VUAANA 4:1 - Northern Tepehuan Bible

^1-2 Daidi aidïpïrï mui odami urabaimitadai go Suxi dai Suxi mamaatïrdamigadï gabapakonaiña ix makïdï urabaiña. Dïï Suxi mai bapakonaitadai tomarhi ïmadutai. Daidi go fariseos ix makïdï bia ïkobai gïn buaboidaraga ïgakoi daidi ikaiti, —Daiñi xïï mui odami urabaimi go Suxi. Tomarhi go Juan mai po kaxi bapakonai odami ix xïïxi gabapakonai go Suxi— ikaitiña ïgakoitai. Dïï maiti ïr buaboi sai go Suxi gabapakonaitadai odami. Bhaiyoma mosïkaxi mamaatïrdamigadï ïgai dai gabapakonaiña.

Tepehuan Northern: Diuusi ñiooquidʌ utuducami oodamicʌdʌ

¹ Ʌfariseo cajioma sai Suusi vaamioma mui vapaconaitadai oodami siʌVuaana dai vaamioma mui oodami oidatucui ʌSuusi siʌVuaana.

VUAANA 4:1 ပူးပေါင်းရင်းမြစ်များ

Lukas 1:76

Dai bhodïrï go Zakarias aagai ïmo ñoki maradï bïïtarï daidi potïtïdai, —Aapi gin maara, Diuxi ïgai daidi ïr Gïr Nukadakami bïïxi adaama gatïanïitai ïgai. Dai aapi bhaitï imimu Gïr Nukadakami dai bhai duñimu bogïdï xïïxkadï dibiagi ïgai. Kaxkïdï ïmo ñokituldiadamigadï Diuxi gï aagadamu odami.

Lukas 19:31

—Dai xi ïmadutai gïn tïkakagi ix tuixi upasai aapimï gobai bïrai potïda sai gïn Tïanïdamiga tïgito— itïtïdai Suxi otosakai ï goka mamaatïrdamigadï.

Lukas 19:34

Dai go mamaatïrdami potïtïdai, —Gïr Nukadakami tïgito gobai— itïtïdai.

Lukas 2:11

—Ïkiapo mo busai gïn Kïïgakïrï Bubiadamiga ami go arhi kiikiïrï xakoga oidatu go Dabidkaru ïïki. Ïgai ïr Gabhaitïkïakami dai ïr go Kristo.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Lukas 7:19

Dai kaïkai go Juan ixtumaxi ibuadana go Suxi sai báí ïgai goka mamaatïrdamigadï dai aagidi sai mïï tïkakana go Suxi sa bhai ïgai ïr otosadï Diuxi ix makïdï nïnïrakana ïgai xiïpï xi gï agaitadai xi nïnïrakagi sai dibiana ïmai kia.

VUAANA 3:22

Gokiïrï jii Suxi Judeamu dai oi mamaatïrdamigadï ïpï dai ami gabapakonaitadai ïgai odami.

VUAANA 3:26

Dai mamaatïrdamigadï Juan iji dai mïï aagidi daidi itïtïdai, —Aapi Juan, go kïïrhi Suxi ix makïdï agaitadai aapi baasïki mïï go gïï aki Jordan basadïrï, gobai gabapakonai odami dai bhaiton bïïxi óídakami uurapïkïi xibi— itïtïdai.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

1 Korintios 1:17

Suxi Kristo gin otoi ansai aagidiña odami go bhai ïrhiaragai aatagi tudu dai mai xu sai bapakonana aanï óídakami. Dai mai aagaiña aanï ñoki ix makïdï saitudakami dukai kaïkagi odami ïpï dai bhaiyoma aagaiña mosïkaxi ixtumaxi idui Suxi Kristo kuruxiana. Kaxkïdï tudu ipïrhidi aanï xi kïïga gïn tïgito nïijadagi odami xïï kïïgadu ixtumaxi idui Suxi Kristo kuruxiana dai mai xu ix mosïkaxi gïn tïgito nïijadagi ix bhai kïïga ñokai aanï. Kaxkïdï mai aagaiña aanï ñoki ix makïdï odami saitudakami ñoki dukai kaïkagi.

1 Korintios 15:47

Dïbïraiñdïrï idui Diuxi go Adán tukugadï dai bïïxkatai aatïmï bia gïr tukuga ix maaxi biakatadai go Adán. Dïï gia Suxi Kristo ayi gokiïrï xi go Adán tïbagiañdïrï dibiakai ïgai dai gïïpi ïma maaxi aaduindagai idui. Xibi bïïxkatai aatïmï ix makïdï buaboitudai biakamu gïr tukuga ix maaxi bia ïgai.

1 Korintios 2:8

Dai go gupudagai bipiakami tami idi oidigi daama bïïxi mai maatïkatadai ix tumaxi gï tïgitokatadai Diuxi ïpï. Ix maatïkamudai ïgai aidï gia maatïkamudai ïpï sai Gïr Nukadakami bïïxi adaama ïr namïakïdï dai ka mai tañimudai ïgai kuruxiana xixaragai.

2 Korintios 4:5

Daiñi, aatïmï mai gïgïr tïtïanïdami dukai gïr aagaiña xïïxkadï gatïtïïgiadagi aatïmï ñoki. Gïn pipioñi dukai aatabuadana aatïmï bhaiyoma ibuadatai aaduindagai ix makïdï ïr soiñi aapimï gïn bïïtarï. Pobuayi aatïmï kïïga xadutuada rïrhiditai Suxi. Podukai mamaaxitudai aatïmï óídakami buitapi sai Suxi Kristo bïïxi adaama ïr Tïanïdami tudu.

Santiago 2:1

Gin aaduñi Diuxi amadïrï, aapimï kïïga buaboitudai Suxi Kristo Gïr Nukadakami ix makïdï ïr Gïr Nukadakami tudu. Buaboitudai aapimï ïgai ix makïdï adaama kïï tiodi dai gubuka dai kïï tuiga tudu. Kaxkïdï maiti gï agai aapimï xi ïïmoko kïïga nïijadagi dai jaa soi dukai nïijadagi.

Apokalipsis 19:16

Dai ïgai ix makïdï Diuxi Ñokidï tïgidu bia ïpï ïmai tïtiaradï ix makïdï ojixi yukuxi kajidïrï. —Reygadï bïïxi rey dai Tïanïdamigadï bïïxi tïtïanïdami— podukai ojixi tïtiaradï tudu.