VUAANA 19:14 - Northern Tepehuan Bible

¹⁴ Aidï tasïrï go judidiu biakatadai ix bhai gïn duñagi go bagimi bïïtarï ix makïdï Daibuñigïrï tïgidu daidi parï daan duku ïxi go Pilato itïtïdai go judidiu, —Tami kïïka gïn reyga— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁴ Aidʌ ʌrʌmo tasai ʌbʌidʌrʌ ʌsiaa duudagai istuigaco ʌjudidíu tʌtʌgitoiña aidʌsi Diuusi cʌʌgacʌrʌ vuvaitu Ejiipituaiñdʌrʌ daidʌ cayoga dan duitadai. Amaasi ʌPilaato itʌtʌdai ʌjudidíu: ―Tan cʌʌca gʌnraíga ―tʌtʌdai.

VUAANA 19:14 ပူးပေါင်းရင်းမြစ်များ

Mataibo 27:45

Daidi daan duku abhiadïrï asta koi gïsïko tasai ukami tukamugatadai oidigi.

Mataibo 27:62

Pogïdui gobai go tasïrï ix makïdïrï bhai buayi go judidiu bïïxi ixtumaxi go ibhïxtaragai tasïrï bïïtarï. Dai xadiko kaxi ïr go ibhïxtaragai tasïrïkatadai. Dai aidï iji go tïtïanïdamigadï go dadaxdadami ïmadï go fariseos dai mïï nïidi ïgai go Pilato.

Markos 15:25

Parï tuxtamïrï kiamoko taidi ka kuruxiana xixatadai go Suxi.

Markos 15:42

Ïmo bianaxiko muu go Suxi. Dai dajatadai ïmo kïïrhi Arimateañdïrï oidakami Jose tïgidu. Ïgai ïr ïmo dunukami dai odami kïï oigïdaitadai. Tïgito ajiopaiña ïgai sai dibiagai Diuxi otosadï dai sai ïgai ïmo gïï tïanïdami dukai kïkiba aagai dibiakai. Go Jose yaasa ïrhiditadai tukugadï Suxi dïï ka uruitadai oidigi dai xadiko ka maitï aatabuayi. Kaxkïdï maigobai dáí ïgai duadimudagai dai jii dai mïï baa buidïrï go Pilato dai gatai go Suxi tukugadï.

Lukas 23:44

Daidi tukamutu go tasai tomaxi daandukukatadai aidï dai tukapi bii oidigi asta parï baikïrï urunoko ukami. Daidi ïran sïïrhi sarai go gïï ikuxi ix makïdï go gïï kiupiana nagiïkatadai.

Lukas 23:54

Kaxi ïr bianaxikokatadai aidï dai karhioga ayitadai go ibhïxtaragai tasai.

VUAANA 19:3

Daidi bhodïrï baan gugukaiña go sandadaru buidïrï go Suxi daidi itïtïdaiña, —Bhaiga aapi reygadï go judidiu— ikaitiña parunaitai. Dai kapixaiña ïgai.

VUAANA 19:42

Dai kaxi ïr bianaxikokatadai aidï dai ka uruitadai oidigi bïïxi dai xadiko kaxi ïr go Kïïgakïrï Bubaidaragai Bagimika agaitadai ix kaxkïdï bhobaxi miadïrï tïï ïgai tukugadï go Suxi go utudui yaasakaruana.

VUAANA 19:5

Daidi busai go Suxi kidigamu dai kia gï moïrï kïïsati go uparai korona dai kia gï aadati go yukuxi moraduakïdï ïpï. Daidi go Pilato itïtïdai go judidiu, —Tami kïïka go soitigami— itïtïdai.