VUAANA 5:21 - Northern Tepehuan Bible

²¹ —Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

Tepehuan Northern: Diuusi ñiooquidʌ utuducami oodamicʌdʌ

²¹ Dai asta duduaacaldiadamu aanʌ ʌʌmo oodami coidadʌ saagidiaiñdʌrʌ poduucai isduucai ivueeyi Diuusi giñooga.

VUAANA 5:21 ပူးပေါင်းရင်းမြစ်များ

VUAANA 11:25

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai.

VUAANA 17:2

Aapi gin Oga gin maa sïïrhikami an sai tïanïna bïïxi oidigi daama óídakami. Dai gin maa aapi sïïrhikami ïpï sai gin gubukarhigakïdï kïïgakïrï óídakana bïïxkïrï bïïtarï bïïxi go óídakami ix makïdï gin maa aapi.

VUAANA 6:63

—Daiñi, Diuxi Ibhïgadï ïr ix makïdï gamaakai gubukarhigai sai kïïgakïrï óídakana odami bïïxkïrï bïïtarï. Ïïgi odami gubukarhigadï maiti ïr soiñi gokïdï. Dïï gia go ñoki ix makïdï gïn aagidi aanï ïr ñokidï Diuxi Ibhïgadï dai mai xu ïr ïmo odami ñokidï gobai. Kaxkïdï gï aagai ix buaboitudagi aapimï gin ñoki bai podukai kïïgakïrï óídakana aapimï bïïxkïrï bïïtarï.

Hechos 26:8

Dai bhodïrï Pabora ñokidi go judidiu daidi itïtïdai, —¿Ix tuixidï aapimï judidiu pokaiti sai mai buaboitudai aapimï ix Diuxi duakaldana koidadï?— ikaiti Pabora.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

1 Korintios 15:45

Daiñi, Diuxi ñokidï pokaiti sai, Ibhïiba kïkiba go Adán, dai duakakami bii tukugadï sai oidakaiña ïgai tami oidigi daama. Dïï gia oidaga ïmai ix makïdï mai ïpïamaaxi go Adán. Ïgai ïr Suxi Kristo ix makïdï go kugatïrï Adán aagaiña odami. Ïgai mai mosïkaxi biatu gubukarhigai ix tami oidigi daama oidakagi. Ïgai bhaiyoma gamaakai gubukarhigai sai kïïgakïrï oidakana óídakami bïïxkïrï bïïtarï.