VUAANA 5:19 - Northern Tepehuan Bible19 Dai Suxi potïtïdai go judidiu aidï, —Kïïga abïr gïn tïgito kaïka idi ñoki. Daiñi, kïïga ïr buaboi saidi ïr Diuxi Maradï aanï dai ïïgi gin tïgibudagakïdï maiti ibuayi aanï toma lachi. Mosïkaxi ix tumaxi nïijadagi aanï ix buayi Diuxi gin Oga, pomaaxi ibuayi aanï ïpï. အခန်းကိုကြည့်ပါ။Tepehuan Northern: Diuusi ñiooquidʌ utuducami oodamicʌdʌ19 Amaasi ʌSuusi itʌtʌdai: ―Aanʌ angʌnaagidi sai aanʌ Diuusi maradʌ ismaacʌdʌ tʌvai tʌvaagiaiñdʌrʌ maitistutuidi isʌʌgi ivuaadagi ʌmo istumaasi. Aanʌ ivueeyi mosʌcaasi istumaasi ivueeyi Diuusi giñooga. Poduucai aanʌ ʌʌmadu giñooga mosʌmadugan duucai ivueeyi istumaasi. အခန်းကိုကြည့်ပါ။ |
VUAANA 5:19
43 ပူးပေါင်းရင်းမြစ်များ
Bhodïrï ïïgi gï tïtïdai Diuxi —Xibi gia tïtai gïr ïpïamaaxi iduñi odami sai Bhodïrï tïanïna ïgai oidigi dama bïïxi ixtumaxi oidaga— itïi Diuxi. —Sai tïanïna ïgai go batopa, dai go ujurugi, dai bïïxi go oidigi dama ajiopadami tomaxi oidigïrï ajiopadamikagi xi sosiaxikamikagi ïpï dai modukai go gïïgïrdukami saagida aarhidukami bïïxi— itïi ïgai.
—Daiñi aapi Moises— itïtïdai Gïr Nukadakami. —¿Mai ix kïï bhaiga aanï xi kïï bhai maaxkami dukai gï ñokituldagi?— itïtïdai. —¿Xi mai xu aanï ïgai daidi idui gï tïñi? Aanï ïgai dai ñokitudai odami dai mai ñokitudai ïpï. Dai aanï kakaitudai odami dai sordotudai ïpï. Dai aanï maakai nïadagadï dai mai nïadatudai ïpï. Aanï ïgai dai aagai xïï kïï ñokada agai odami— itïtïdai.
Bhodïrï ïpï lachi bhaitïki jii ïgai dai ami kupurhi boi ïgai dïbïrapi. Kaxi miadaimitadai go kaduku xi taata agai ïgai ïmo gïïdukami soi ïrhiaragai tudu dai kaxkïdï gadaanïi ïgai Diuxi saidi maigobai dasana. Daidi potïtïdai ïgai Diuxi, —Gin Oga, gin oigïdakai gin maaka oigaragai ix mai soimaaxi taatagi aanï idi soi ïrhiaragai ix oidakagi ïma dukai ix dukatai kïïgakïrï bubiadagi óídakami— itïtïdai. —Dïï aanï aagai sai gin duiñtuldana ixdukatai aapi bhai ïrhidi dai mai xu xi ixdukatai aanï bhai ïrhidi toma xïï soimaaxi taadakagi aanï— itïtïdai.
Dai mai xu ipïldakai odami gin muamu ïgai dai bhaiyoma ïïgi gin dagitomu aanï. Ïïgi aanï bhai aagai ix podukai gin duñagi kaxkïdï gin dagitomu aanï. ¡Ix aanï maiti gin dagitoagi xadïrï gin muana odami di! Ka podukai gin tïjai Gin Oga tudu kaxkïdï bia aanï sïïrhikami ix gin dagitoagi. Dai bia aanï gubukarhigai ïpï ix gin duakatudagi ïpamu gokiïrï— itïtïdai Suxi.
Daiñi, aanï dibia tami oidigi daama iduña iñagaitai ixtumaxi Diuxi ipïrhidi dai mai xu xi ïïgi ixtumaxi aanï ipïrhidi. Diuxi otosadï aanï tudu kaxkïdï iduña iñagai ixtumaxi ïgai ipïrhidi dai Diuxi gin Oga ipïrhidi ansai mai dagitoagi ix kuga imiagi tomarhi ïmadutai go buaboitudadami ix makïdï gin maa ïgai. Go maa bïïtarï gin otoi ïgai tudu an sai kïïga nukadakana go ix makïdï gin buaboitudai asta aïkai go kugatïrï tasïrï ukami. Dai ka aïkai go kugatïrï tasïrï aanï duduakarhida iñagai bïïxkatai ix makïdï gin nukaturhi Diuxi.
Kaxkïdï Suxi potïtïdai, —Daiñi, aanï ïr ix makïdï kïïgakïrï odami busai dai xïxkadï ïmo kuruxiana gin xixagi aapimï dai táí gin bañidagi aidï gia maatïmu aapimï sai aanï ïr Ga Tïanïdami. Maatïmu aapimï aidï sai aanï mai ïïgi ibuayi ixtumaxi gin tïtïitoi dai bhaiyoma ibuayi mosïkaxi ix tumaxi gin Oga gin aagidi— itïtïdai.
—Xibi gï agai ix kabami gin aaga aataduñagi aanï dai ibuadagi go naana maaxi maaxidaragai ix makïdï gin tïjai Diuxi bhaigobai gin otosakai. Kaxkïdï tudu ix dukai daibuskïi tasai dai odami ka mai bhaigakana ix gaatabuadagi ka aïkai tukagi, podukai ïpï ugitimu gïr oidakaraga tami oidigi daama dai aidï ka mai bhaigakamu aatïmï ix ibuadagi ix tumaxi Diuxi ipïrhidi— itïtïdai.
Ïgai tudu bia gubukarhigai xi tïanïdagi bïïxi ixtumaxi dai bïïxi ixtumaxi bia xi ïïgiadagi. Dai go galbaaxi gubukarhigakïdï ïma maaxtuda agai Suxi gïr tukuga aidï dibiakai ïgai. Xibi mai xii gubuka gïr tukuga dai otoma ugiatïi. Dïï aidï gia gïr maakimu ïgai gïr tukuga utudui ix makïdï ïpïan maaxkamu ix makïdï bia ïgai. Dai ïgai tukugadï gia kïï gubuka dai kïï tiodi dai mai ugiti agai. Pomaaxika agai gïr tukuga utudui tudu.
Suxi tudu bïïxi idui ixtúmaxi. Bïïxi idui ïgai ixtumaxi oidaga tïbagiana dai tami oidigi daama ïpï. Idui ïgai ixtúmaxi maaxkana odami bïïtarï dai ïpï ixtumaxi mai maaxi. Idui ïgai asta go tïtïanïdami dai go dudunukami dai go gupudagai bipiakami bïïxi. Suxi Kristokïdï idui Diuxi bïïxi aïkatai tudu dai Suxi Kristo bïïtarï idui gobai.
Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.
Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.
ကြော်ငြာတွေ