VUAANA 3:16 - Northern Tepehuan Bible

¹⁶ —Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

Tepehuan Northern: Diuusi ñiooquidʌ utuducami oodamicʌdʌ

¹⁶ Diuusi sʌʌlicʌdʌ oigʌdai ʌoodami oidigi daama oidacami cascʌdʌ ootoi ʌgai gʌmara, mosaliʌʌmaduga ʌgai maradʌ, dai gʌmuaatu sai tomasioorʌ sioorʌ vaavoitudagi isʌgai ʌrʌcʌʌgacʌrʌ vuviadami camaiimi agai ʌDiaavora ʌʌmadu baiyoma imia agai tʌvaagiamu dai Diuusi ʌʌmadu oidaca agai tomastuigaco.

VUAANA 3:16 ပူးပေါင်းရင်းမြစ်များ

Genesis 22:12

—Maiti soi doada go gï ïrhi— itïtïdai go Nukadakami. —Kaxi aant nïidi ix kïï ïïgidi aapi dai kïïgakïrï xadutudai aapi Diuxi— itïtïdai. —Ka bhai aa aapi bïïxi xi gin urhiñagi gï maara tomaxi mos arhi ïmaduga ïgai— itïtïdai.

Genesis 22:2

—Imiñi mïï Morayamu ïmadï gï maara ïmadugakïdï ix makïdï bia aapi ïmadï Sara. Go ix makïdï kïï oigïdai aapi. Dai ami Morayana gï tïïgidamu aanï ïmo tubidaki xi ami tubidaki dama gïbiña aapi go gï ïrhi dai bhodïrï gin mïitulda ïmo kañiru dukai— itïtïdai Diuxi.

Isa 9:6

Kaxi ti oidigi dama dibia ïmo arhi gïrhi ix makïdï gïr otoxi Diuxi. Dai kïrhitukai ïgai Diuxi maa sïïrhikami xi tïanïda ïgai bïïxi aïkatai. Dai naana dukai aagadamu odami. Mai Ajïi Gïr Tïgibudagai Xïïxi Ïr Gïdukami Diuxi, dai Ïgai Ïgai Dai Gïr Maakai Diuxi Tïgibudadï tïimu odami, dai Ïgai Ïr Diuxi Ix makïdï Bïïxi Adama Ïr Gubukan Kïakami, dai Gïr Oga Tomax Tuigako Kïakami agadamu odami ïpï, dai Gïr Bhaitï Kïakamiga Gobai Ix makïdï Dodorhitudai Kokodi. Potïimu odami aagaitai Diuxi otosadï.

Mataibo 9:13

—Kaxkïdï gï agai sai maatïkagi aapimï ix tïiya ïrhidi Diuxi ñokidïrï xako ikaiti sai, —Aanï Diuxi ipïrhidi sai soi gïn ïrhiadagi odami jaa bïïtarï mai pokaxi aagai aanï go naana maaxi daxdaragai ix makïdï ibuayi odami gin bïïtarï— ikaiti Diuxi ñokidï. Gobai gï agai xi maatïkagi aapimï. Gï agai tudu xi maatïkagi aapimï sai aanï dibia mai xu bapaida iñagaitai odami sai gin urabana ix makïdï ïïgi kïï buañixikami gïn aagai iibhïadï. Bapaidimi aanï odami ix makïdï kïï maatï saidi ïr soimaaxi ibuadami tudu— itïtïdai.

Markos 12:6

Daidi go tuidakami dïbïrai mos arhi ïmaduga maradï. Kïïrhi ïgai maradï dai kïï oigïdaitadai ïgai. —Otosamu aanï gin maara. Gobai gia xadïrï mai xadutuadana ïgai— as ïrhidi go tuidakami dïbïrai. Dai otoi maradï.

Lukas 2:14

—Gï agai xi bïïxi Diuxi tïtïañikarudï mïï tïbagiïrï aagana xïïxi ïr gïdukami Diuxi. Dai gï agai xi kïïga ibhïxtakan taadakagi óídakami tami oidigi daama ïpï. Diuxi ka kïïga buididi ïgai xibi kaxkïdï— ikaiti Diuxi tïtïañikarudï.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

VUAANA 1:29

Xadiko go Juan tïï go Suxi ix no imïitadai daidi itïi tïïgakai, —Daiñi bhodïrï imïi ix makïdï ïr Diuxi otosadï kañiru gï dukami. Ïgai oigïrhi biamu soimaaxkamigadï oidigi daama óídakami— itïi go Juan.

VUAANA 10:28

Dai aanï gamaakai gubukarhigai ïgai sai kïïgakïrï óídakana bïïxkïrï bïïtarï dai tomarhi ïmo imidagai mai koimu ïgai. Dai mai tipu xorai gin popoidagi ix makïdï nukada aanï.

