VUAANA 2:16 - Northern Tepehuan Bible

¹⁶ Dai darakatadai gaagaradami tutugu ïpï dai Suxi bhagaidi ïgai daidi potïtïdai, —Bubaidabïrai gïn aaduindaga tabhiadïrï— itïtïdai. —Maiti abïr ïmo gagarakaru dukai nïida kiidï gin Oga— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁶ Daidʌ potʌtʌdai ʌSuusi ʌgaagardami tutugu: ―Vuvaidavurai vʌʌsi gomaasi. Maitavʌr ʌmo gagaaracarui duucai nʌijada giñooga quiidʌ ―tʌtʌdai ʌSuusi.

VUAANA 2:16 ပူးပေါင်းရင်းမြစ်များ

Mataibo 21:12

Dai baa Suxi go gïï kiupiïrï ix makïdï Jerusalenïrï kïïka dai aadaji ïgai go odami ix makïdï ami gaagarai dai gasapïdai naana maaxi ami kiupiïrï. Surhigan tïi ïgai memesagadï go ix makïdï kambhiandoi tuminxi dai daraikarudï ix makïdï gaagarai tutugu ïpï.

Mataibo 21:13

Daidi potïtïdai ïgai, —Diuxi ñokidïrï adukai ojixi— itïtïdai. —Ami ikaiti sai, Diuxi kiidï ïr daanïdaragai bïïtarï. Dïï gia aapimï ïïxibogami kiidï dukai bia— itïtïdai.

Mataibo 22:5

—Dai podui go pipioñi, mïï aagidi ïgai go odami dïï modukai go odami mai ïïgidi dai maiti ipïrhi xi iimiagi. Bhaiyoma mos oidi ïgai ixtumaxi ibuadatadai. Ïmoko jii dai mïï nïida agai ïxikami dai ïmai biakatadai ïma maaxi aaduindagai.

Markos 11:17

Bhodïrï gï aagakai maa ñoki go odami daidi potïtïdai, —Diuxi ñokidïrï adukai ojixi— itïtïdai. —Diuxi kiidï ïr Diuxi daanïdaragai Diuxi bïïtarï. Bïïxi oidigi daama óídakami bïïtarï gobai tudu. Dïï ïïxibogami kiidï dukai bia aapimï Diuxi kiidï— itïtïdai.

Lukas 2:49

Dai Suxi potïtïdai, —¿Ix tuixi mai maatïkatadai aapimï xako gin gaagagi? ¿Maiti mïx maatï sai gï agai xi gin oga kiidïrï dakagi aanï?— itïtïdai aagaitai sai Diuxi ïr ogadï dai go gïï kiupai ïr kiidï.

VUAANA 10:29

Gin Oga ïgai dai gin maa ix makïdï ïr gin sosoiga gïn dukami tudu. Ïgai kïïga nunukadai gin sosoiga dai ïgai bamioma ïr gubuakami ix bhai toma xorai. Kaxkïdï mai tipu xorai gin popoidagi gin sosoiga.

VUAANA 2:15

Daidi turobiñdikïdï idui ïgai ïmo ikixanai dai ïgaikïdï bubaitu ïgai go gaagaradami ami kiupiañdïrï ïmadï modukai sosoigadï tuturu dai kañiñiru. Dai bhodïrï bïïxi aipako surhi ïgai tuminxigadï ïmadï modukai memesagadï ix makïdï ami kambhiandoi tuminxi ïpï.

VUAANA 20:17

Daidi go Suxi itïtïdai, —Maiti bhïbhïda gin tukuga, mai kia tïsai aanï mïïka xako daja gïr Oga— itïtïdai. —Bhaiyoma imi dai mïï aagida gin mamaatïrdamiga sai ka imïda iñagai aanï mïïka xako daja Diuxi gin Oga. Aagidañi sai Diuxi gin Oga ïr aapimï gïn Diuxiga dai aapimï gïn Oga ïpï— itïtïdai.

VUAANA 5:17

Daidi Suxi aagidi go judidiu ix tuixi aatabuayi ïgai ibhïxtaragai tasïrï daidi potïtïdai, —Daiñi, Diuxi gin Oga mai dagitokai gaatabuayi tomaxtuigako, tomaxi ïr ibhïxtaragai tasïrïkagi dai aanï mos ibuayi ix dukai ïgai ibuayi— itïtïdai.

VUAANA 8:49

Dai Suxi itïtïdai, —Maiti aanï bia tomarhi ïmo diabora tïañikarudï— itïtïdai. —Bhaiyoma xadutudai aanï Diuxi gin Oga dïï aapimï gia maiti gin xadutudai toma lachi— itïtïdai.

1 Tomoteo 6:5

Otoma sasayutïrïi ïgai. Gajiadïrï bipiayi ïgai ix makïdï ïr buaboi dai podukai ïïgi gïn bupuirutudai ïgai. Ka maiti ïr soiñikana tïgibudadï tudu. Pobïnïrhidiña sai oiditai buaboidaradï kïïga gïn bidakamu ïgai dïï maiti ïr buaboi.

2 Pedro 2:3

Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.