VUAANA 16:19 - Northern Tepehuan Bible

¹⁹ Daidi Suxi máí sai go gaa tïkaka ïrhiditadai ix tïiya ïrhidi aatagidï daidi itïtïdai, —¿Gïn tïkakaimi mïxi aipakoga ix tuixi pobïntïtïdai aanï sai —Ïpï chïki tasaikïdï ka maiti gin nïijadamu aapimï. Dïï gokiïrï gia otoma gin tïïgimu aapimï ïpamu?— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁹ ɅSuusi maatʌcatadai isaatʌmʌ tʌcaca ipʌliditadai ʌmo istumaasi cascʌdʌ povʌrtʌtʌdai: ―Casi gʌnaagidi aanʌ sai caotoma maitiñnʌijadamu aapimʌ dai gooquiʌrʌ maitʌvʌpicʌdʌ ʌpamu giñtʌʌgimu. ¿Gomaasi mʌsaagai aapimʌ?

VUAANA 16:19 ပူးပေါင်းရင်းမြစ်များ

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

VUAANA 16:16

Daidi Suxi itïtïdai go mamaatïrdami aidï, —Xibi abhiadïrï ïpï chïki tasaikïdï imimu aanï tabhiadïrï ix ka maiti gin nïijadamu aapimï. Dïï gia otoma gin tïïgimu aapimï ïpamu gokiïrï— itïtïdai.

VUAANA 13:33

—Aapimï ïr miadïrï gin aaduñi dai kïïga gïn oigïdai aanï— itïtïdai. —Xibi ka mai xii tïbïpi dakamu aanï gïn ïmadï kia. Dai gokiïrï ka imïkai aanï aapimï gin gaagadamu dai maiti gin tïigimu— itïtïdai. —Potïtïdai aanï go judidiu ïpï ïkioma. Dai xibi gia ka aijimi ix imïdagi aanï dai aapimï maiti ixtutiadamu ix gin oidagi.

VUAANA 7:33

Daidi Suxi potïtïdai go odami, —Mosïkaxi chïki tasai dakamu aanï tami gïn ïmadï dai bhodïrï ïpamu noragimu aanï dai ïmadï dakamu ïpamu go makïdï gin otoi bhaigobai— itïtïdai.

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.

Hebreos 4:13

Mai tipu ixtumaxi ïxtokikagi Diuxi buitapi tudu. Bïïxi aïkatai mos maaxiko kaatïkana Diuxi buidïrï. Dai ïgai buitapi bia aatïmï xi aagadagi ix tumaxi dui aatïmï tami idi oidigi daama.

VUAANA 21:17

Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

Mataibo 9:4

Dai Suxi kïï maatï ix gïn tïtïitoi ïgai daidi potïtïdai, —¿Ix tuixidï gïn tïtïitoi aapimï sai mai bia aanï gubukarhigai ix oigïrhiadagi go soimaaxkamigadï odami? Soimaaxi tïtïitoi aapimï tudu.

Mataibo 6:8

Maiti gï agai sai muiyoko dai tïbïpi aagada aapimï ïgalbaaxi ñoki podukai gin aaduñi. Diuxi ïkiaxdïrï ka kïïga maatï ixtuma tïgito aapimï mai kia aagidakai aapimï tudu— itïtïdai.

Markos 9:32

Dai go mamaatïrdami mai maatï kaï aatagidï daidi gatïkaka ïrhidi dïï mos dodorhi bii ïgai duduadimukatai.

VUAANA 6:61

Daidi Suxi máí ix tumaxi gïn tïtïïgitokatadai ïgai daidi itïtïdai, —¿Xijiakan duu mïx kaï idi aatagi dai kaxkïdï mai buaboituda ïrhidi?— itïtïdai.

VUAANA 16:23

Gïn tïïgimu aanï ïpamu tudu dai aidï gia ka maiti gin tïkakamu aapimï tomarhi ïmo ixtumaxi bamioma— itïtïdai. —Gin aaduñi, kïïga abïr gïn tïgito kaïka idi ñoki. Daiñi, gïn maakai aanï sïïrhikami ix aatagada aapimï gin Oga ïmadï gin mamaatïrdamikatai aapimï. Kaxkïdï ix tanïdagi aapimï ix tumaxi gïn maakimu ïgai mïx tumaxi tanïdagi.

VUAANA 16:26

Aidï gia ka maiti gï aagadamu ix ñokiada aanï gïn bïïtarï xïxkadï aitulda ïrhiada aapimï ïmo ñoki gin Oga. Kaxkïdï tudu ïïgi biakamu aapimï oigaragai ix aatagada ïgai ïmadï gin mamaatïrdamikatai aapimï— itïtïdai.