VUAANA 16:20 - Northern Tepehuan Bible20 Kïïga abïr gïn tïgito kaïka idi ñoki tudu. Daiñi, aapimï soi gïn ïrhiadamu dai suanïdamu imïkai aanï dïï go gaa ix makïdï adaimïi ïïgi tïgibudadï gia bhai gïn ïjïldamu. Mosïkaxi tukamïrï gia kabami soi gïn ïrhiadamu aapimï dïï gokiïrï gia gïn ayimu bhai ïrhiaragai. အခန်းကိုကြည့်ပါ။Tepehuan Northern: Diuusi ñiooquidʌ utuducami oodamicʌdʌ20 Sʌʌlicʌdʌ aapimʌ soigʌnʌliadamu dai suaanʌdamu dʌmos ʌoodami maivaavoitudadami baigʌnʌliadamu. Dʌmos gʌnsoiʌliaraga ugitimu sibaigʌnʌliadamu aapimʌ. အခန်းကိုကြည့်ပါ။ |
Mos potïi ïgai tai ïpïpï kujui go takuku dai tïgito go Piduru xi Suxi ïkiaxdïrï potïtïdai ïgai, —Piduru, mai kia gokoaja kujukai go takuku pai aapi baikojo potïimu ix maiti gin maatï aapi— itïi go Suxi ïkiaxdïrï. Dai go Piduru tïïtïitoi ix ka yaata ïgai aagaitai ix mai maatï go Suxi dai kabami suakai.
—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.
Tomaxi naana maaxi dïgabuskïi soi ïrhiaragai bïïxkïrï aatïmï bhai gïr ïrhidiña. Dai tomaxi ïr soititigami aatïmï bïïxkïrï kïïga soikïiña aatïmï jaa sai biakana ïgai naana maaxi kïïga namïakami ixtumaxi iibhïadïrï bïïtarï. Bhaitoma mai bia aatïmï ixtumaxi tami oidigi daama tudu dïï gia bïïxkïrï bhai gïr ïrhidiña ïpïan dukami ix biakamudai aatïmï bïïxi aïkatai ixtumaxi oidaga. Podukai óídaga aatïmï tudu dai kaxkïdï kïïga gï maatï saidi ïr buaboi gïr ñoki ojotosadïkatai aatïmï Suxi.
Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.
Dai aapimï sïïrhikïdï kïïga ibuayi ïpï. Ibuayi aapimï ïpïandukai aatïmï ïmadï Gïr Nukadakami tudu. Daiñi, kajioma aatïmï sai jaa maiti ipïrhidi ix buaboitudada aapimï dai bhaiyoma soi gïn buididiña buaboitudakai aapimï. Dïï gia kajioma aatïmï ïpï sai tomax dukai maiti gïn daadagitoiña aapimï ix gïn maitiagi go soi ïrhiaragai xïxkadï soi gïn buididiña jaa. Saidi as gïn soikïiña Diuxi Ibhïadï sai bhai gïn ïrhidiña aapimï bhaiyoma. Podukai tudu ibuayi aapimï ix dukai ibuayi aatïmï ïmadï Gïr Nukadakami Aatïmï ïpï maiti gïr daadagitoiña ix gïr maitagi go soi ïrhiaragai tomaxi soi gïr buidadagi jaa.
Gïn aaduñi, mosïka arhi ïmaduga Diuxi dai ïgai bhai dui go kïïgakïrï bubaidaragai gïr bïïtarï Suxi Kristokïdï ix makïdï ïr Gïr Nukadakami. Kïïga ixtutuidikïi Diuxi ix gïn nukadakagi dai gïn soikïdagi sai mai dagitoagi aapimï gïn buaboidaraga sai podukai mai gïpiïrï surhigiagi aapimï. Dai kïï bhaiga ïgai sai bhai gïn buadagi saidi kïïga bhai ïrhiarakïdï gukakagi aapimï ami xako kabami totoarïi buitapi Diuxi. Kabami totoarïi Diuxi tudu mos ïï kïïga xigiamaaxkatai ïgai dai mos ïï kabami gubuakatai ïgai ïpï. Kïïga ixtutuidikïi ïgai ix bhai gïn duñagi sai mai biakagi aapimï toma lïïchi soimaaxkami gïn abhana dai bhodïrï baan gïn tutusamu ïgai ami buitapi ïgai ka kïïga bhai gïn dunakai ïgai.
—Daiñi— ikaiti. —Go Babiloniïrï óídakami ikaitiña sai, —Aatïmï bhai gïr ïrhidi tïtïanïdami dukai darakatai. Maiti ïr bipiudu aatïmï dai tomarhi ïmo imidagai maiti gïr ayimu xi soi gïr ïrhiadagi ix dukai soi gïn ïrhidiña bipiudu,— ikaitiña. Dïï gia ix xïïxi pokaitiña ïgai sai bhai gïn ïrhidiña dai saidi ïr gïgïrdukami pokaxi kabami gï agai xi soi gïn ïrhiadagi tudu.