VUAANA 3:34 - Northern Tepehuan Bible

³⁴ Diuxi aagidi Maradï ix tuma ñoki aituldana ïgai óídakami dai mïkadïrï otoi maakakai bïïxi Diuxi Ibhïgadï gubukarhigadï. Dai Diuxi Maradï mai aagaiña ïma maaxi, mosïkaxi gobai ix makïdï Diuxi aagidi. Kaxkïdï gï maatï saidi ïr buaboi ñokidï aagaitai ïgai go baaxi ñoki ix makïdï Diuxi aagidi.

Tepehuan Northern: Diuusi ñiooquidʌ utuducami oodamicʌdʌ

³⁴ Suusi Cristo ʌrʌgai ismaacʌdʌ Diuusi ootoi sai gaaagidana Diuusi ñiooquidʌ. Sʌʌlicʌdʌ Diuusi Ibʌadʌ ʌʌmadu daja ʌgai cascʌdʌ sʌʌlicʌdʌ viaa guvucadagai dai maitistutuidi ismaatiagi siʌʌsi guvucadagai viaa ʌgai.

VUAANA 3:34 ပူးပေါင်းရင်းမြစ်များ

Mataibo 12:18

Idi ïr go kïïrhi ix makïdï ïko busaitu aanï saidi ïr gin Pioñigakana. Kïïga oigïdai aanï gobai. Gin bhai ïrhiaraga gobai tudu. Maakimu aanï gin Ibhïdaga saidi ïmadï dakana. Dai aagidamu gobai go óídakami sai oidaga kïïgakïrï bubaidaragai asta go ix makïdï maiti ïr judidiu bïïtarï.

Lukas 4:18

Diuxi Ibhïadï gin ïmadï daja. Ïgai tudu gin maa sïïrhikami ansai aituldana go bhai ïrhiaragai aatagi go odami ix makïdï bamioma ïr soititigami. Gin otoi ïgai tudu ansai aagidana aanï ix makïdï maamaixapikan duu sai oidaga kïïgakïrï bubaidaragai ïgai bïïtarï. Dai gin otoi ïpï ansai nïadatudana odami ix makïdï mai nïadagan duu. Dai sai kïïgakïrï bubaidana aanï ix makïdï soi dukai óídaga soi buididitai jaa.

VUAANA 1:16

Dai go Diuxi Ñokidï tïgidukïdï kïïga bia bïïxi aïkatai ixtumaxi gïr biïgakana. Sïïrhikïdï kïï tuiga ïgai gïr bïïtarï dai dudatai gïr urhiñdi naana maaxi soiñi.

VUAANA 15:26

Daiñi— itïtïdai Suxi. —Gokiïrioma dibiagai ïgai ix makïdï Ga Soikïdami tïgidu. Aanï otosamu ïgai mïkadïrï xako daja Diuxi gïr Oga. Ïgai ïr Diuxi Ibhïgadïkamu dai ïgai gamamaatïtulda agai ixtumaxi ïr buaboi. Ïgai maakimu ñoki go óídakami gin aagaitai aanï.

VUAANA 16:7

Dïï mai tipu soi ïrhiaragai dai bhaiyoma aanï aagai sai xioma ïr kïïga aapimï gïn bïïtarï ix imïdagi aanï. Gï agai tudu ix imïdagi aanï sai bhodïrï mïkadïrï otosda aanï Diuxi Ibhïadï ix makïdï Soikïdami tïgidu sai gïn ïmadï dakana. Gï agai tudu ix imïdagi aanï. Ïma dukai mai dibiamu Diuxi Ibhïadï gïn abhana— itïtïdai.

VUAANA 3:17

Diuxi gin otoi oidigi daama mai xu sai aagana aanï ix tuma gïgïbituldaragai ajïga óídakami. Gin otoi ïgai bhaiyoma an sai kïïgakïrï bubaidana óídakami— itïtïdai Suxi.

