VUAANA 19:9 - Northern Tepehuan Bible

⁹ Dai bhodïrï ïpamu tukabi báí ïgai go Suxi daidi itïtïdai, —¿Baadïrï oidakami aapi?— itïtïdai. Dïï mos go Suxi mai ñokai bii.

Tepehuan Northern: Diuusi ñiooquidʌ utuducami oodamicʌdʌ

⁹ Dai ʌpa aa gʌi dai vaa ʌgʌʌ quiiʌrʌ dai tʌcacai ʌSuusi dai potʌtʌdai: ―¿Paaco oidacami aapi? ―astʌtʌdai. Dʌmos ʌSuusi maiaa noragi tomali ʌmo ñiooqui.

VUAANA 19:9 ပူးပေါင်းရင်းမြစ်များ

Isa 53:7

Odami soi buididi otosadï Gïr Nukadakami dai gïikarai bïïxi. Dïï ïgai mai taadaga. Gï muatu ïgai ïpïan dukai kañiru dai ïgai mai ñokai. Mos dodorhi bii. Ix maaxi kaatïkana kañiru xudu odami ikidagi popodï podukai dodorhi bii otosadï Gïr Nukadakami.

Mataibo 26:63

Dai go Suxi mos dodorhi bii dai mai taadatu. Daidi go tïanïdamigadï go dadaxdadami potïtïdai aidï, —Aapi Suxi, Diuxi ïgai dai bïïxi adaama ïr xadutudikïdï. Bïïxkïrï oidaga ïgai ïïki abhiadïrï tudu dai tomarhi ïmo imidagai mai muki agai. Ïgai ïr nïijadami ix tumaxi gin aagidagi aapi xibi tudu. Dai gï tïanïi aanï xibi pïsaidi aagana aapi tami gïr nïiditai Diuxi ix bhai aapi ïr go ix makïdï Kristo aagaiña odami, sa bhai aapi ïr Diuxi otosadï bhaitï kïakami ix makïdï kïïgakïrï busaida agai go Oidakami. Gïr aagidañi ix bhai aapi ïr Diuxi Maradï tudu— itïtïdai.

Mataibo 27:27

Daidi go sandadaru baidaja Suxi kuartelïrï dai ami tuixikana kïi dai mui gïn ïmpagi sandadaru dai bïï xikorhi gukiba ïgai Suxi.

Lukas 23:9

Dai naana maaxi tïkakai ïgai go Suxi dïï gia Suxi mai aa noragi tomarhi ïmo ñoki.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

VUAANA 18:33

Daidi bhodïrï ïpamu baa go kaigi Pilato tukabi dai gatïjai mïsai ami buapana go Suxi. Daidi itïtïdai ïgai go Suxi, —¿Aapi pïx tudu ïr Reygadï go judidiu?— itïtïdai.

VUAANA 18:34

Daidi go Suxi potïtïdai, —¿Ïïgi pïx gï tïgito dai podukai gin tïkakai? ¿Ïmai ix gï aagidi aa?— itïtïdai.

VUAANA 18:37

Daidi go kaigi itïtïdai, —¿Aidï gia ïr buaboi saidi ïr ïmo Rey aapi?— itïtïdai. Dai go Suxi itïtïdai, —Ïjï, kïïga aagai aapi saidi ïr Rey aanï. Go maa bïïtarï tudu dibia aanï tami idi oidigi daama Rey iñagaitai— itïtïdai. —Ga maatïtulda iñagai aanï ix tumaxi ïr buaboi dai dibia. Dai odami ix makïdï ïïgida ïrhidiña ixtumaxi ïr buaboi kïïga ïïgida kaïkana gin ñoki— itïtïdai Suxi.

VUAANA 19:10

Daidi go Pilato itïtïdai, —¿Tui pïxi mai ñokai?— itïtïdai. —¿Maiti pïx maatï ix aanï ïr ïmo gubukadagai biakami? Kïïga ixtutuidikïi aanï ix gï gatïañiagi muaragai kuruxiana xiïpï ix gatïañiagi ix gï dagitoagi ïpï di— itïtïdai.

VUAANA 19:8

Dai kabami duadimu go Pilato aidï kaïkai ix Diuxi maradï gï aagai Suxi ïïgi. —Tadu tïjai aanï muaragai ïmo maradï Diuxi— gï ïrhidi ïgai.

VUAANA 8:14

Dai Suxi potïtïdai aidï, —Namïga aba gin ñoki. Daiñi, kïïga maatï aanï sai tïbagiañdïrï dibia aanï dai sai ïpamu tïbagiamu imimu aanï kaxkïdï kïïga gï maatï saidi ïr buaboi gin ñoki tomaxi mosïkaxi ïïgi aanï aagai saidi ïr buaboi. Aapimï mai maatï xajadïrï busaikami aanï dai tomarhi xajako imïdami aanï dïï aanï gia maatï— itïtïdai.