VUAANA 18:8 - Northern Tepehuan Bible

⁸ Daidi Suxi itïtïdai, —Kaxi gïn aagidi aanï saidi aanï ïr ïgai— itïtïdai. —Ix aanï gin gaagai aapimï aidï gia abïr dagito idi gin mamaatïrdamiga sai nonoigïna— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

⁸ Amaasi ʌSuusi itʌtʌdai: ―Casi gʌnaagidi aanʌava. Isgiñgaagaimi aapimʌ, dagitavurai vai iimʌna idi ismaacʌdʌ giñʌʌmadu guuca ―tʌtʌdai.

VUAANA 18:8 ပူးပေါင်းရင်းမြစ်များ

Isa 53:6

Dagito aatïmï Diuxi bogïdï dai aadaji aatïmï ïïgi gïr tïgibudaga. Kuga iji aatïmï bïïxkatai ïpïan dukai kañiñiru ix makïdï mai oida ïrhidi Nukadakamigadï. Aatïmï gïr ajïga gïgïbidaragai dïï Gïr Nukadakami ïïgi otosadï abhana dáí gïr soi maaxkamiga ix makïdï idui aatïmï.

Mataibo 26:56

Dïï gia gï aagai sai gin duiñtuldagi bïïxi ix dukatai oja go ñiñokituldiadamigadï Diuxi ïïki, kaxkïdï gï agaitadai xi ïmo ïïxibogami dukai gin nïijada aapimï— itïtïdai Suxi. Mos potïi Suxi taidi bïïxi dïgabuna boopoi mamaatïrdamigadï dai ïïgi bia ïgai go Suxi.

VUAANA 10:28

Dai aanï gamaakai gubukarhigai ïgai sai kïïgakïrï óídakana bïïxkïrï bïïtarï dai tomarhi ïmo imidagai mai koimu ïgai. Dai mai tipu xorai gin popoidagi ix makïdï nukada aanï.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 13:36

Daidi go Ximuñi Piduru itïtïdai aidï, —Gin Tïanïdamiga, ¿Pako imi agai?— itïtïdai. Dai Suxi potïtïdai aidï, —Mai bhaigakamu aapi ix gin oidagi xibi. Dïï gokiïrioma gia gin oidamu aapi— itïtïdai.

VUAANA 16:32

Daiñi, ka karhioga ayi ix aipako bopia aapimï gin dagitokai. Dïgabuna bopoimu aapimï ïïgi gïn kiikiamu dai ïïgi gin biamu aapimï. Dïï tomax dukai mai ïïgi bimu aanï. Gin ïmadï daja gin Oga di— itïtïdai.

VUAANA 18:7

Baidi go Suxi itïtïdai ïpamu, —¿Borai gaagaimi aapimï?— itïtïdai. Daidi go sandadaru itïtïdai, —Gaagaimi aatïmï Suxi go Nasaretïrï oidakami— itïtïdai.

VUAANA 18:9

Potïtïdai Suxi sai dagitona sai iimïna go mamaatïrdamigadï sai podukai ïpï duna ixdukatai Suxi aagiditadai Ogadï ïkioma aidïxi potïtïdai ïgai, —Diuxi gin Oga, mai dagito aanï ix kuga imiagi tomarhi ïmoko ix makïdï gin nukaturhi aapi— itïtïdai Suxi.

1 Korintios 10:13

Gï agai ix kïï gï tïgitokagi ïmoko tudu. Daiñi, go soimaaxkami ajïi bïïxi odami. Kaxkïdï maiti gï agai xi po gï ïrhiada aapi sai mosïkaxi ïmoko gï ajïi gobai. Dïï gia kïïga gï maatï sai kïï tuiga Diuxi dai maiti gï dagitomu buaboitudadamikatai aapi dai bhaiyoma gï soikïdamu ïgai sai biakana aapi ix dukatai bui kïïkibagi go soimaaxi.

2 Korintios 12:9

Dai bhaiyoma pobai in tïtïdai Diuxi sai, —Maiti an maigo imituda iñagai gobai— in tïtïdai ïgai. —Dïï gia kïï tuiga aanï gï bïïtarï dai gï maakimu aanï gubukarhigai saidi gï kabakadagi aapi go soimaaxi taataragai bïïtarï. Mosïkaxi gobai tïgito aapi tudu. Xïïxkadï mai gubuakagi aapi amaxi kïïga maaxkana gin gubukarhiga gï soikïitai aanï tudu— in tïtïdai ïgai. Kaxkïdï kïïga bhai ïrhiarakïdï aagaiña aanï xïïxi mai gubuka aanï. Bhai gin ïrhidiña aanï maatïkatai sai podukai kïïgioma maaxkana gubukarhigadï Suxi Kristo gin abhana gaatabuadatai ïgai tudu.

Efesios 5:25

Dai aapimï kïkïïrhi abïr oigïada gïn oñiga ïpïan dukai xi Suxi Kristo gïr oigïdai aatïmï ix makïdï ïr buaboitudadami. Ïïgi gï dagito ïgai xi gï muatudagi gïr bïïtarï gïr oigïdaitai tudu.

1 Pedro 5:7

Diuxi gïn nukadai tudu dai buamï ïrhidi gïn bïïtarï, kaxkïdï maiti abïr buamï gïn ïrhiada tomarhi ïmo ixtumaxikïdï. Dagitobïrai bhaiyoma sai Diuxi bhai buadagi ixtumaxi buamï ïrhidi aapimï.