Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.
VUAANA 17:25 - Northern Tepehuan Bible25 —Aapi gin Oga kïï sïïrhi aatabuayi dai go odami ix makïdï adaimïi ïïgi tïgibudadï mai maatï ix tuiga aapi dïï aanï gia kïïga gï maatï. Dai gin mamaatïrdamiga kïïga maatï sai aapi gin otoi. အခန်းကိုကြည့်ပါ။Tepehuan Northern: Diuusi ñiooquidʌ utuducami oodamicʌdʌ25 Giñooga aapi ivueeyi mosʌcaasi istumaasi ʌrsʌʌlicami. Ʌoodami maivaavoitudadami maitʌmaatʌ dʌmos aanʌ gia gʌmaatʌ. Daidʌ giñmamaatʌrdamiga cʌʌ maatʌ isaapi giñootoi ansai diviana tami. အခန်းကိုကြည့်ပါ။ |
VUAANA 17:25
37 ပူးပေါင်းရင်းမြစ်များ
Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.
—Gin oga, xibi otoma ka mai oidaka iñagai tanai oidigi daama. Kaxi ïr imïdami aanï amïka xako daja aapi kaxkïdï. Dïï gia gin mamaatïrdamiga ix makïdï aapi gin maa tanaxi bimu go gaa óídakami saagida ix makïdï ïr gï buidïrï bïïtïkami. Aapi gin Oga bïïxi adaama ïr xadutudikïdï kaxkïdï gï daanïi aanï pïsai nukadakana gin mamaatïrdamiga gï gubukarhigakïdï, go baaxi gubukarhigaikïdï tudu ix makïdï gin maa aapi. Soiñañi gin mamaatïrdamiga dai maaka ïmo kïïgadukami urabaragai saidi mos ïmo odami dukaikagi ïgai ïpïan dukai ix aanï ïmadï aapi mos ïr ïmo odami— itïtïdai.
Gï daanïi aanï saidi mos ïmo tïgibudagai biakana ïgai bïïxkatai gïr bïïna darakatai. Saidi ïr ïmo odami gïn dukamikana ïgai ïmapi ïpïandukai ix mos ïmo odami gïr dukami aapi ïmadï aanï. Podukai go gaa oidakami buaboituda antaada ix aapi gin otoi nïiditai ix ïr ïmo odami gï dukami gin mamaatïrdamiga— itïtïdai
Xibi gin mamaatïrdamigaïrï oidaga aanï dai aapi gin Oga aanïrï oidaga. Buaboikïdï ïr mos ïmo odami aatïmï tudu. Dai go gaa odami nïijadamu sai aatïmï ïr ïmo odami. Nïijadamu ïgai dai maatïkamu sai aapi gin Oga gin otoi dai kïïga oigïdai gin mamaatïrdamiga. Maatïkamu ïgai sai ix xïïxi gin oigïdai aapi pokaxi oigïdai aapi gin mamaatïrdamiga ïpï— itïtïdai Suxi.
Nobai aimïraitadai aanï dai tïï mui ïïmapïkïrï xako ibuayi aapimï xadutudaragai ïgai bïïtarï. Dai tïï aanï ïmo daxdakarui ïpï dai ami go daxdakaruana ojixi sai, IDI DAXDAKAUI ÏR ÏMAI DIUXI BÏÏTARÏ IX MAKÏDÏ AATÏMÏ MAI MAATÏ. XÏDUÑADA OIDAKAGI ÏMAI DIUXI XIBHÏAKOGA DAI AATÏMÏ MAI MAATÏ, ikaiti go ojixikami. Xibi aanï gïn aagidamu xorai idi ix makïdï xadutudai aapimï mai maatïkatai— itïtïdai Pabora.
Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.
Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.
Go diabora ïgai dai gatïanïi tami idi oidigi daama tudu. Dai maatiga maaxi sai buirumadai ïgai go óídakami ix makïdï mai maatï kaïkagi gïr aatagi mai buaboitudaitai ïgai ixtumaxi ïr buaboi. Maiti ipïrhidi go diabora ix óídakami maatï kaïkagi go bhai ïrhiaragai aatagi aagaitai Suxi Kristo tudu. Maiti ipïrhidi ïgai ix maatïkagi óídakami xïï kïï tuiga dai xïï gubuka Suxi Kristo Gïr Nukadakami. Suxi ïmadï Diuxi kïïga ïmadugan maaxi dai ïmadugan tutuiga tudu.
Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.
Daidi go Diuxi tïañikarudï ix makïdï tïanïi go sudagi potïtïdai Diuxi, —Aa gia sïïrhi aatabuayi aapi Diuxi. Mosïkaxi aapi tudu ïkobai daja soimaaxkamiañdïrï. Go oidigi daama óídakami aaxtaiña ïradï go buaboitudadami tudu ïmadï ix makïdï ïr gï ñokituldiadamiga. Dai xibi ka aa noraidi aapi go óídakami pomaaxi ibuadatai ïgai dai ïrai naatorhi aapi sudagi sai gobai yïïdagi ïgai xibi. Kïïga gïn ajïga ïgai xi podukai gïgïbituldagi aapi tudu. Gia sïïrhi aatabuayi aapi Diuxi— itïtïdai.
ကြော်ငြာတွေ