VUAANA 6:27 - Northern Tepehuan Bible

²⁷ —Kïïga abïr gïn tïgito dai abïr mai gaagada mosïkaxi go kuadagai ix makïdï xia gï buayi. Bhaiyoma abïr gaagada go kuadagai ix makïdï bïïxkïrï bïïtarï óídakana odami ugakai. Daiñi, aanï ïr ix makïdï kïïgakïrï odami busai dai ka aagai Diuxi sai gin maa sïïrhikami kïïgakïrï gin nïiditai. Gin maa ïgai sïïrhikami ansai gïn maakana go pan ix makïdï bïïxkïrï bïïtarï óídakana odami ugakai— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁷ Maitʌaagai isvuaamʌ ʌnʌliada aapimʌ cuaadagaicʌdʌ otoma uugiatʌi cuaadagai cascʌdʌ. Baiyoma aliʌsi gʌaagai mʌscʌʌga gʌntʌgito caʌcagi istumaasi gʌnaagidi aanʌ dai poduucai cʌʌgacʌrʌ vuvaquiagi dai tomastuigaco oidacagi tʌvaagiʌrʌ. Giññiooqui ʌrʌpan ducami cuaadagai ismaacʌdʌ tomali ʌmo imidagai maiuugiatʌi. Aanʌ ʌgai dai viaa ʌmo sʌʌlicami ismaacʌdʌ giñmaa Diuusi giñooga. Cascʌdʌ aanʌ gʌnmaaquimu ibʌdagai utudui dai ʌgaicʌdʌ tomastuigaco oidacamu aapimʌ tʌvaagiʌrʌ ―tʌtʌdai ʌSuusi.

VUAANA 6:27 ပူးပေါင်းရင်းမြစ်များ

Mataibo 17:5

Dai kia ñokaitadai go Piduru bai ïmo ikomai iña ami xako daraja ïgai. Kabami kudaka maaxi ami go ikomai ïrana dai Diuxi ño abhai ikomai ïrañdïrï daidi itïi ïgai, —Idi Suxi ïr gin Maara dai kïïgakïrï oigïdai aanï. Kïïga bhai gin ïrhidi nïiditai gobai— itïi. —Gïn tïgito abïr kaï ñokidï ïgai tudu— ikaiti Diuxi go ikomai saagidañdïrï.

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Mataibo 6:19

Daidi Suxi potïtïdai go mamaatïrdamigadï ïpï sai, —Maiti gï agai xi gaatabuadagi aapimï kabami gïn bidaka ïrhiditai tami oidigi daama. Maiti gï agai sai bhai tuada aapimï mui naana maaxi ixtumaxi namïakami. Gobai ix makïdï oidaga tami oidigi daama tudu. Bïïxi gobai mos ugiatïi tudu kuayitai tokimara maamaradï dai bhitamaitai gobai dai gaïxiditai ïïxibogami ïpï— itïtïdai.

Mataibo 8:20

Dai Suxi ipïrhiditadai sai go kïïrhi maatïkana sai xijiaka agai ix oijadagi ïgai Suxi daidi potïtïdai ïgai, —Aapi kïïrhi, asta go kakaxokai biakana xako kokosïdagi oidigana dai go ujurugi ïpï bia kokosadï, dïï gia aanï ix makïdï ïr otosadï Diuxi dai ïmo kïïrhi busai, aanï gia mai bia tomarhi xakoga gin ibhïxtagi— itïtïdai.

Markos 1:11

Dai gï kaidatu ïmo ñoki tïbagiañdïrï daidi kaiti, —Aapi ïr gin maara ix makïdï kïïgakïrï oigïdai aanï. Aapi tudu ïr gin bhai ïrhiaraga— ikaiti go ñoki.

Markos 9:7

Dai bhodïrï ïmo ikomai iña oidigi ami xako daraja ïgai dai Diuxi ño abhai ikomai saagidañdïrï daidi ikaiti, —Idi Suxi ïr gin maara dai kïïgakïrï oigïdai aanï. Tïgito abïr kaï ñokidï ïgai— ikaiti Diuxi ikomai saagida dakatai.

Lukas 3:22

dai abhai tïbagiañdïrï tïbai Diuxi Ibhïadï ïmo tudu maaxi dai Suxi daama daiba. Dai Diuxi ñokidi go Suxi tïbagiañdïrï aidï dai potïtïdai, —Aapi Suxi ïr gin Maara dai kïïga gï oigïdai aanï. Aapi tudu ïr gin bhai ïrhiaraga— itïtïdai.

