VUAANA 6:9 - Northern Tepehuan Bible

⁹ —Tami kïïka ïmo arhi gïrhi dai bia taama pan dai goka batopa. Dïï mos xadïrï ïr soiñikana gobai mos ïïki odami bïïtarï— itïtïdai.

VUAANA 6:9 ပူးပေါင်းရင်းမြစ်များ

Mataibo 14:17

Dai go mamaatïrdamigadï potïtïdai, —Mosïkaxi bia aatïmï taama pan dai goka batopa— itïtïdai.

Mataibo 16:9

—Daiñi, tomaxi nïidi aapimï aidïxi bhibhidi aanï taama mirhi odami mos arhi taama panakïdï, modukai mai maatï nïidi aapimï ixtuma dui aanï dai otoma mai tïgito. ¿Bïïki asarai sudakami ïmapagi aapimï saasakigadï go pan ix makïdï bhaibitu aidï?— itïtïdai.

Markos 6:38

Taidi go Suxi potïtïdai, —Mïïka abïr nïida mïx xïïki pan bia— itïtïdai. Dai mïï nïidi ïgai dai bhodïrï potïtïdai, —Taama aatïmï bia pan dai goka batopa— itïtïdai aidï go mamaatïrdami.

Lukas 9:13

Daidi Suxi potïtïdai, —Bhibhidabïrai aapimï— itïtïdai. Dai go mamaatïrdamigadï itïtïdai, —Mosïkaxi bia aatïmï taama pan dai goka batopa dai xadïrï aïna mosïïki odami bïïtarï. ¿Agai pïxi ïpï xi mïï sabïda aatïmï kuadagai ixtukïdï bhibhidagi bïïxi idi odami?— itïtïdai.

VUAANA 11:21

Dai go Maruta itïtïdai go Suxi mïï buidïrï aïkai, —Aapi Gïr Nukadakami, ix tanai dakamudai aapi baasïkioma aidï gia mai mukimudai gin xiixi.

VUAANA 11:32

Daidi ka aïkai go Maria xako dajatadai go Suxi gï totonakïdï kïkiba buidïrï daidi itïtïdai, —Gïr Nukadakami, ix tami dakamudai aapi baasïki aidï gia mai mukimudai gin xiixi— itïtïdai.

VUAANA 21:10

Daidi go Suxi potïtïdai, —Bhaigobai abïr buapa chïki go batopa ix makïdï bubaitu aapimï— itïtïdai.

VUAANA 21:13

Daidi go Suxi baan kïkiba ami taikobai dai bui go pan ïmadï batopa gaikami dai takogi go mamaatïrdamigadï sai ugana.

VUAANA 21:9

Dai mos tïapanakai ïgai barkoañdïrï sai tïï ïgai tutuparhi mïïkami dai ami daama kaatïkatadai ïmo batopa dai bïïtïkatadai chïki pan ïpï.

VUAANA 6:11

Daidi Suxi bui go pan dai itïtïdai sai bhai gï ïrhidi Diuxi ïmadï dai bhodïrï maa ïgai mamaatïrdamigadï bai ïgai takobi go odami. Daidi gokiïrï Suxi bui go batopa dai podui ïgaikïdï ïpï. Dai bïïxi go odami kïïgadu dai kïïga tataxkobai.

VUAANA 6:7

Daidi go Pirhi itïtïdai aidï, —Go ciento plata tuminxi aïkami pan xadïrï ayimudai ix bïïxkatai ïgai ugiagi tomaxi lïïlïchi— itïtïdai.

2 Korintios 8:9

Kïï maatï aapimï sai gïr Suxi Kristo Tïanïdamiga kïïga gïn oigïdai dai kïïga gïn tïtïïgidi ïgai ix xïï kïï tuiga ïgai gïn bïïtarï gïn oigïdatai. Kïïga biakatadai ïgai naana maaxi ixtumaxi kïïga namïakami mai kia dibiakai tami oidigi daama tudu. Dïï gia dagito ïgai bïïxi gobai dai ïmo soitigami bii. Po dui ïgai saidi biakana aapimï naana maaxi ixtumaxi kïïga namïakami gïn iibhïdaga bïïtarï tudu.

Apokalipsis 6:6

Dai kaï aanï ïmo ñokadami xi go maakoba duduakakami ixtumaxi saagidañdïrï ño daidi ikaiti, —Mosïkaxi ïmo litro tïrhigi xiïpï baika litro sebada gï maitïkïda agai ïmo tasai aaduindagaikïdï kabami tïsaidakai namïgadï. Dïï gia go asaiti ïmadï go bino maiti gï agai xi tïsaidagi namïgadï— ikaiti go ñokadami.