VUAANA 18:13 - Northern Tepehuan Bible

¹³ Dai bhïkai dai mïïka kïi buidïrï ïmo kïïrhi Anás tïgidukami. Go Anás ïr bhaitï kïakïdï daxdadamikatadai ïkioma dai ïr tubhadï go Kaifas. Dai xibi go Kaifas ïgai daidi ïr go bhaitï kïakïdï daxdadamikatadai.

Tepehuan Northern: Diuusi ñiooquidʌ utuducami oodamicʌdʌ

¹³ Dai otoma vaidacai ʌAanási quiidiamu Aanási ʌrtuubadʌ Caifási. Aidʌ uumirʌ Caifási ʌrbaitʌcʌaacamigadʌ ʌpapaali.

VUAANA 18:13 ပူးပေါင်းရင်းမြစ်များ

Mataibo 26:3

Dai aidï tuigako ïpï gïn ïmpagi go tïtïanïdamigadï go dadaxdadami ïmadï go tïtïïgiadami sïïrhikami. Gïn ïmpagi ïgai kiidïrï ïmo kïïrhi Kaifas tïgidukami ix makïdï ïr bïïxi adaama gatïanïdami go dadaxdadami.

Mataibo 26:57

Dai ix makïdï bhïiyi go Suxi baidaja kiidïrï Kaifas. Ïgai bïïxi adaama ïr tïanïdamigadïkatadai go dadaxdadami aidï. Ami kaxi gïn ïmpagitadai go tïtïïgiadami sïïrhikami ïmadï jaa bhaitï gukakamigadï go judidiu.

Lukas 3:2

dai go Anás ïmadï Kaifas ïr dadaxdadami bhaitï gukakamigadïkatadai. Aidï tudu oidigana dakatadai maradï go Zakarias Juan tïgidukïdï dai Diuxi aiturhi ïmo ñoki.

VUAANA 11:49

Dai ami ïmpaiñdaragïrï dajatadai go Tïanïdamigadï go daxdadami. Ïgai Kaifas tïgidu dai ïgai itïtïdai go gaa ami ïmpaiñdaragïrï, —Gia pupuiruga aapimï— itïtïdai. —Mai maatï aapimï tomarhi ïmo ixtumaxi— itïtïdai.

VUAANA 11:51

Mai ïïgi tïgibudadïkïdï ñokaitadai go Kaifas aidï. Ïgai ïr Tïanïdamikatadai go dadaxdadami aidï umiïrï bai kaxkïdï Diuxi maatadai tïgibudagai sai aagana ix mukia agaitadai go Suxi. Kaxkïdï ïkiaxdïrï ka aagidimitadai ïgai sai go Suxi muki agaitadai bïïxi go judidiu bïïtarï.

VUAANA 18:24

Dai bhodïrï go Anás gatïjai mïsai bupurana ïkadï go Suxi ïpamu dai sai baidakana dai mïï Kaifas buidïrï kïïsana. Go Kaifas tudu ïr bhaitï kïakïdï daxdadamikatadai aidï.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

VUAANA 19:11

Daidi go Suxi itïtïdai, —Diuxi ïgai dai gï maa ïmo sïïrhikami ix kaxkïdï bhaiga aapi ix gin tïañiagi muaragai. Ix mai maakimudai Diuxi sïïrhikami xadïrï ixtutuidimudai aapi. Dïï gia ix makïdï tami gï buitapi gin kïsatu mos ïgikïdï gin tañia ïrhidi muaragai mai biakatai sïïrhikami. Kaxkïdï ïgai gïïpi bamioma soimaaxi ibuayi ix bhai aapi— itïtïdai.

Hechos 4:6

Dai ami dakatadai ïpï go Amaxi. Ïgai ïr bhaitï kïakamigadï go dadaxdadami judidiu. Dai dakatadai ïpï go Kaifas ïmadï Juan dai Alejandro ïmadï jaa ïpï ix makïdï ïr aaduñdï go dadaxdadami bhaitï kïakamigadï.