VUAANA 20:26 - Northern Tepehuan Bible

²⁶ Dai bhodïrï ïpï mamaako tasaikïdï ïpamu gïn ïmpagi go mamaatïrdami. Dai aidï gia gaïmadï dajatadai go Tomás. Dai kïïga kandadumagikatadai kuuparagai daidi bïïxkïrï todian dukai ami gasaagida kïkiba go Suxi daidi itïtïdai, —Gin aaduñi, bhïibïrai ibhïxtaragai gïn iibhïdagïrï— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁶ Bomamaco tasaicʌdʌ ʌpamu gʌrʌʌmapagi aatʌmʌ mamaatʌrdamigadʌ ʌSuusi ʌmo quiiyʌrʌ. Dai aidʌ ʌTomás modaacatadai aatʌmʌ gʌrʌʌmadu. Vai cucuupicatadai cucuuparagai tai vʌʌscʌrʌ vaa ʌSuusi dai ʌran cʌquiva. Dai gʌrviaatuli ʌgai dai povʌrtʌtʌdai: ―Gʌnibʌstacan tadacavurai gʌniibʌdaga ―gʌrtʌtʌdai ʌSuusi.

VUAANA 20:26 ပူးပေါင်းရင်းမြစ်များ

Mataibo 17:1

Dai bhodïrï abhiadïrï naadami tasaikïdï go Suxi baidaja go Piduru ïmadï Jakobo dai Juan ix makïdï ïr sukurhidï go Jakobo. Baidaja ïgai ïmo tubidaki daama ïïgi daka ïrhiditai go baika kïkïïrhi ïmadï.

Markos 16:14

Gokiïrï ïmo imidagai mesa buidïrï darajatadai go bhaibuxtama dan ïmoko mamaatïrdami baidi go Suxi gï maaxitu buitapi. Dai Suxi bhagaidi ïgai dai aagidi sai arhiï kapaka iibhïadï dai sai mai buaboitudaraga ïgai. Mai buaboitu ïgai go ix makïdï aagidi ix nïidi ix ka duaka ïgai kaxkïdï.

Lukas 24:36

Dai kia ñokaitadai ïgai ami bai todian dukai gï maaxitu go Suxi dai ami kïkiba saagida dai biaturhi mamaatïrdamigadï.

Lukas 9:28

Bhodïrï abhiadïrï mamaako tasaikïdï sai go Suxi baidakai go Piduru ïmadï go Juan dai go Santiago ïmo tubidakiamu aataga agaitai Ogadï ïmadï.

VUAANA 11:16

Dai ami dajatadai ïmo mamaatïrdami Tomás tïgidukami, ix makïdï kuatai aagaiña odami. Dai potïtïdai ïgai go gaa mamaatïrdami, —Timïda dai oida go Suxi dai ïmadï koiyagi xuduku muagi go Judeïrï óídakami go Suxi. Amïka óídakami sïïrhikïdï kïïdai gobai di— itïtïdai.

VUAANA 14:27

Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

VUAANA 20:19

Dai aidï tumiñoko mos baakïkïrï ïkarhi go mamaatïrdamigadï gïn ïmpagi ïmo kiiyïrï dai kïïga kuu kuuparadï ïbhïiditai go judidiu. Dai todian dukai baa go Suxi dai ami gasaagida kïkiba dai biaturhi. —Gin aaduñi, bhïibïrai ibhïxtaragai gïn iibhïdagïrï— itïtïdai.

VUAANA 20:21

Dai Suxi ïpïpï potïtïdai, —Bhïibïrai ibhïxtaragai gïn iibhïdagïrï— itïtïdai. —Daiñi, podukai ix dukatai gin Oga gin otoi bhaigobai óídakami saagida, podukai ïpï aanï gïn otosai óídakami saagida aipakoga— itïtïdai.

VUAANA 21:1

Dai gokiïrï ïmo imidagai ïpamu gï maaxitu go Suxi mamaatïrdamigadï buitapi go gïï sudagi ugidïrï xako Tiberias tïgidu. Gïn aagidamu aanï ix dukatai gï maaxitu go Suxi.

VUAANA 21:14

Dai gokïdï kaxi ïr baikakokatadai ix gï maaxitu go Suxi mamaatïrdamigadï buitapi aidïxi abhiadïrï xi gï duakatu.

Hechos 1:3

Gï aagidi aanï ïpï ixdukatai pogïdui xi soimaaxi taata Suxi dai muu dai ïpamu duakatu daidi bhodïrï ojotosadï buitapi kïkiba. Dai naana dukai gï mamaaxidi ïgai ix ka duakatu ïpï. Gokobhai tasai aitu ïgai didibiditai ojotosadï dai aagidiña ïgai ix dukatai tïanïi Diuxi.