Lukas 9:35

Dai abhai ikomai saagidañdïrï gï kaidatu ïmo ñoki daidi ikaiti, —Go Suxi ïr gin Maara ix makïdï aanï ïkobai busaitu. Kaïkabïrai ñokidï— ikaiti go ñoki ikomaiñdïrï.

VUAANA 10:28

Dai aanï gamaakai gubukarhigai ïgai sai kïïgakïrï óídakana bïïxkïrï bïïtarï dai tomarhi ïmo imidagai mai koimu ïgai. Dai mai tipu xorai gin popoidagi ix makïdï nukada aanï.

VUAANA 11:42

—Kïïga maatï aanï tudu sai aapi bïïxkïrï gin mamaakai ix tumaxi gï tanïdagi aanï dïï idi ix makïdï tami guka mai maatï ix kaxkïdï gï aagidi aanï tanai buitapi ïgai sai ïgai buaboitudana ix aapi ïgai dai gin otoi— itïtïdai.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

VUAANA 3:15

Dai podukai ix dukai kïïgakïrï bubuakai odami nïiditai go baiñom kooyi podukai ïpï odami ix makïdï gin buaboitudagi kïïgakïrï oidaka agai bïïxkïrï bïïtarï— itïtïdai Suxi.

VUAANA 3:33

Dïï gia oidaga ïïmoko dai kïïga buaboitudai dai ïgai mos buaboidaitai gamamaaxidi Diuxi ix mai yaatagïi ïgai.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.

VUAANA 6:47

—Kïïga abïr gïn tïgito kaïka idi ñoki. Daiñi, bïïxkatai ix makïdï gin buaboitudai kïïgakïrï óídaka agai bïïxkïrï bïïtarï

VUAANA 6:51

Aanï tudu ïr ix makïdï tïbagiañdïrï dibia dai ïr pan duakakami gin dukami dai odami ix makïdï ugiagi gobai óídaka agai bïïxkïrï bïïtarï. Gin tukuga tudu ïgai daidi ïr go pan gï dukami dai aanï gatïïgida iñagai gin tukuga ix oidigi daama óídakami ugana dai kïïgakïrï óídakana— itïtïdai Suxi.

VUAANA 6:53

Dai Suxi itïtïdai aidï, —Aanï ïr ix makïdï kïïgakïrï odami busai. Dai aanï aagai sai ix aapimï mai ugiagi gin tukuga dai mai iiyagi gin ïra aidï gia mai kïïgakïrï óídakamu aapimï— itïtïdai.

VUAANA 6:54

—Dïï gia go kugatïrï tasïrï duduakatuldamu aanï odami ix makïdï ugiagi gin tukuga dai iiyagi gin ïra dai ïgai kïïgakïrï óídakamu bïïxkïrï bïïtarï.

VUAANA 6:58

Aanï kïïgakïrï ïr go pan ix makïdï tïbagiañdïrï dibia. Dai mai ïpïamaaxi aanï go pan ix makïdï kuadana gïn piipixarakaru ïïki ix makïdï maná tïgidu. Ïgai uu go maná dai bïïxkïrï koi. Dïï gia xorai ugiagi go pan ix makïdï aagai aanï bïïxkïrï bïïtarï óídaka agai— itïtïdai.

VUAANA 6:62

—¿Bamioma mïx buaboitudamudai ix gin tïïgiadamudai xïïxkadï noragiagi aanï tïbagiamu, aanï ix makïdï kïïgakïrï odami busai tudu?— itïtïdai.

VUAANA 6:68

Daidi Piduru itïtïdai, —Gïr Nukadakami, ¿Borai ïmai urabana aatïmï? Aapi ïgai dai bia go ñoki ixtukïdï kïïgakïrï óídakana aatïmï bïïxkïrï bïïtarï di— itïtïdai.

