VUAANA 19:5 - Northern Tepehuan Bible

⁵ Daidi busai go Suxi kidigamu dai kia gï moïrï kïïsati go uparai korona dai kia gï aadati go yukuxi moraduakïdï ïpï. Daidi go Pilato itïtïdai go judidiu, —Tami kïïka go soitigami— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁵ Tai vuusai ʌSuusi dai quiaa gʌmoo dan daasa ʌuuparai cooronai dai apiaquiaa gʌaada ʌyuucusi moraduacʌdʌ. Aidʌ ʌPilaato itʌtʌdai ʌjudidíu: ―Tan cʌʌca gocʌʌli ―tʌtʌdai.

VUAANA 19:5 ပူးပေါင်းရင်းမြစ်များ

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Mataibo 27:29

Daidi iduñi ïmo korona uparai dai kïïxi. Dai maa ïgai ïmo arhi uxi saidi dagïkana ïgai ïkadïrï uxiaradï dukai, ïmo dunukami dukai. Podukai idui ïgai bïïxi gobai sai ïpïamaaxkana ïgai ïmo Rey. Dai bhodïrï kuikïskaiña ïgai buidïrï daidi ikaitiña, —Xïïxi ïr gïdukami aapi Reygadï go judidiu— ikaitiña. Xadutuadan dukai kaitiña ïgai dïï mos ïr ïmo parunaragai ïgai bïïtarï bhaiyoma.

VUAANA 1:29

Xadiko go Juan tïï go Suxi ix no imïitadai daidi itïi tïïgakai, —Daiñi bhodïrï imïi ix makïdï ïr Diuxi otosadï kañiru gï dukami. Ïgai oigïrhi biamu soimaaxkamigadï oidigi daama óídakami— itïi go Juan.

VUAANA 19:2

Baidi ka gïikarsakai ïgai sai bui uxi maamaradï kïï óígakami dai idui ïmo korona dai modïrï kïïxi. Dai aadi yukuxi moraduakami ïpï sai ïpïamaaxkana ïgai ïmo rey.

Hebreos 12:2

Gin aaduñi, ix dukai ïmo mïradami bia xi kïïga gï tïgito nïidagi xako mïmïrai ïgai dai bia xi sïïrhi bhaitiakoga nïijadagi. Podukai ïpï aatïmï ïpï apia kïïga oijada ïrhiada aatïmï gïr buaboidaraga gï agai xi tïgito ajiopada aatïmï Suxi Kristo ixdukatai idui ïgai dai podukai ibuadagi aatïmï ïpï. Gïn tïgitobïrai tudu sai ïgai kïïga buaboitudaiña sai Diuxi maaki agai ïmo gïdukami bhai ïrhiaragai dai kaxkïdï gï kabakatu ïgai kuruxiana nagiïkatai. Kïïga maatïkatadai ïgai sai go kuruxi ïr ïmo gïgïbidaragai soimaaxi ibuadami bïïtarï tudu. Dïï bïïxkïrï mai buamï ïrhidi ïgai tomaxi xaïraraga xi óídakami podukai ïmo soimaaxi buadami dukai gïgïbituldagi xixakai kuruxiana. Dai xibi ka bhïiyi ïgai ïmo gïdukami xadutudaragai sïïrhixapadïrï daibakai ïgai Diuxi amïka xakoga dakatai gatïanïi Diuxi. Podukai go bïïxi adama gatïanïdami bii Suxi tudu.