VUAANA 6:54 - Northern Tepehuan Bible

⁵⁴ —Dïï gia go kugatïrï tasïrï duduakatuldamu aanï odami ix makïdï ugiagi gin tukuga dai iiyagi gin ïra dai ïgai kïïgakïrï óídakamu bïïxkïrï bïïtarï.

VUAANA 6:54 ပူးပေါင်းရင်းမြစ်များ

VUAANA 4:14

Dïï mos go sudagi ix makïdï gaoidi aanï gokïdï gia ka mai tonokoñikana odami bïïxkïrï bïïtarï. Go sudagi ix makïdï gaoidi aanï ïr ïpïan dukami ïmo babiki ix makïdï odami ïrana mïraiña dai ïgaikïdï kïïgakïrï óídakana odami bïïxkïrï bïïtarï— itïtïdai Suxi.

VUAANA 6:27

—Kïïga abïr gïn tïgito dai abïr mai gaagada mosïkaxi go kuadagai ix makïdï xia gï buayi. Bhaiyoma abïr gaagada go kuadagai ix makïdï bïïxkïrï bïïtarï óídakana odami ugakai. Daiñi, aanï ïr ix makïdï kïïgakïrï odami busai dai ka aagai Diuxi sai gin maa sïïrhikami kïïgakïrï gin nïiditai. Gin maa ïgai sïïrhikami ansai gïn maakana go pan ix makïdï bïïxkïrï bïïtarï óídakana odami ugakai— itïtïdai.

VUAANA 6:47

—Kïïga abïr gïn tïgito kaïka idi ñoki. Daiñi, bïïxkatai ix makïdï gin buaboitudai kïïgakïrï óídaka agai bïïxkïrï bïïtarï

VUAANA 6:55

Gin tukuga ïr go kïïgadukïdï kuadagai gï dukami dai gin ïra ïr go kïïgadukïdï iidagai gï dukami ïpï.

VUAANA 6:63

—Daiñi, Diuxi Ibhïgadï ïr ix makïdï gamaakai gubukarhigai sai kïïgakïrï óídakana odami bïïxkïrï bïïtarï. Ïïgi odami gubukarhigadï maiti ïr soiñi gokïdï. Dïï gia go ñoki ix makïdï gïn aagidi aanï ïr ñokidï Diuxi Ibhïgadï dai mai xu ïr ïmo odami ñokidï gobai. Kaxkïdï gï aagai ix buaboitudagi aapimï gin ñoki bai podukai kïïgakïrï óídakana aapimï bïïxkïrï bïïtarï.

Galatas 2:20

—Aanï in bïïtarï pomaaxi gin oidakaragai xibi— antïtïdai. —Daiñi, ïkioma aanï ïr ïmo soimaaxi kïïrhikatadai. Dïï gia aidïxi muu Suxi Kristo gïr bïïtarï kuruxiana aidï muu go kïïrhi soimaaxkïdï ïgai ïmadï ïpï dai xibi ka utudui bii aanï. Dai kaxkïdï ka mai xu xi go kïïrhi ïkidadï oidaga gin tukugïrï dai bhaiyoma Suxi Kristo ïgai dai gin ïrana oidaga. Xibi oidaga aanï buaboitudaitai Suxi Kristo ix makïdï kïïgakïrï gïr oigïdai. Kïïga gïr oigïdai ïgai tudu dai kaxkïdï gï dagito sai gï muatudana dai kïïgakïrï gïr bubaitu— antïtïdai aanï go Piduru.