VUAANA 8:18

Dai aanï ïmadï gin Oga bïï gokatai ïmadugan dukai ñokai. Bïï gokatai aatïmï pokaiti saidi ïr buaboi gin ñoki dai kaxkïdï gï maatï saidi ïr buaboi ix tumaxi aagai aanï— itïtïdai Suxi.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Romanos 4:11

Go Abraamkaru buaboitu dai aidïpïrï Diuxi kïïgakïrï tïï mai kia gï circuncidadukatai ïgai. Gokiïrï Diuxi tïjai sai gï circuncidandoagi xi gï maaxitudagi sai Diuxi ka kïïgakïrï tïïtadai mos buaboidakai ïgai. Kaxkïdï go Abraamkaru ogadï dukai bii bïïxi buaboitudadami bïïtarï ix makïdï Diuxi kïïgakïrï nïidi tomaxi maiti ïr circuncidadugami ïgai.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

1 Korintios 6:13

Dai jaa ikaiti ïpï sai bhaiga odami ix ibuadagi ixtumaxi ipïrhiadagi gïr tukugakïdï. Ikaitiña ïgai sai mai tïbïpi kabaka agai gïr tukuga ix kaxkïdï Diuxi mai buamï ïrhidi gïr tukugakïdï. Ïgai ikaitiña sai, —Ixtumaxi ugiagi ïmoko mos gïr bokïrï bapakïi. Pomaaxi bïïtarï gïr boka— ikaitiña. —Dai tomax dukai gokiïrï Diuxi xia duada agai go kuadagai ïmadï modukai gïr boka ix ka mai tipukamu gobai. Kaxkïdï mai xudu tomax tuma ugia ïrhiada aatïmï. Tomax dukai mai tïbïpi kabaka agai tomarhi gïr boka tomarhi go kuadagai di— ikaitiña. —Dai gïr tukuga pomaaxi ïpï— ikaitiña. —Tomax dukai xia gï duadamu gobai kaxkïdï mai buamï ïrhidi Diuxi tomaxi ïmadï boiyagi aatïmï xorai ipïrhiadagi aatïmï. Tomax dukai mai tïbïpi kabaka agai gïr tukuga di— ikaitiña ïïmoko. Dïï mai pomaaxi bïitarï idui Diuxi gïr tukuga sai soimaaxi ibuada aatïmï ïgaikïdï. Gïr idui saidi ibuadana aatïmï ixtumaxi bhai ïrhidi Gïr Nukadakami bhaiyoma. Dai Gïr Nukadakami ipïrhidi sai ibuada aatïmï ixtumaxi ïr soiñi gïr tukuga bïïtarï. Kïïga buamï ïrhidi Diuxi gïr tukugakïdï tudu.

2 Korintios 4:18

Kaxkïdï mai buamï rïrhidi aatïmï ixtumaxikïdï ix makïdï nïidi aatïmï, ix makïdï kïïga maaxi gïr bïïtarï tudu. Ka otoma ugiti agai bïïxi gobai tudu. Bhaiyoma tïtïitoi aatïmï ixtumaxi mai maaxi ix makïdï bïïxkïrï bïïtarï kabaka agai.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

Filipenses 2:13

dai kïïga bhaigakamu aapimï xi pobuadagi. Kaxkïdï tudu Diuxi ïgai dai gïn maakai tïgibudagai saidi ipïldana aapimï xi ibuadagi ixtumaxi ïgai ipïrhidi dai gïn maakai ïgai gubukarhigai saidi ibuada aapimï ïpï.

Kolosenses 1:29

Dai kaxkïdï ïpï tomaxi xijiakan taadakagi bïïxkïrï kabami gin aajagïi aanï dai aatabuayi gin maakaitai Suxi Kristo gubukarhigai.

Kolosenses 2:22

Daiñi bïïxi gobai ix makïdï gïn daidi ïgai mos ugiatïi kaxkïdï maiti gï agai xi buamï gïn ïrhiada ïgaikïdï. Dïï gia go tïtïgiadami ñoki aatagidï kïïga xigian kaiti. Aatagidï ïgai po ïrhiadan kaiti sai kïïgioma xadutuadamu ïmoko Diuxi ïïgiditai bituldaradï dïï maiti ïr buaboi. Ix makïdï gatïtïïgidi ïgai mos ïr ïïgi ïgai tïgibudadï tudu dai maiti ïr Diuxi tïgibudadï. Pokaiti ïgai sai gï agai ïmoko xi ïïgi gï dumaltudagi dai soimaaxi gï taatamiturhiadagi. Dïï gobai mai soikïi toma lïïchi sai ka mai ïïgiada ïmoko go soimaaxi tïgibudagai ix makïdï ïrañdïrï ibhïadïrï imïi odami. Kaxkïdï tudu pomaaxi bituldaragai maiti ïr Diuxi tïgibudadï. Go ïï odami tïgibudadï gobai.

