VUAANA 2:24 - Northern Tepehuan Bible

²⁴ Dïï mai buaboitu Suxi go odami kïïga maatïkatai go odami tïgibudadï.

Tepehuan Northern: Diuusi ñiooquidʌ utuducami oodamicʌdʌ

²⁴ Dʌmos ʌSuusi ʌʌbiadan tada ʌgai maatʌcatai isʌgai maiʌʌgiada agaitadai. ɅSuusi cʌʌga maatʌ iducatai tʌtʌgitoi vʌʌsi oodami cascʌdʌ.

VUAANA 2:24 ပူးပေါင်းရင်းမြစ်များ

Mataibo 9:4

Dai Suxi kïï maatï ix gïn tïtïitoi ïgai daidi potïtïdai, —¿Ix tuixidï gïn tïtïitoi aapimï sai mai bia aanï gubukarhigai ix oigïrhiadagi go soimaaxkamigadï odami? Soimaaxi tïtïitoi aapimï tudu.

Markos 2:8

Dai Suxi kïï maatï ix tïtïitoi ïgai aidï daidi potïtïdai, —¿Tui mïxi podukai gïn tïtïitoi aapimï?

VUAANA 1:42

Dai otoma baidaja ïgai go Ximuñi sai nïidana go Suxi. Daidi Suxi mos tïïgakai go Ximuñi potïtïdai, —Aapi ïr Ximuñi dai gï oga Juan tïgidu dai aapi Cefas gï aagamu odami xibi bhaitiakoga— itïtïdai Suxi. Piduru busakïi go Cefas tïtiaradï tudu dai itïiya ïrhidi aiti.

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

VUAANA 21:17

Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

VUAANA 4:16

Dai Suxi soiña ïrhiditadai go oki sai maatïkana xorai ïgai daidi itïtïdai, —Mïïka baida gï kuna dai bhaigobai dada bïï gokatai aapimï— itïtïdai go Suxi.

VUAANA 5:42

¡Kïïga maatï aanï sai mai oigïdai aapimï tomarhi Diuxi di! Kaxkïdï mai buamï ïrhidi aanï ix maiti gin oigïadagi aapimï dai soi dukai gin nïijadagi.

VUAANA 6:15

Dïï Suxi máí ix go odami gubuakïdï bhïiyi agaitadai dai rey dasa agaitadai dai kaxkïdï maigobai jii ïgai bhaiyoma dai tïsai ïmo tubidakana.

VUAANA 6:64

Dïï ïïmadutai aapimï maiti gin buaboitudai tomax dukai— itïtïdai. Potïtïdai Suxi tudu kïïga maatïkatai xorai ïgai dai mai buaboituda agaitadai. Dai maatïkatadai ïpï ix makïdï odami ïgai dai gatïïgida agai ïgai.

Hechos 1:24

Bhodïrï go buaboitudadami gadaanïi Diuxi daidi itïtïdai, —Aapi gïr Nukadakami, kïïga nïidi aapi bïïxi odami iibhïadï. Gïr tïïgidañi makïdï idi bïï gokatai kïkïïrhi ïko busaitu aapi

Hechos 15:8

Daiñi, Diuxi nïidi bïïxi odami iibhïadï. Dai Diuxi mamaaxidi xi kïïgakïrï nïidi ïgai go ix makïdï maiti ïr judidiu ïpï otosakai Gï Ibhïdaga ïgai abhana. Xibi gïr ïpïan dukai bipiatu ïgai Diuxi Ibhïadï.

Hebreos 4:13

Mai tipu ixtumaxi ïxtokikagi Diuxi buitapi tudu. Bïïxi aïkatai mos maaxiko kaatïkana Diuxi buidïrï. Dai ïgai buitapi bia aatïmï xi aagadagi ix tumaxi dui aatïmï tami idi oidigi daama.

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.

1Sa 16:7

Dïï Gïr Nukadakami itïtïdai, —Maiti gï tïgito nïñiada xïï kïï tiodi ïgai dai xïï tïkaboga ïgai ïpï. Aanï maiti ipïrhidi xi ïr Reykagi ïgai. Odami mosïkaxi tukugadï nïidi dïï aanï gia ibhïadï nïidi bhaiyoma—.