VUAANA 5:40 - Northern Tepehuan Bible

⁴⁰ Dïï tomax dukai maiti ipïrhidi aapimï ix gin buaboitudagi. Ix gin buaboitudamudai aapimï aidï gia kïïgakïrï oidakamudai aapimï bïïxkïrï bïïtarï— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁰ Dʌmos aapimʌ maitiñvaavoitudai poduucai siaadʌrʌ tomastuigaco oidacana Diuusi ʌʌmadu.

VUAANA 5:40 ပူးပေါင်းရင်းမြစ်များ

Mataibo 22:3

Dai go Rey ïkiaxdïrï ka bapaiditadai mui óídakami sai dadana go kunataragiana. Dai gokiïrï aidïxi ka bhai duñixitadai go bagimi sai otoi ïgai pipioñigadï aipako saidi aagidana ïgai go bapaidadї sai dadana go kunataragiana. Dïï maiti ipïrhi ïgai xi dadiagi.

Mataibo 23:37

—Sogigi aapimï Jerusalenïrï óídakami. Gïn otoxdiña aanï mui gin ñiñokituldiadamiga dai mos kodaiña aapimï. Ïïmoko maixaiña aapimï dai kodaiña dai jaa ïma dukai kodaiña aapimï. Gï agai sai maatïkana aapimï sai muiyoko gïn bapaida ïrhidiña aanï saidi gin ïmadï darakagi aapimï gin abhana. Gïn nukada in ïrhidiña aanï ïpïan dukai ïmo takuku ix makïdï nukadakana maamaradï aanadï uta. Dïï gia aapimï maiti ipïrhi.

VUAANA 1:11

Tomaxi ïïgi dïbïragadïrï dibia ïgai bïïxkïrï go bamioma muidukïdï aaduñdï mai miadïgidiña,

VUAANA 10:10

Daiñi, go bhaitï gukakami ïïxibogami mos soi buadana odami. Ïpïan buadana ïgai ïïxibogami ix makïdï gaïïxiada ïrhidi dai kodada ïrhidi kañiñiru. Dïï aanï mai podukai aatabuayi. Aanï gia dibia sai kïïgakïrï óídakana aapimï kïïga biakatai bïïxi ix tumaxi gï agadagi gïn iibhïdaga bïïtarï— itïtïdai.

VUAANA 3:19

—Aanï ïr kudagi gï dukami tïtïgiditai odami ix tumaxi ïr buaboi. Dai ayi aanï tami oidigi daama dïï odami ibuadana soimaaxkami dai xioma ojoidiña ix ïxto biagi gïn soimaaxkamiga tukapiïrï dukai oidakatai. Mai ojoidi ïgai ix gï kudaidagi go soimaaxi ix makïdï ibuadana ïgai sai maaxikana. Bhaiyoma ïxto biaka ïrhidi ïgai gïn soimaaxkamiga. Kaxkïdï Diuxi gïgïbitulda agai ïgai.

VUAANA 5:39

Daiñi, kïïga nïnïidiña aapimï Diuxi ñokidï pobïn ïrhiditai sai ami tïigimu aapimï ix dukatai kïïgakïrï oidakagi bïïxkïrï bïïtarï. Diuxi ñokidïrï kïïga aagai sai aanï ïr Diuxi Maradï. Kaxkïdï gï agaitadai ix kïïga gin buaboitudagi aapimï.

VUAANA 5:41

Daidi Suxi oi aatagidï daidi itïtïdai go judidiu, —Daiñi aanï mai buamï in ïrhidi tomaxi soi dukai gin nïijadagi aapimï.

VUAANA 5:44

Daiñi, gïdioma Diuxi ix toma xorai dïï aapimï bamioma buamï gïn ïrhidi ix odami kïïgakïrï gïn nïijadagi dai mai pokaxi buamï gïn ïrhidi ix Diuxi kïïgakïrï gïn nïijadagi. Kaxkïdï xadïrï gin buaboitudana aapimï.

VUAANA 6:27

—Kïïga abïr gïn tïgito dai abïr mai gaagada mosïkaxi go kuadagai ix makïdï xia gï buayi. Bhaiyoma abïr gaagada go kuadagai ix makïdï bïïxkïrï bïïtarï óídakana odami ugakai. Daiñi, aanï ïr ix makïdï kïïgakïrï odami busai dai ka aagai Diuxi sai gin maa sïïrhikami kïïgakïrï gin nïiditai. Gin maa ïgai sïïrhikami ansai gïn maakana go pan ix makïdï bïïxkïrï bïïtarï óídakana odami ugakai— itïtïdai.

VUAANA 6:37

—Dïï gia oidaga jaa mui odami ix makïdï gin maa Diuxi gin Oga sai gin urabana dai ïgai gia kïïga gin buaboitudamu dai gin urabakamu dai aanï mai gajiadïrï biamu tomarhi ïmadutai ïgai.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

Apokalipsis 22:17

Dai Diuxi Ibhïadï bapaidimi bïïxi óídakami. Dai go buaboitudadami ix makïdï ïr nobiagadï dukai go Arhi Kañiru bapaidimi bïïxi óídakami ïpï. —Gimibïrai dai gïr uraba— ikaitimi ïgai. Dai bïïxkatai xorai kaïkagi go ñoki idi libroañdïrï gï agai xi bapaidagi jaa dai abïnakiadagi sai urabana ïpï. Xorai tonokoñikagi gï agai xi dibiagi tudu dai iiyagi go sudagi ixtukïdï kïïgakïrï óídaga odami. Go sudagi ix makïdï gaoidi Diuxi tudu dai buaboikïdï ïr oidaragai.