Kolosenses 3:2

Gïn tïgito abïr ajiopada ixtumaxi oidaga tïbagiana tudu dai mai xu ixtumaxi oidaga tami oidigi daama.

2 Timoteo 2:19

Dïï gia tomaxi oidaga odami ix makïdï aatagai ixtumaxi maiti ïr soiñi bïïxkïrï Diuxi ñokidï gia ïr buaboi dai mai ïmapïbuayi. Ïmo simiento dukai kïï kabakami Diuxi ñokidï gïr buaboidaraga bïïtarï. Diuxi ñokidïkïdï tudu kïï kabakami kïïka go buaboidaragai ix makïdï gïr maa Diuxi. Dai ami Diuxi ñokidïrï ikaiti sai, —Diuxi maatï xorai ïr maamaradï— Dai, —Odami ix makïdï pokaitadagi sai buaboitudai Diuxi gï agai ix gajiadïrï biagi go soimaaxkami— ikaiti Diuxi ñokidï.

Hebreos 12:16

Kïïga abïr gïn nukadaka ïpï sai mai okimïrhiakagi aapimï ïmadutai. Kaxkïdï tudu xorai pomaaxkagi mai xadutudai Diuxi pobuadatai. Ka ïpïan buayi ïgai go Esau tudu ix makïdï oidakatadai ïïki. Daiñi, Diuxi maatadai go Esau ïmo kïïgadukami sïïrhikami gaxïgikatai ïgai dïï go Esau mai buamï ïrhidi go sïïrhikamikïdï. Mai namïakami dukai tïï ïgai tudu dai gagara lïïchi bhiayikïdï. Podukai mai xadutugi ïgai Diuxi tudu mos ïï lïïchikïdï gagarakai go sïïrhikami ix makïdï Diuxi maatadai.

Hebreos 4:11

Gï agai xi kïïga gïr tïgito nïidagi aatïmï tudu daidi bhïiyagi go ibhïxtaragai ix makïdï bia Diuxi gïr bïïtarï. Tadu mai ïïgidi aatïmï Diuxi ïpïan dukai go Israelitas ïïki. Xi pobuadagi aatïmï aidï gia xia gïr duadamu aatïmï ïpï ïpïan dukai ïgai.

Santiago 1:11

Kïï tiodikana gobai dïï gia xïxkadï busiagi tasai ka otoma tobhipai go basoi dai laachkïdï go yooxigadï koidamakoga naigiïrïi dai bhodïrï surhigïi gobai dai ïpï laachkïdï ka mai kïï tiodikana. Dai pomaaxi go gïn bipidakami ïpï. Mai tïbïpi kapakarïi tudu dai ugiatïi ïgai mai kia nato idunakai bïïxi ixtumaxi ibuada ïrhidiña.

1 Pedro 1:24

Kaxkïdï Diuxi ñokidïrï ikaiti sai, Odami mai xii tïbïpi kapaka. Ïpïan buayi ïgai basoi. Toma xïï kïï titiodikagi ïgai dïï laachkïdï ka mai kïï titiodikana. Ïpïan buayi ïgai go basoi yooxigadï. Mai xii tïbïpi kabaka go basoi tudu. Otoma gakïrïi gobai dai surhigïi yooxigadï. Pomaaxi odami ïpï, mai xii tïbïpi kapaka ïpï.

2 Pedro 1:17

Nïidi aatïmï gubukadadï aidïxi go tubidaki daama darakatadai aatïmï ix makïdï ïr ïko busaidadï Diuxi go tubidaki tudu. Dai ami darakatadai aatïmï dai nïidi ix Diuxi gïr Oga kïïga ño Suxi bïïtarï dai nïidi aatïmï xïï kabami xigiamaaxi totoarïi Suxi Diuxikatai ïgai. Kaï aatïmï ix Diuxi gïr Oga ño tïbagiañdïrï aidï daidi ikaiti sai, —Go Suxi ïr gin Maara ix makïdï oigïdai aanï. Gobai ïr gin bhai ïrhiaraga— ikaiti Diuxi.