaxidaragai ix makïdï iduitadai Suxi, —Idi gia ïr go aagadami Diuxi ñokidï ïrhi aanï ix makïdï dibiagaitadai, ix makïdï Diuxi ojadï aagai tudu— ikaiti odami.

VUAANA 7:32

Daidi ïïmoko go bhaitï gukakami judidiu ïr go fariseokatadai dai ïïmoko ïr bhaitï gukakami dadaxdadami dai ïgakoi ïgai kaïkai aatagidï gobai dai otoi sandaru sai mïï bhïna go Suxi.

VUAANA 7:47

Daidi go fariseos itïtïdai, —¿Aapimï ix kaxi gïn buirumadagi go Suxi ïpï?— itïtïdai.

VUAANA 7:52

Daidi go gaa fariseos itïtïdai aidï, —¿Aapi pïx tudu ïr Galileïrï oidakami ïpï ïpïan dukai go Suxi? Daiñi, gï aagai ix kïïga gï tïgito nïñiada aapi Diuxi ñokidï, ami ojixi sai tomarhi ïmadutai go aagadami Diuxi ñokidï ïr Galileïrï oidakami kaxkïdï go Suxi dukatai ïr aagadamikana Diuxi ñokidï. Ïgai ïr Galileïrï oidakami di— itïtïdai go gaa fariseos.

VUAANA 9:16

Dai ïmo ibhïxtaragai tasïrï duaditadai Suxi go kïïrhi ix kaxkïdï ïïmoko go fariseos ikaititadai sai go Suxi mai xadutudai go ibhïxtaragai tasai daidi ikaiti, —Mai xadutudai gobai go ibhïxtaragai tasai di. Xadïrï ïr Diuxi otosadïkana gobai— ikaiti ïïmoko. Dïï gia jaa ikaitiña, —Ïmo soimaaxi buadami xadïrï pomaaxi iduna maaxidaragai ix makïdï ibuayi Suxi ix makïdï abogiama Diuxi ixtutuidikïi ix ibuadagi— ikaitiña. Daidi gïn bupui ñokadan kaitiña go fariseos. Ïïmoko ïmo dukai aagaiña dai jaa ïma dukai.

Hechos 11:24

Kïï tuigakami aidï go Bernabe dai kïïga buaboitudai Diuxi dai kïïga ïïgidiña Diuxi Ibhïadï. Dai mui odami buaboitu Diuxi ñokidï ami Antiokiïrï.

Romanos 5:7

Bhaitoma mai tipu xorai bhai aagagi xi mukiagi ïmai bïïtarï tomaxi kïï tuigakagi ïgai ¿aba? Ïbogiamaaxi oidaka antaada ïmoko ix makïdï bhai aagagi ix mukiagi ïmo kïï tuigakami bïïtarï, ix kabami kïï tuigakagi ïgai tudu.

Filipenses 2:14

Gin aaduñi Diuxi amadïrï, maiti abïr soi kaitiada aapimï dai tomarhi maiti abïr naana kaitiada aipakoga tomax tuma aaduindagai ibuadagi aapimï.