VUAANA 3:29 - Northern Tepehuan Bible

²⁹ —Aanï gin bïïtarï mos ïr ïmo bhai ïrhiaragai nïiditai ix bamioma mui odami uurapïkïi ïgai ix bhai ix makïdï aanï gin uurapïkïi— itïtïdai. —Gïn aagidamu aanï ïmo maatïtuldaragai xibi ix maatïka aapimï ix maaxi gobai— itïtïdai. —Daiñi, xïxkadï oidakagi ïmo kunataragai saidi go nobia gï agai ix oijadagi go nobio. Dai kompañerogadï go nobio makïdï kïï oigïdai ïgai bhai gï ïrhidiña kaïkatai ñokidï go nobio kompañerogadïkatai ïgai. ¿Mai ix pomaaxi gobai? Daiñi, Diuxi Maradï kompañerogadï duu aanï dai kïïga oigïdai aanï ïgai. Dai go odami ïr nobiagadï gïn dukami ïgai ïpï. Kaxkïdï kïï bhai gin ïrhidi aanï ix oijadagi odami ïgai.

Tepehuan Northern: Diuusi ñiooquidʌ utuducami oodamicʌdʌ

²⁹ Siʌʌscʌdʌ cunaata agadagi ʌmo ali tʌji vʌʌscʌrʌ ipʌlidiña isʌʌmadu daacagi ʌnovio. Daidʌ ʌnovio vapaidadʌ aliʌsi baigʌnʌlidiña isʌmapai daraaja ʌgai. Dai sivi aanʌ ʌʌpʌ baigiñʌlidi nʌiditai ismui oodami oidatucui ʌCristo.

VUAANA 3:29 ပူးပေါင်းရင်းမြစ်များ

Mataibo 22:2

Daidi potïtïdai ïgai, —Gïn aagidamu aanï ix dukatai aatabuayi Diuxi gatïanïitai ïgai. Gobai ïr ïpïandukami xïïxkadï ïmo Rey idui ïmo kunataragai bagimi ka onta agaitai maradï.

Mataibo 25:1

Dai Suxi oi go aatagi daidi potïtïdai ïgai mamaatïrdamigadï, —Gïn aagidamu aanï ïmo maaxidaragai aatagi sai maatïkana aapimï ix maaxika agai xïïxkadï gatïanïi Diuxi— itïtïdai. —Ïpïan dukami gobai kunataragai xakoga bhaibuxtama aarhi oki nïnïraka ix dibiagi go ix makïdï onta agai. Nïnïraka ix dibiagi ïgai dai mïï buidïrï ayi agai mai kia aïkai ïgai kunataragiana. Nïnïraka ïgai sai tukarï aiyagi ïgai tudu dai bhïï ajiopai ïgai kukudakarui.

Mataibo 9:15

Daidi potïtïdai Suxi, —Gïn aagidamu aanï ïmo maaxidaragai aatagi sai maatïkana aapimï ix tui. Daiñi, aanï ïr ïmo ontadami dukai ïmo kunataragïrï. Dai gin mamaatïrdamiga ïr bapaidarxikami dukai ami go kunataragïrï. Kaxkïdï gï agai sai kïïga bhai gïn ïrhiada ïgai dai gakuada gin ïmadï darakatai. Xadïrï soi gïn ïrhidiña ïgai dai maiti gakuadana kia ïmadï dakatai aanï tudu. Dïï gia ayimu ixtuigako maigobai gin baidakatudamu aanï dai aidï gia maiti gakuadamu ïgai ïïmo imidagai ïmo xadutudaragai dukai— itïtïdai.

Lukas 15:6

Dai ka aïkai kiiyïrï bapaidiña aaduñdï sai urabaiña bhai gï ïrhiditai daidi itïtïdaiña, —Gimibïrai dai gin uraba ïmo bagimiïrï. Ka tïï aanï go kañiru ix makïdï xibhï jiitadai— ikaitiña ïgai. Pobuayi aapimï tudu xïïxkadï xibhï imiagi ïmoko gïn sosoiga kañiñiru. Gaagaiña aapimï dai bhai gïn ïrhidiña tïïgakai.

