VUAANA 16:26 - Northern Tepehuan Bible

²⁶ Aidï gia ka maiti gï aagadamu ix ñokiada aanï gïn bïïtarï xïxkadï aitulda ïrhiada aapimï ïmo ñoki gin Oga. Kaxkïdï tudu ïïgi biakamu aapimï oigaragai ix aatagada ïgai ïmadï gin mamaatïrdamikatai aapimï— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁶ Dai aidʌ tasʌrʌ daañidamu aapimʌ Diuusi gʌrooga giñsʌʌlicamigacʌdʌ. Dai camaitʌgitocamu aapimʌ iñsaanʌ daanʌdagi gʌrooga aapimʌ gʌnvʌʌtarʌ.

VUAANA 16:26 ပူးပေါင်းရင်းမြစ်များ

VUAANA 14:16

Dai aanï daañimu gin Oga ix ïgai gïn otosdamu ïmai soikïdami ix makïdï gïn ïmadï dakamu bïïxkïrï bïïtarï— itïtïdai.

VUAANA 14:20

Gïn maakimu aanï gubukarhigai tudu sai kïïga duduakakagi aapimï dai aidï gia maatïkamu aapimï ix gïr bïïna daraka aanï ïmadï gin Oga dai maatïkamu aapimï ïpï sai aanï ïmadï aapimï kïïga bïïna daraka ïpï— itïtïdai.

VUAANA 16:19

Daidi Suxi máí sai go gaa tïkaka ïrhiditadai ix tïiya ïrhidi aatagidï daidi itïtïdai, —¿Gïn tïkakaimi mïxi aipakoga ix tuixi pobïntïtïdai aanï sai —Ïpï chïki tasaikïdï ka maiti gin nïijadamu aapimï. Dïï gokiïrï gia otoma gin tïïgimu aapimï ïpamu?— itïtïdai.

VUAANA 16:23

Gïn tïïgimu aanï ïpamu tudu dai aidï gia ka maiti gin tïkakamu aapimï tomarhi ïmo ixtumaxi bamioma— itïtïdai. —Gin aaduñi, kïïga abïr gïn tïgito kaïka idi ñoki. Daiñi, gïn maakai aanï sïïrhikami ix aatagada aapimï gin Oga ïmadï gin mamaatïrdamikatai aapimï. Kaxkïdï ix tanïdagi aapimï ix tumaxi gïn maakimu ïgai mïx tumaxi tanïdagi.

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

VUAANA 17:19

Gin Oga, kaxi gin tïïgi aanï ïïgi ix ïr mosïkaxi aapi gï bïïtarïkana aanï sai podukai gin mamaatïrdamiga buaboikïdï ïr mosïkaxi aapi gï bïïtarïkana ïpï— itïtïdai Suxi Diuxi.

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

VUAANA 17:9

—Gin Oga, gï daanïi aanï xibi, dïï mai xu go gaa óídakami bïïtarï ix makïdï mai buaboitudai. Gï daanïi aanï xibi mosïkaxi idi gin mamaatïrdamiga bïïtarï ix makïdï aapi gin maa. Gï daanïi aanï gobai bïïtarï aapi gï tuigakatai gobai.

Romanos 8:34

Dai Suxi Kristo ïgai dai muu gïr bïïtarï ïpï dai gï duakatu ïpamu dai Diuxi sïïrhixapadïrï daja ïgai xibi. Ami gadaanïi ïgai Diuxi gïr bïïtarï. ¿Xorai potïdana aidï saidi gïr ajïga gïgïbidaragai ami dajatai Suxi dai daanïitai ïgai gïr bïïtarï? ¡Tipu xorai!