VUAANA 17:15 - Northern Tepehuan Bible

^15-16 —Gin Oga, gï daanïi aanï gobai bïïtarï ix makïdï gin ïpïamaaxi. Ix makïdï maiti ïr aduñdï go gaa ix makïdï adaimïi ïïgi tïgibudadï tudu. Gï daanïi aanï pïsai nukadakana ïgai sai mai soi buadana go diabora saagida oidakatai ïgai go gaa odami tami idi oidigi daama—.

Tepehuan Northern: Diuusi ñiooquidʌ utuducami oodamicʌdʌ

¹⁵ Aanʌ maitʌdaanʌi pʌsai vuvaidana ʌvaavoitudadami oidigi daamaiñdʌrʌ mosʌcaasi gʌdaanʌi aanʌ pʌsai sobicʌdana ʌDiaavora vai ʌgai maisoimaasi duiñtuldana.

VUAANA 17:15 ပူးပေါင်းရင်းမြစ်များ

Mataibo 5:37

Ix iduña agadagi aapimï ixtumaxi abïr mosïkaxi ikaitiada sai —Ïjï. Iduñimu aanï—. Dai ix maiti iduña agadagi aapimï aidï gia, —Cho. Maiti iduñimu aanï— abïr itïda mosïkaxi. Soimaaxi gobai tudu ix ïma maaxi aagadagi aapimï maaxituda ïrhiditai sai buaboikïdï iduña agai ixtumaxi— itïtïdai Suxi go odami.

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Lukas 11:4

Dai gïr oigïldañi xïïxkadï soimaaxi ibuadagi aatïmï. Kaxkïdï tudu aatïmï ïpï oigïdai odami ix makïdï soi gïr buidadagi. Dai maiti dagito xi gïr aiyagi tomarhi ïmo ixtumaxi ix makïdï gïr bapaidagi sai soimaaxi ibuada aatïmï. Podukai abïr itïda aapimï— itïtïdai Suxi dai podukai maatïturhi ïgai ix dukatai daanïda ïgai Diuxi.

Lukas 22:32

—Dïï gia gï daanturhiña aanï aapi Ximuñi Piduru sai mai ugitïna gï buaboidaraga. Dai xïïxkadï ka daibuñagi ixtumaxi daibuña agai ka ïmadukai gï tïgitomu aapi ïpamu. Dai amaxi ipïrhidi aanï xi soikïdagi aapi gï suskurhi dai gï xixïgi Diuxi amadïrï sai kïïga gubuakada ïgai buaboidaradï— itïtïdai.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

2 Tesalonicenses 3:3

Kïï maatï aatïmï tudu sai tomaxi oidaga mui soimaaxi ibuadami ix makïdï soi gïr buidada ïrhidi dïï bïïxkïrï maiti gïr dagitomu Gïr Nukadakami. Kaxkïdï gï maatï ïpï sai gïn maakimu ïgai gubukarhigai dai gïn nukadakamu xïïxkadï soi gïn buidada agadagi go diabora.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

1 Juan 5:18

Kïïga maatï aatïmï tudu sai aatïmï ix makïdï ïr maamaradï Diuxi mai oidiña go soimaaxkami. Suxi Kristo ix makïdï ïr Diuxi Maradï gïr nukadai kaxkïdï. Dai kaxkïdï go diabora maiti ixtutuidikïi ix gïpiïrï gïr surhigidagi maamaradïkatai aatïmï Diuxi.

1 Juan 5:19

Kïïga maatï aatïmï saidi ïr maamaradï aatïmï Diuxi tudu. Dai maatï aatïmï ïpï sai go diabora tïanïi bïïxi go gaa oidigi daama óídakami ix makïdï mai buaboitudai Suxi Kristo.