VUAANA 15:11

Gobai tudu ïr gin bhai ïrhiaraga dai gïn aagidi aanï idi ñoki ipïrhiditai ix bïïxi gïn ibhïdagakïdï taatagi aapimï go baaxi gïdukami bhai ïrhiaragai ix makïdï bia aanï— itïtïdai Suxi.

VUAANA 16:24

Dai xibi ukami mai kia gatáí aapimï tomarhi ïmo ixtumaxi aagaitai ix ïr gin mamaatïrdamiga aapimï. Tanïdabïrai tudu bai kïïga bhai gïn ïrhidiña biakatai ix tumaxi gataanïdagi aapimï— itïtïdai.

VUAANA 17:13

—Aapi gin Oga— itïtïdai. —Aanï ka imïda iñagai mïïka xako daja aapi. Dai ka aagidi aanï gin mamaatïrdamiga idi aatagi sai ïgai kïïga biakana ï galbaaxi bhai ïrhiaragai ix makïdï bia aanï.

VUAANA 3:30

Gï agai tudu ix bïïx tasai tïkabioma tïkabioma namïakagi Diuxi Maradï nai aanï bïïx tasai dumarhioma dumarhioma biyagi. Ïmo bhai ïrhiaragai gobai aanï gin bïïtarï tudu— itïtïdai Juan.

2 Korintios 11:2

Daiñi gin aaduñi, gï agai sai maatïkagi aapimï sai ix xïïxi buamï ïrhidi Diuxi gïn bïïtarï po ïxi buamï in ïrhidi aanï gïn bïïtarï ïpï. Kabami buamï in ïrhidi aanï tudu sai kïïga buañixikagi aapimï Suxi Kristo bïïtarï oiditai aapimï mosïkaxi ïgai dai mai xu xi oiditai aapimï tomarhi ïmo ïmai. Ïpïan dukami gobai ïmo gaoga xïïxkadï bhai duñagi ñoki bïïtarï ïmo maradï oki xïxkadï ïmadï bii agadagi ïmo kïïrhi. Kïïga nukadaiña ïgai maradï tudu sai mai daibuskïda ïgai ïmadï ïmai kïïrhi. Nïnïraka ïgai kia ix ïmadï biiya ïgai ix makïdï ïr kunadïka agai. Podukai gïn nukada in ïrhidi aanï tudu dai buamï in ïrhidi ipïrhiditai ix kïï buañixikagi aapimï maatïkatai saidi Suxi Kristo ïr gïn kuna dukaika agai. Gï agai sai kïïga buañixikagi aapimï ïgai bïïtarï tudu ïpïan dukami ïmo arhi oki ix makïdï kïï tuiga mai kia ïmadï biïkai tomarhi ïmo kïïrhi.

Filipenses 2:2

Ïmo tïgibudagai abïr bhïiyi bïïxkatai aapimï dai bïïxkatai aipakoga abïr gïn oigïdada ïmo xïgïmï dukai. Ïmo odami dukai abïr mosïkaxi ïmo ixtumaxikïdï buamï gïn ïrhiada dai mai xu xi ïjïkobai gïn tïtïgitoda aapimï. Mosïkaxi ïmo ixtumaxi abïr oijada bïïxkatai aapimï tudu. Ix pobuadagi aapimï aidï gia kïïgakïrï bhai gin ïrhiatudamu aapimï.

1 Juan 1:4

Dai kaxkïdï gïn ojidi aatïmï saidi kïïga bhai gïn ïrhiadagi aapimï ïpï gïr urabakatai.

2 Juan 1:12

Naana maaxi gïn aagida in ïrhidi kia dïï gia mai xu xi ojaikïdï gïn aagida in ïrhidi aanï. Amïka gïn dibida in ïrhidi bhaiyoma dai gïn aatagidagi sai podukai bamioma kïïga bhai gïr ïrhiadana aatïmï gïr nïiditai.

Apokalipsis 21:9

Dai bhodïrï gin ñokidi ïmo tïañikarudï Diuxi. Ïgai ïr ïmadutai go kubarakami Diuxi tïtïañikarudï ix makïdï bia kubarakami ajasokorhi biakami gïgïbidaragai. Pobai in tïtïdai ïgai, —Gimi, gï tïïgidamu aanï nobiagadï go Arhi Kañiru ix makïdï onta agai ïgai— in tïtïdai.