VUAANA 3:31 - Northern Tepehuan Bible

³¹ Dai Juan oi aatagidï daidi ikaiti, —Diuxi Maradï tïbagiañdïrï dibia kaxkïdï bamioma namïga ix toma xorai. Aatïmï mos ïr tami oidigi daama óídakami dai bïïxi gobai gïr tïgibudaga mos ïr odami tïgibudadï ix makïdï bia aatïmï. Dïï gia Diuxi Maradï tïbagiañdïrï dibia.

Tepehuan Northern: Diuusi ñiooquidʌ utuducami oodamicʌdʌ

³¹ ɅCristo tʌvai tʌvaagiaiñdʌrʌ dai vaamioma namʌga sʌʌlicamigadʌ ʌgai sitomasioorʌ sʌʌlicamigadʌ. Dʌmos aanʌ ʌroidigi daama oidacami dai gaaagidi aanʌ istumaasi ʌpʌvueeyi tami oidigi daama.

VUAANA 3:31 ပူးပေါင်းရင်းမြစ်များ

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

VUAANA 1:15

Dai dibia go Juan dai gïgïrï aagaimi xorai ïr go Diuxi Ñokidï tïgidukami. Potïtïdaiña ïgai go odami, —Buaboi tudu sai aanï ïpïgioma ïr busaikami tami oidigi daama ix bhai go ix makïdï Diuxi Ñokidï tïgidu. Ïgai gokiïrioma busai ix aanï. Dïï tomaxi aanï ïpïgioma ïr busaikami bïïxkïrï tomax dukai ïgai kaxi ïr oidakamikatadai ïïki abhiadïrï aidïxi mai kia tipukatadai aanï. Kaxkïdï ïgai bamioma ïr namïakami ix aanï— itïtïdaiña Juan go odami.

VUAANA 1:27

Ïgai gokiïrioma gï aaga agai aaduindadï ix aanï dïï bïïxkïrï ïgai bamioma ïr namïakami ix aanï. Sïïrhikïdï ïr gïdukami ïgai. Aanï mai bia sïïrhikami tomarhi ix upandagi susakadï gigiaradï ïmo pioñigadï dukai mos ïï gïdukatai ïgai— itïtïdai Juan.

VUAANA 1:30

—Gobai tudu ïr ix makïdï agaitadai aanï ïkioma. Aidï po tïtïdai aanï odami sai aanï ïpïgioma ïr busaikami tami oidigi daama ix bhai gobai ix makïdï gin gokiïrï dibia. Dïï tomaxi aanï ïpïgioma ïr busaikami bïïxkïrï ïgai gïïpi bamioma namïga ix aanï. Aidïxi busai aanï ïgai kaxi ïr oidakamikatadai kaxkïdï.

VUAANA 3:30

Gï agai tudu ix bïïx tasai tïkabioma tïkabioma namïakagi Diuxi Maradï nai aanï bïïx tasai dumarhioma dumarhioma biyagi. Ïmo bhai ïrhiaragai gobai aanï gin bïïtarï tudu— itïtïdai Juan.

VUAANA 6:33

Ïgai ix makïdï ïr Diuxi panagadï tïbai tïbagiañdïrï dai gamaakai gubukarhigai oidigi daama óídakami ix kïïgakïrï óídakana— itïtïdai.

VUAANA 6:51

Aanï tudu ïr ix makïdï tïbagiañdïrï dibia dai ïr pan duakakami gin dukami dai odami ix makïdï ugiagi gobai óídaka agai bïïxkïrï bïïtarï. Gin tukuga tudu ïgai daidi ïr go pan gï dukami dai aanï gatïïgida iñagai gin tukuga ix oidigi daama óídakami ugana dai kïïgakïrï óídakana— itïtïdai Suxi.

VUAANA 8:23

Daidi Suxi potïtïdai, —Aapimï mos ïr tami idi oidigi daama óídakami dai aanï gia ïr mïï daana tïkabiïrï oidakami.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Romanos 9:5

Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.

Hebreos 9:1

Daiñi, go ïïkidadï sïïrhikami ix makïdï maa Diuxi go Moises, gobai aagai ixdukatai gï agaitadai xi ibuadagi xadutudaragai Diuxi bïïtarï go ikuxi kiupiïrï ïïki. Go kiupiïrï tudu ix makïdï idui go óídakami ïïki dai tami oidigi daama kïakatadai.

1 Pedro 3:22

Dai xibi Suxi Kristo bia ïmo gïdukami sïïrhikami sïïrhixapadïrï dakatai ïgai Diuxi amïka tïbagiana. Dai ami gatïanïi ïgai bïïxi go tïtïañikarudï Diuxi dai bïïxi go gubukadagai bipiakami ix makïdï ami tïbagiana daraka.

1 Juan 4:5

Go tïtïïgiadami yaatagi ïgai mosïkaxi ïr oidigi daama óídakami maamaradï dai go oidigi daama óídakami tïgibudadïkïdï gamaamakai ïgai ñoki. Kaxkïdï muidutai go oidigi daama óídakami ojoidi ïgai ix kaïkagi.

Apokalipsis 19:16

Dai ïgai ix makïdï Diuxi Ñokidï tïgidu bia ïpï ïmai tïtiaradï ix makïdï ojixi yukuxi kajidïrï. —Reygadï bïïxi rey dai Tïanïdamigadï bïïxi tïtïanïdami— podukai ojixi tïtiaradï tudu.