VUAANA 5:18 - Northern Tepehuan Bible

¹⁸ Dïï go judidiu bamioma gaagaitadai ixdukatai muagi go Suxi kaïkai ñokidï. Bhakoi ïgai Suxi bui gaatabuadatai ïgai ibhïxtaragai tasïrï dai potïkai ïpï saidi ïr Diuxi maradï. Ïpïan ïxi gï namïaturhi Diuxi potïkai saidi ïr Diuxi maradï dai go judidiu bïïtarï gobai ïr ïmo gïdukami parunaragai Diuxi bui. Kaxkïdï mua ïrhiditadai ïgai.

Tepehuan Northern: Diuusi ñiooquidʌ utuducami oodamicʌdʌ

¹⁸ Mosaagidi ʌSuusi gomaasi vaidʌ ʌjudidíu vaamioma cʌʌga ipʌliditadai ismuaagi. ɅSuusi maiʌʌgidi ʌjudidíu sʌʌlicamigadʌ aata vuaadatai ibʌstaragai tasʌrʌ dai aagidacai ʌSuusi sai Diuusi ʌroogadʌ. Aagaitai ʌSuusi gomaasi potʌiya ʌlidi sai ʌpan tuiga Diuusi.

VUAANA 5:18 ပူးပေါင်းရင်းမြစ်များ

Mataibo 12:5

—¿Dai maiti mïx nïidi ïpï go Moises sïïrhikamigadïrï xako ikaiti sai, go dadaxdadami ibuayi aaduindagai go kiupiana go ibhïxtaragai tasïrï? Dai maiti ïr soimaaxi ibuadami ïgai pobuadatai.

VUAANA 1:19

Ïmo imidagai go fariseos Jerusalenïrï óídakami gatïkaka ïrhiditadai go Juan as tuma sïïrhikami biakami ïgai. Ga tïkaka ïrhiditadai dai otoi dadaxdadami ïmadï ïpï jaa kiupiïrï aatabuadami sai mïï gatïkakana. Dai go ix makïdï iji dai gatïkaka agai bïïxkatai ïr go Lebikaru pipiixaradïkatadai. Daidi itïtïdai ïgai go Juan, —¿Borai aapi dai ix tuma sïïrhikami biakami aapi?— itïtïdai.

VUAANA 10:30

Dai mos ïr ïmo odami aanï ïmadï gin oga— itïtïdai.

VUAANA 10:33

Daidi go judidiu itïtïdai, —Cho aapi Suxi, mai xu go maaxidaragaikïdï ix makïdï ibuayi aapi gï maikarsa ïragai aatïmï. Ïmo buirudagai ñoki aagai aapi aagaitai Diuxi kaxkïdï gï maikarsa ïragai. Aapi mos ïr odami ïpïan dukami toma xorai dai pokaiti aapi saidi ïr Diuxi aapi kaxkïdï gï maikarsa ïragai aatïmï— itïtïdai.

VUAANA 14:23

Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

VUAANA 14:9

Daidi Suxi potïtïdai, —Aapi Pirhi, ¿Tui pïxi pokaiti sai gïn tïïgidana aanï gin Oga? ¿Mai ix ka tïbïpi gïn ïmadï dakana aanï? ¡Dai modukai mai kïïga gin máí aapi! Daiñi, xorai gin nïidi kaxi ïr nïijadami gin Oga ïpï mos gin nïiditai— itïtïdai.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

VUAANA 5:15

Dai jii go kïïrhi abhiadïrï dai mïï aagidi go judidiu sai Suxi ïgai ix makïdï duaditadai.

VUAANA 5:16

Baidi gokïdï go judidiu gaagaitadai ixdukatai soi buadagi go Suxi. Mai bhai ïrhidi ïgai ix Suxi duduaditadai odami ibhïxtaragai tasïrï.

VUAANA 5:17

Daidi Suxi aagidi go judidiu ix tuixi aatabuayi ïgai ibhïxtaragai tasïrï daidi potïtïdai, —Daiñi, Diuxi gin Oga mai dagitokai gaatabuayi tomaxtuigako, tomaxi ïr ibhïxtaragai tasïrïkagi dai aanï mos ibuayi ix dukai ïgai ibuayi— itïtïdai.

VUAANA 5:23

Kaxkïdï ix xïïxi odami xadutudai Diuxi gin Oga, go kaxi gï agai ix gin xadutuadagi ïpï. Aanï ïr Diuxi Maradï tudu dai ïr Diuxi otosadï, kaxkïdï ix ïmo odami maiti gin xadutuadagi aidï gia ka mai xadutudai ïgai Diuxi gin Oga ïpï— itïtïdai.

VUAANA 7:1

Dai gokiïrï aipako aimïraitadai Suxi xako Galileïrï tïgidu oidigi dai ka maiti ipïrhi ix imiagi Judeamu. Go judidiu bhaitï gukakami mïï Judeana óídakami mua ïrhiditadai kaxkïdï mai imia ïrhiditadai Suxi gamoko.

VUAANA 7:19

Aapimï pobïnïrhidi sai aanï mai ïïgidi go sïïrhikami ix makïdï gïn biturhi go Moiseskaru dïï bhaiyoma ïïgi aapimï tomarhi ïmadutai mai kïïga ïïgidi gobai. ¿Ix tuixidï gin mua ïrhidi aapimï?— itïtïdai Suxi.

VUAANA 8:54

Dai Suxi potïtïdai aidï, —Daiñi, ix ïïgi aanï potïiyagi saidi ïr ïmo gïï namïakami aanï, ¿Tumaxi ïr soiñikana gobai? Dïï gia Diuxi gin Oga ïgai ix makïdï ïmo namïakami gin aagai. Daiñi, pokaiti aapimï sai buaboitudai aapimï Diuxi

VUAANA 8:58

Dai Suxi itïtïdai, —Aanï aagai sai aidïxi mai kia busaitadai go Abraamkaru aanï kaxi oidakatadai— itïtïdai.

Filipenses 2:6

Daiñi, tomaxi ïr Diuxi ïgai bïïxkïrï gï dagito ïgai xi maigobai gï dasagi bïïxi ix tuma biakatadai ïgai Diuxikatai dai ïmo gapioñi dukai dibia. Podui ïgai ïmo kïïrhi busaikai.

Apokalipsis 22:1

Dai bhodïrï go tïañikarudï Diuxi gin tïïgi go aki ami go gïï kiikiïrï xako mïrai go sudagi ixtukïdï kïïgakïrï óídaga odami. Kïï buañixi go sudagi. Ïpïamaaxi bidrio kïï buañixikatai. Go gïï daikaruañdïrï mïrai gobai xako daja Diuxi ïmadï go Arhi Kañiru tïgidukïdï.

Apokalipsis 22:3

Ami go gïï kiikiïrï mai tipukamu tomarhi ïmo ixtumaxi ix makïdï bia gïgïbidaragai abhana. Dai ami kïakamu go gïï daikarui xako darakatai gatïanïi Diuxi ïmadï go Arhi Kañiru tïgidukïdï. Dai ami go buaboitudadami xadutuadamu Diuxi