VUAANA 3:15

Dai podukai ix dukai kïïgakïrï bubuakai odami nïiditai go baiñom kooyi podukai ïpï odami ix makïdï gin buaboitudagi kïïgakïrï oidaka agai bïïxkïrï bïïtarï— itïtïdai Suxi.

VUAANA 3:18

—Aanï tudu ïr Diuxi Maradï ïmadugakïdï dai tipu gïgïbidaragai odami bïïtarï ix makïdï gin buaboitudai. Dïï gia Diuxi ka aagai ix tuma gïgïbidaragai ajiagai odami ix makïdï maiti gin buaboitudai. Maiti ipïrhidi ïgai ix buaboitudagi tomaxi aanï ïr Diuxi Maradï ïmadugakïdï kaxkïdï— itïtïdai.

VUAANA 3:36

Dai bïïxkatai ix makïdï buaboitudagi Diuxi Maradï kïïgakïrï óídaka agai bïïxkïrï bïïtarï. Dïï gia xorai mai ïïgiadagi ïgai mai buaboitudaitai mai kïïgakïrï óídaka agai dai taata agai gïgïbidaragai Diuxiañdïrï bïïxkïrï bïïtarï bhaiyoma— itïtïdai Juan go mamaatïrdamigadï.

VUAANA 6:40

Kïï maatï aanï sai Diuxi ipïrhidi ix bïïxkatai ix makïdï gin nïijadagi dai gin buaboitudagi kïïgakïrï óídakana bïïxkïrï bïïtarï. Kaxkïdï go kugatïrï tasïrï duduakarhida iñagai bïïxkatai ix makïdï gin urabaka— itïtïdai Suxi.

Romanos 5:10

Ïkioma gïr bupuidïrï bïïtïkana aatïmï ïmadï Diuxi dïï gia Suxi Kristo, Diuxi maradï, muu dai podukai bhai dui sai ïpamu biakana aatïmï urabaragai Diuxi ïmadï. Suxi Kristo ïpamu duakatu aidïxi ka mutadai. Kaxkïdï xioma maatiga maaxi xibi sai kïïgakïrï bubuakimu aatïmï, ïpamu oidakatai ïgai tudu.

Romanos 5:8

Dïï Kristo gia muu gïr bïïtarï aidïxi kia ïr soimaaxi ibuadamikatadai aatïmï dai podukai gïr tïtïgidi Diuxi xïï kïïga gïr oigïdai ïgai.

Romanos 8:32

Daiñi, Diuxi mai tudayitai gatïïgi ïïgi maradï sai mukuna gïr bïïtarï. Kaxkïdï kïïga maatï aatïmï sai gïr maakimu ïgai bïïxi aïkatai go gaa ixtumaxi ix makïdï bia ïgai gïr bïïtarï ïpï.

Efesios 2:4

Dïï gia Diuxi kïïga gïr oigïdai dai soi gï ïrhi gïr nïiditai.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.

Tito 3:4

Dïï gia Diuxi kïïgakïrï gïr bubaitu dai podukai maaxitu bïïxi óídakami buitapi xïï kïï tuiga ïgai dai xïï kïïga gïr oigïdai. Ïgai tudu kïïgakïrï ïr gïr bubiadamiga. Dai mai xu xi kïïga idui aatïmï xi kïïgakïrï gïr bubaitu ïgai. Mai buañixikatadai gïr iibhïdaga toma lïïchi tudu. Dïï bïïxkïrï soi gïlda gïr tïï Diuxi dai gïr buañidi dai kïïgakïrï gïr bubaitu. Dai aidï gïr buañidakai ïgai gïr utuduturhi Diuxi Ibhïadï.

Hebreos 2:9

Dïï gia Suxi gia ka bhïiyi sïïrhikami dai kaxi gatïanïi ix dukai aagai go ojai. Baasïkioma chïki tasai dumarhioma bii ïgai xi go tïtïañikarudï Diuxi aidïxi ïmo kïïrhi busai ïgai. Dai taata ïgai go mukigami bïïxi óídakami bïïtarï. Po dui ïgai mos ïï kïï tuigakatai Diuxi gïr bïïtarï. Dïï gia xibi ka bhïiyi Suxi gïdukami xadutudaragai ïmo gïï gatïanïdamikatai xibi ix dukai aagai go ojai.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?

1 Juan 4:19

Daiñi, Diuxi ka ïïki abhiadïrï gïr oigïdaiña kaxkïdï oigïdai aatïmï ïgai ïpï dai kaxkïdï oigïdaiña aatïmï gïr aaduñi Diuxi amadïrï ïpï.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.