VUAANA 5:26

Daiñi, Diuxi gin Oga bia gubukarhigai ix duakaltudagi odami dai gin maa ïgai gubukarhigai ix aanï duakatuldana odami ïpï Maradïkatai aanï.

VUAANA 7:16

Dai Suxi itïtïdai aidï, —Diuxi otosadï aanï dai ïgai gin aagidimi ixtuma ñokiada aanï. Mai xu ïïgi gin tïgibudagakïdï ñokai aanï tudu— itïtïdai.

VUAANA 8:40

—Dai aanï mos gïn aagidi ixtumaxi ïr buaboi dai ix makïdï gin aagidi Diuxi gin Oga dai bïïxkïrï gin mua ïrhidi aapimï. Go Abraamkaru xadïrï gin mua agaiña di— itïtïdai.

VUAANA 8:47

Ix Diuxi maamaradïkamudai aapimï aidï gia kïïga bhai ïrhiarakïdï kaïkamudai gin ñoki. Dïï aapimï mai kaïka ïrhidi, kaxkïdï kïïga maatiga maaxi sai maiti ïr Diuxi maamaradï aapimï— itïtïdai.

Hechos 1:2

asta xuduku gï baidakatu ïgai tïbagiamu. Go Suxi maa ñoki ojotosadï mai kia imïkai tïbagiamu. Diuxi Ibhïadï gubukadadïkïdï maa ïgai ñoki dai aagidi ixdukatai duñagi. Go ojotosadï Suxi ïgai ix makïdï ïko bubaitu ïgai baasïkioñdïrï.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

Efesios 3:8

Daiñi, tomaxi aanï ïr ïmo buaboitudadami bamioma mai namïakïdï, bïïxkïrï Diuxi gin maakai idi gïdukami bhai ïrhiaragai. Gin maa ïgai xi aagidagi aanï go ix makïdï maiti ïr judidiu xïï kïï tuiga Suxi Kristo gïr bïïtarï bïïnakai aatïmï ïgai. Odami tïgibudadï mai ajïi ix maatiagi xïïxi ïr namïakami Suxi Kristo gïr bïïtarï tudu.

Kolosenses 1:19

Daiñi, Suxi Kristo ïr Diuxi Maradï. Dai Diuxi bhai ïrhi sai Suxi Kristo maaxitudana go óídakami buitapi xorai Diuxi dai kaxkïdï otoi ïgai tami oidigi daama. Suxi Kristo kïïgakïrï ïr Diuxi tudu dai kaxkïdï kïïga maaxiturhi ïgai ix tuiga Diuxi.

Apokalipsis 21:6

Daidi bhodïrï gin aagidi Diuxi ixtumaxi ojana aanï daidi pobai in tïtïdai, —Ka naatorhi bii bïïxi ixtumaxi iduña iñagaitadai— in tïtïdai. —Daiñi— in tïtïdai, —aanï ïgai dai gatïanïiña bïïxi aïkatai tukamidïrï abhiadïrï dai apia gatïanïi aanï xibi kia ka ugitïkai oidigi. Aanï ka ïkioñdïrï oidakatadai mai kia kïkibakai oidigi tudu dai mai ugidamu aanï tomarhi ïmo imidagai. Dai aanï ïgai dai gaoidi sudagi xorai tonokoñikagi. Mai taanïitai gaoidi aanï sudagi tudu abhiadïrï xakoga busanïi sudagi ixtukïdï kïïgakïrï óídakana odami bïïxkïrï bïïtarï—.

Apokalipsis 22:1

Dai bhodïrï go tïañikarudï Diuxi gin tïïgi go aki ami go gïï kiikiïrï xako mïrai go sudagi ixtukïdï kïïgakïrï óídaga odami. Kïï buañixi go sudagi. Ïpïamaaxi bidrio kïï buañixikatai. Go gïï daikaruañdïrï mïrai gobai xako daja Diuxi ïmadï go Arhi Kañiru tïgidukïdï.